Tayitùs 2:12 - Meta’

¹² Ɨ̀chɔ̀m we wɨə ghɨ̀ ni tɨ̀ ton ɨnû mbe nɨə ghɨ̀ə̀ ni tɨ rɨ̀ wumnɨ a Ŋwiə̀ bə̀ ton nɨ beenɨ əbɔʼ ɨnû rɨŋga ɨsɨg. Ɨ wɨə ghɨ̀ ni tɨ yimbɨ ɨnyod, wumnɨ ə Ŋwiə̀ bə̀ chub ɨŋga ɨsɨg wɔ̂ ɨchî nɨ kuʼnɨ.

Ikan feg

¹² Ìchɔ̀mì we fə chwi ina gha tì to̰ awa inug mbe ne chəyi mbe nàʼà ighumni abə Ŋwiye bə̀ chì adɔʼ ane ighi igun isəg bə̀ nyìmbi ìwa nyɔd se ghìyə̀ inug ne koʼi fɔrɔ inug ne ghùmnə Ŋwiye inga nyùmə̀ isəg gho̰.

Tayitùs 2:12 교차 참조

Matìyò 12:32

Ŋwìə̀ bɨrɨ waʼ ɨnû rɨbɔ̀ŋ wə̀d mɔʼɔ we nɨ gha ɨŋgam rɨbɔ̀ŋ ɨmbə̀ʼ ə Wan Wə̀d, àyɨə chəi wɨ̀ bɨrɨ waʼ mbɨ wə̀d we nɨ gha ɨŋgam rɨbɔ̀ŋ ɨmbə̀ʼ Əzwî ə Ŋwiə̀, kɨ̀ à kɨ ɨŋga ɨsɨg wɔ̂, kɨ̀ ɨŋga ɨsɨg we nɨ bɨrɨ yeʼe.

Matìyò 16:24

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Wə̀d mɔʼɔ mɨ kə̀b yeʼe əbɔʼ num, wɨ̀ ton ɨnû mɔʼɔ mbe nɨ nyamnyod məd ə feenɨə, bèʼ e əzed ə baʼnɨ, beenɨ əbɔʼ num,

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Lk 1:6

Mɨ̀mə̌d mbɔ̂ mɨbe mbɨə nyaʼə ghɨ̀ ɨnû nɨ kuʼnɨ ɨfě Ŋwiə̀. Ɨ mbɨə nyaʼə nùŋə̀ rɨkə rɨ Ŋwìə̀. Ɨ mbɨ nyaʼə bə̀ ghɨ̀ ɨnû jìm mbe nɨ wɨ̀ nyaʼa ghǎ. Chəi mbɨ nyaʼa gu ənû ə mɔʼɔ.

Lk 1:75

ɨmbə̀ʼ tɨ chub ɨzeŋɨ zeŋɨ bə̀ chub ɨchî nɨ kuʼnɨ ɨfě məd ɨni jìm mbe nɨ tɨ̀ bɨrɨ chub ɨka.

Jn 14:30

Chəi mə wɨrɨ berɨ nyùmə̀ nɔnɔʼ nɨ ghambɨ mbɨ nən, ɨmbə̀ʼ ɨghəm nɨ wə̀d we nɨə tùmbɨ̀ ɨsɨg wɔ̂ wɨə yeʼe. Chəi wɨ̀ berɨ ɨka ɨgwɨ num,

Jn 6:25

Ənɨ bə̂d mbe nɨ nyaʼə kə̀b ə Yeso nyaʼa zə əməd ɨnjin ə sà ze, mbɨ nyaʼa biirɨ ɨ bɔ ni, “Əchwiə̀-ɨnû, à yeʼe əgha əwù zi ə?”

Ɨ̀fàʼì 24:16

Əne mə wɨə kywɨ ənywɨ ɨ zə ni mɨ fîŋ zeŋ ɨfě Ŋwiə̀ bə̀ zeŋ ɨfě bə̂d.

