Biblia Todo Logo
온라인 성경

- 광고 -




Tayitùs 1:5 - Meta’

5 Əton nɨ mə̀ nyaʼa saŋ əwe ə Kret yɨ ni à tekɨ ɨnû jìm mbe nɨ nyaʼa kɨrɨ buʼ ɨŋga ɨfetɨ bə̂d Kristo we. Mə nyaʼa bə̀ sàŋ əwe əŋgu ni à chɔʼ bə̂d mbe nɨə chà tɨfetɨ bə̂d Kristo ɨŋga ɨsɨ jìm mbe nɨ yeʼ ə Kret àmei ɨchî nɨ mə̀ nyaʼa fə gha ɨ ne.

장을 참조하십시오 복사

Ikan feg

5 Aton ne mə̀ ya sàŋi awe a Kred ya gha àghò mana sèmbì inug mɔ̀ʼɔ mbe ne chəyi tì ya kiri sembi, bə̀ chɔʼ itog bəd inga tifeti bəd Kristo inga isiŋi ijìm a Kred icheg ne mə̀ ya gha ine.

장을 참조하십시오 복사




Tayitùs 1:5
18 교차 참조  

Mbɨ nyaʼa ghɨ̀ ənû ze, əne tom ə Banabàs mbɨ Sɔ̂l mbɨ ɨkab we nɨ mbɨ nyaʼa fetɨ ni mbɨ wo nàʼ əmbɨ ə bə̂d mbe nɨ nyaʼə chà ɨfetɨ bə̂d Kristo we rɨ ə Jèrusalèm.


Ənɨ mbɨ nyaʼa fə chɔʼ bə̂d mbe nɨə chà tɨfetɨ bə̂d Kristo te ɨ mɔʼ mɔʼ, mbɨ nyaʼa kɔŋgɨ ə Ŋwiə̀, chub rɨ jɨg, zɨ̀ mɨ̀mə̌d ɨŋga tɨkyerɨ-ɨbɔ Ə̀nùŋɨ̀sɨg we nɨ mbɨ nuŋ tə fîŋ ɨgwɨ məd.


Tɨ̀ yɨ mɨ̀Jû mbɨ ə bə̂d mbe nɨ fə beŋ tə fîŋ ben ənû ə Ŋwiə̀ mɨ̀Jû. Tɨ̀ yɨ rɨ ə Kret bə̀ fɔrɨ rɨ ə Àrebìà. Àyɨə mba mɨjìm mbɨə zu ənɨ mbɨə ghà ɨnû kyeŋ mbe nɨ Ŋwìə̀ ghɨ̌. Ɨ mbɨə ghàə̀ yeʼ ənɨ mba mɨŋgam əbeŋ.”


Ɨchî nɨ chəi əsɨ ze nɨ mbɨ nyaʼa pè təm nyaʼa kuʼ nɨ tɨ̀ mbɨ chub əŋgu ənɨ ə nyùmə̀ we nɨ ɨfə ə kɔ əku, bə̂d mɨ̀nɔnɔʼ nyaʼa ghà ni mbɨ wo ɨmbì, ɨghə̀m mbə pè ə Fonìz. Fonìz yɨə nyaʼa əsɨ ə kyeŋ ə Kret. Ə zɨə nyaʼə neŋ əbà ze nɨ nyùmə̀ ə jwɨ̀ə̀. Tɨ̀ nyaʼa chub əŋgu pè ənɨ nyùmə̀ ɨfə we nyaʼa chě.


Ənɨ əfim ze rɨ əbà rɨ əton ə nyaʼa kɔ chě tɨpiî rɨ̀piî, mbaŋə̀ te nyaʼa kɔndɨ ni tɨ̀ fə berɨ ənû ze nɨ tɨ̀ nyaʼə kə̀bə̀. Əne tɨ nyaʼa sùŋ ətənɨ ze nɨə ghɨ̀ əbaŋ ə təm ɨŋga ɨgyɨ̀, chɨ̀. Tɨ̀ nyaʼa ghɨ əne, kɔ yen ɨban ə Kret, kwàʼ ɨban mboŋ.