Ɨ̀fàʼì 24:25

Àyɨə ənɨ Pɔ̂l nyaʼə kɔ gha ɨmbə̀ʼ ɨnû nɨ kuʼnɨ, ɨmbə̀ʼ ənû nɨ yimbɨ ɨnyod bə̀ fɔrɨ ɨmbə̀ʼ ənû nɨ Ŋwiə̀ bɨrɨ saʼ wə̀d jìm, Felìz nyaʼa bɔ ghà ni, “À we tɨ̀ à sɨ wò e rɨ̀nîn. Ənɨ mə wɨrɨ berɨ əpan ə cherə, mə bɨrɨ tɔŋ e.”

Rm 12:2

Tɨ mbə̀ beenɨ ə əbɔʼ ɨnû mbe nɨ bə̂d ɨŋga ɨsɨg wɔ̂ ə ghɨ̀ə̀, àyɨə mbə̀ saŋə ni Ŋwìə̀ beŋ əwən ɨchî nɨ wɨə nàʼ rɨkɔndɨ fi ɨ nən, ɨmbə̀ʼ mbə kyerɨ ənû ze nɨ wɨ̀ kə̀bɨ. Əne yɨ ni mbə̀ kyerɨ ɨnû mbe nɨ yeʼ mbɨ chɔ̀m, kyerɨ mbe nɨ wɨ̀ ghaʼi bə̀ kyerɨ mbe nɨ kuʼnɨ.

Rm 6:12

Əne tɨ mbə̀ ben ə ni ɨnû rɨbɔ̀ŋ tumbɨ tə nyamnyod te nɨə kwɨə, əne ghɨ̀ mbə̀ zuunɨ ɨnû rɨbɔ̀ŋ mbe nɨ tə nyamnyod ə feenɨə.

Rm 6:19

Mə wɨə ghàm ənɨ ɨŋgam bə̂d mɨ̀sɔŋɨchù, ɨmbə̀ʼ ɨghəm nɨ mbə kɨrɨ bɔd. Ɨchî nɨ mbə̀ nyaʼa kweʼ nàʼ mbə ɨsɨ ɨnyod ənɨ ɨ̀bòʼò əmbɨ ɨnyɔɔnɨ-ɨnû bə̀ fɔrɨ əmbɨ ɨnû rɨbɔ̀ŋ nɔnɔʼ, əne tɨ̀nîn mbə̀ naʼ mbə ɨsɨ ɨnyod ənɨ ɨ̀bòʼò əmbɨ ɨnû nɨ təm kùʼnɨ̀, ɨmbə̀ʼ mbə̀ yeʼ bə̂d nɨ zeŋɨ.

Rm 8:13

Mbə mɨ chub ɨchî nɨ nyamnyod kəbɨ, mbə bɨrɨ kwɨ, àyɨə mbə mɨ che ənjìm Əzwî zwiirɨ ɨnû rɨbɔ̀ŋ mbe nɨ nyamnyod ə ghɨ̀ə̀, mbə bɨrɨ tènə̀.

2 Kɔrèn 1:12

Tɨ̀nîn, ənû ze nɨ tɨə goŋ ɨgɔ̂ ɨgun yɨ ni, ta fîŋ ə zeŋ ni tɨ̀ wɨə ghɨ̀ ɨnû nɨ zeŋɨ mbɨ ni tɨ̀ wɨə bə̀ ghɨ̀ ɨnû mbe nɨ yeʼ mbɨ rəsìʼ ɨchî nɨ tɨ̀ yeʼ ɨŋga ɨsɨg, màànɨ̀ ɨchî nɨ tɨ̀ yeʼ əkaʼ nən. À yɨ ɨ̀chɔ̀m we nɨ Ŋwìə̀ nyaʼa ghɨ ənɨ ə num nyaʼa ghɨ ni mə̀ ghɨ əne, kaʼi ɨwe bə̂d mɨ̀sɔŋɨchù.

2 Kɔrèn 7:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ Ŋwìə̀ kaʼ ɨnû mbɔ̂ ɨ na, əne tɨ̀ ton ɨnû rɨbɔ̀ŋ mbe nɨə ghɨ̀ ni nyamnyod mbɨ əzwî chubɨ rɨ zeŋ. Tɨ̀ kywɨ ənywɨ zə ni tɨ̀ zeŋ màànɨ̀ ɨchî nɨ tɨə wumnɨ ə Ŋwiə̀.

Gàlesìyà 1:4

Yeso Kristo nyaʼa nàʼ i ɨnyod ənɨ əghɨ ə̀fà ɨmbə̀ʼ mba ɨnû rɨbɔ̀ŋ. Wɨ̀ nyaʼa ghɨ̀ əne ɨmbə̀ʼ chɨ əwa rɨŋga ɨsɨg wɔ̂ nɨ ɨnû rɨbɔ̀ŋ swi ɨŋga. Wɨ̀ nyaʼa ghɨ̀ əne ɨchî nɨ Ŋwìə̀ a Mbǎʼ nyaʼa kə̀bɨ.

Gàlesìyà 5:24

Bə̂d Kristo Yeso fə kòmbɨ̀ tə nyamnyod bə̀ kòmbɨ̀ ɨnû mbe nɨ nyamnyod ə kə̀bə̀ bə̀ feenɨ əzed ə baʼnɨ.

Efesùs 1:4

Bɔŋ Ŋwìə̀ nyaʼə sɨə tekɨ ɨsɨg, wɨ̀ nyaʼa fə chɔʼ əwa ɨchî nɨ tɨ̀ yeʼ ənɨ ɨfɔtɨ mbɨ Kristo ni tɨ̀ yeʼ bə̂d zeŋɨ ɨfě məd, bə̀ yeʼ bə̂d nɨ chəi ənû rɨbɔ̀ŋ ɨgwɨ na. Wɨ̀ nyaʼa chɔʼ əne ɨchî nɨ wɨ̀ ghaʼ əwa.

Efesùs 2:2

Mbə mbɨə nyaʼə ghɨ̀ ɨnû rɨbɔ̀ŋ mbe ɨchî nɨ mbə̀ nyaʼə beenɨ əbɔʼ ɨnû rɨŋga ɨsɨg, bə̀ beenɨ əbɔʼ wə̀d we nɨə tùmbɨ̀ ɨzwî mbe nɨ yeʼ ɨŋga ɨfə, nɨ yeʼ ɨzwî mbe nɨə fàʼ rɨ̀nîn ɨŋga bə̂d mbe nɨ ghɨ̀ rɨ̀zuə̀ əmbɨ ə Ŋwiə̀.

Kòlosè 1:22

Àyɨə rɨ̀nîn wɨ̀ fə màànɨ̀ tàŋ mbɨ nən ɨchî nɨ Kristo nyaʼa kwɨ əzed ə baʼnɨ. Kristo nyaʼa kwɨ ɨmbə̀ʼ nɨŋ əwən nɨ mbə̀ fə zeŋ, nɨ chəi ənû rɨbɔ̀ŋ ə mɔʼɔ kɨ̀ ɨsaʼi mɔʼɔ ɨgwɨ nən wò ɨfě Ŋwiə̀.

1 Tèsàlonikà 4:7

Chəi Ŋwìə̀ nyaʼa tɔŋ əwa ni tɨ̀ yeʼ mbi bə̂d ɨmbə̀ʼ ghɨ ɨnyɔɔnɨ-ɨnû. Wɨ̀ nyaʼa tɔŋ əwa yeʼ ni tɨ̀ chub ɨzeŋɨ zeŋɨ.

1 Tèsàlonikà 4:9

Tɨ̀nîn chəi tɨ̀ berɨ əton nɨ wɨrɨ ŋwaʼnɨ ɨ nən ɨmbə̀ʼ ɨchî nɨ mbə̀ berɨ ghaʼ mbə bɔŋgɔb. Ŋwìə̀ ziə fə chwi ɨ nən ni mbə̀ ghaʼ bɔŋgɔb.