Ɨchî nɨ mbɨ nyaʼa chub ənɨ əgha ə se zɨ rɨ jɨg, Pɔ̂l nyaʼa nɔ̀ʼ təm əkaʼ mɨ̀mə̌d ghà ni, “Məmbe, njɨ mbə̀ nyaʼa zu ənû ze nɨ mə̀ nyaʼa gha ɨ nən, chub ə Kret. À kɨ nɨ mbə̀ nyaʼa zu, njɨ chəi əfim zɔ̂ ə chəkɨ əbaŋ zɔ̂, njɨ chəi tɨ̀ bə nimnɨ ɨghɨ mbɔ̂.


Tɨ̀ nyaʼa nyeʼə yèn əton ə ŋgəʼ kǎ kǎ ɨni nɔnɔʼ. Tɨ̀ nyaʼa yèn əne wò pè ɨban ə Nidùs. Chəi əfim nyaʼa ben ni tɨ̀ wo ɨmbì. Əne tɨ̀ nyaʼa chè ɨban ə Salmonè nɨ nyaʼa əbà rɨ ə Kret ze nɨ chəi əfim ə nyaʼə che əŋgu.


Njì mɨ yeʼə zaŋə wə̀d mɔʼɔ, wɨ̀ jɨg rɨŋga i nəb, ɨmbə̀ʼ ənɨ mbə̀ fɔtɨ, tɨ Ŋwìə̀ zɨ i ɨsaʼi ɨgwɨ nən. Ənɨ mə̀ yeʼe, mə bɨrɨ kəərɨ əwən ɨmbə̀ʼ ɨnû mɔʼɔ mbe nɨ sɨ bùʼ.


Mbə̀ ghɨ ɨnû jìm ɨchî nɨ kuʼnɨ bə̀ beenɨ əbɔʼ ɨwaŋ ɨnû.


Əzɔ̂ yɨ əton nɨ mɨə tom ə Timotì əsɨ nən. Məd yɨ mɨ wan nɨ mə̀ ghaʼi kwàʼ rɨŋgəʼ. Məd wɨə fàʼ əmbɨ Ə̀nùŋɨ̀sɨg ənɨ i fîŋ jìm. Məd bɨrɨ nɔɔrɨ mbə ɨtu ɨmbə̀ʼ ɨnû mbe nɨ mə̀ nyaʼə ghɨ̀ ənɨ mə̀ nyaʼa ben ə Kristo Yeso, nɨ yeʼ ɨnû mbe nɨ mɨə chwi ɨsɨ jìm ɨŋga rɨfetɨ bə̂d Kristo rɨjìm.


Ka à bè yeʼi ni chəi əmɨ mbɨ nən ənɨ nyamnyod, àyɨə mə wɨ mbɨ nən ənɨ əzwî. Mə wɨə ghaʼə nɨ zə ni mbə mbɨə chub ɨchî ɨ̀chɔ̀m bə̀ ghaʼə nɨ zə ni mbə berɨ ɨbenɨ nɨ kaanɨ ɨgun ə Kristo.


Mə yì ghà ɨ ne àmei ɨchî nɨ mə nyaʼa be ghà bɔŋ sɨə wò ə Màsèdonià ni à chub ə Efesùs. Bə̂d mɔʼɔ mbɨ əŋgu nɨə chwi ɨnû cherə, əne mə kə̀b ni à təmnɨ mɨ̀mə̌d.


Nɨŋ ɨnû mbe nɨ à nyaʼa zu ənɨ mə̀ nyaʼə gha ɨfě mɨ̀zərɨmbin nɔnɔʼ, əne zɨ̀ ɨŋga rɨkyerɨ-ɨbɔ bə̂d mbe nɨ tɨ̀ wə̀d zɨ fîŋ ɨgwɨ mɨ̀mə̌d, ɨmbə̀ʼ mbɨ bə̀ chwi əmbɨ ə bə̂d cherə.


Wə̀d mɔʼɔ rəbɔʼ mɨ̀mə̌d nɨ nyaʼə wə̀d-ɨwe nyaʼa ghà ni, “MəKret mbɨə ghà mɨghab ɨghəm jìm. Ɨ mbɨə ghɨ̀ ɨzɨg ɨghabɨ nyam rɨ tɔtɔ. Mbɨ yɨ mɨgwed nɨə jɨg əku.”


우리를 팔로우하세요:

광고


광고