1 Timotì 4:12

Tɨrə̀ ben e ni wə̀d mɔʼɔ təənɨ əwe ɨmbə̀ʼ ɨghəm nɨ àwɔ̀ yeʼ wan kwa. À berɨ yeʼ əmɨg əmbɨ ə bə̂d mbe nɨ ben ə Kristo ɨchî nɨ àwɔ̀ ə ghàmə̀, ɨchî nɨ àwɔ̀ ə ghɨ̀ ɨnû, ɨchî nɨ àwɔ̀ ə ghaʼə bə̂d bə̀ fɔrɨ ɨchî nɨ àwɔ̀ chub ə zeŋɨ zeŋɨ.

1 Timotì 6:17

À yeʼ ɨmbə̀ʼ bə̂d mbɔ̂n mbe nɨ yeʼ ɨŋga ɨsɨg wɔ̂, gha əmbɨ mɨ̀mə̌d ni tɨ mbɨ nɔ ə ɨnyod, kɨ̀ bè nùŋ tə rɨkɔndɨ ɨgun mbɔ̂n ze nɨə che i che. Mbɨ nuŋ rɨkɔndɨ yeʼ ɨgun ə Ŋwìə̀ we nɨə nàʼ ɨghɨ ɨ na ə̀bù-ə̀bù. Ɨ wɨə nàʼ ɨmbə̀ʼ tɨ chub ɨchî chɔ̀m.

1 Timotì 6:9

Àyɨə bə̂d mbe nɨə kəb berɨ ɨkab bɨrɨ nyɨ ɨŋga ə̀kwàʼnɨ̀ əne feŋ ɨŋga ətam ze nɨ bɨrɨ ghɨ ni mbɨ ghɨ ɨnû ɨneŋ nɔnɔʼ bə̀ ghɨ̀ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨnû rɨbɔ̀ŋ rəŋgu mbe tɨ mbɨ chəkɨ mɨ̀mə̌d bə̀ nimnɨ mɨ̀mə̌d,

2 Timotì 3:12

Mbɨ bɨrɨ kàŋ nwendɨ tɨkyerɨ-ɨwu bə̂d mɨ̀jìm mbe nɨ ben ə Kristo Yeso. Mbɨ berɨ ghɨ əne ɨmbə̀ʼ ɨchî nɨ ɨ mbɨə chub ɨchî nɨ Ŋwìə̀ kəbɨ.

2 Timotì 4:10

ɨmbə̀ʼ ɨghəm nɨ Demàs fə waʼ əmɨ wo əwi ə Tèsàlonikà. Wɨ̀ fə wò əŋgu ɨmbə̀ʼ ɨghəm nɨ wɨ̀ ghaʼ ɨnû rɨŋga ɨsɨg wɔ̂. Kresèn fə wò ə Gàlesià. Taitùs fə bə̀ wò ə Dalmatià.

Tayitùs 3:3

Mba bə, tɨ̀ nyaʼa kweʼ ghɨ̀ ɨnû ɨneŋ bə̀ kweʼ ghɨ̀ rɨ̀zuə̀. Mbɨ nyaʼa kweʼ tambɨ əwa tɨ̀ febə. Mbɨ nyaʼa kweʼ ghɨ tɨ̀ ben ɨ̀bòʼò əmbɨ tɨkwɨrɨ ɨnû jìm mbe nɨ nyamnyod ə feenɨə bə̀ ghaʼə. Tɨ̀ wɨə nyaʼə ghɨ̀ ɨzɨg ənɨ ə bə̂d. Tɨ̀ wɨə nyaʼə bə̀ ghɨ̀ ə̀dìì. Bə̂d mbɨə nyaʼə bàn əwa. Tɨ̀ wɨə nyaʼə bə̀ bàn à ɨnyod mbǎ mbǎ.

Mə̀Hibrù 8:11

Chəi wə̀d nɨ bɨrɨ chwi ənû əmbɨ wi aŋgɔb, kɨ̀ bè ghà əmbɨ wi aŋgɔb ni, 'Kyerɨ Ə̀nùŋɨ̀sɨg,' ɨmbə̀ʼ ɨghəm nɨ mɨ̀mə̌d mɨjìm bɨrɨ kyerɨ əmɨ, kɔ rɨ ənɨ wɨ kwa wò pè ənɨ wɨ kyeŋ.

Jems 1:27

Ənû ə Ŋwìə̀ ze nɨ Ŋwiə̀ Mbǎʼ ben ni zɨə zeŋ, nɨ chəi ənû rɨbɔ̀ŋ ɨŋga, yɨ nɨ nəŋgɨ mɨchɨ bə̀ fɔrɨ nɨ nəŋgɨ mɨku əyi mbe nɨə zəə ŋgəʼ. À yɨə bə ni tɨ wə̀d ben i ɨnû rɨŋga ɨsɨg chəkɨ i əməd.

2 Pità 2:9

Əne yɨ ni Ə̀nùŋɨ̀sɨg ə kyerɨ ɨchî nɨ chɨ bə̂d mbe nɨə wumnɨ əməd tɨ ənɨ ɨ̀kwàʼnɨ̀. Wɨ̀ bə̀ kyerɨ ɨchî nɨ chə mbe nɨ chəi mbɨə ghɨ̀ ɨnû nɨ kuʼnɨ. Wɨ̀ bɨrɨ nuŋ mɨ̀mə̌d wò pè əni ze nɨ wɨ̀ bɨrɨ nwìə̀ saʼ ɨsɨg,

2 Pità 3:11

Ɨchî nɨ Ŋwìə̀ bɨrɨ nimnɨ ɨghɨ mbɔ̂ jìm ɨchî wɔ̂, mbə̀ kɨə wo yeʼ ɨkwɨ bə̂d mbi ə? Mbə berɨ chub ɨzeŋɨ zeŋɨ bə̀ sweŋ ə ɨnyod əmbɨ ə Ŋwiə̀

1 Jɔn 2:27

À yeʼ ɨmbə̀ʼ əwən, Əzwî ze nɨ Kristo nyaʼa cha ɨ nən ə fə ten i ɨŋga nən, əne chəi ənɨ tɨ̀ wə̀d mɔʼɔ wɨrɨ chwi ənû ɨ nən. Əzwî ə zɨə chwi ɨnû jìm ɨ nən. Ɨnû mbe nɨ zɨə chwiə yɨ ɨnû rəsìʼ, nɨ chəi mɨghab ɨŋga. Mbə̀ ghɨ ɨnû mbe əne chubɨ ənɨ ɨfɔtɨ mbɨ Kristo.

1 Jɔn 2:6

Wə̀d mɔʼɔ we nɨ ghà ni tə wɨ ənɨ ənû ə mɔʼ mbɨ ə Ŋwiə̀ berɨ beenɨ àmei əbɔʼ tɨkyerɨ-ɨwu Yeso Kristo.

1 Jɔn 5:19

Tɨ̀ ə kyerɨ ni tɨ yɨə bə̂d Ŋwiə̀. Tɨ̀ bə̀ kyerɨ ni ɨsɨg jìm wɨ əton ə Satàn.

Jûd 1:18

Mbɨ nyaʼa ghà ɨ nən ni, “Ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə. Ɨnû mbe mbɨə ghɨ̀ə̀ ni tɨ mbɨ wumnɨ ə Ŋwiə̀.”

Ɨnû 14:12

Əne yɨ ni bə̂d Ŋwiə̀ berɨ nyìʼ, mbɨ berɨ nùŋ tɨkə rɨ Ŋwiə̀ bə̀ nùŋ fîŋ ɨgun ə Yeso.