Tayitùs 1:1 - Meta’

¹ À yɨə mɔ̌ Pɔ̂l, nɨ mə yeʼ wə̀d ə̀fàʼì Ŋwìə̀ bə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa chɔʼ əmɨ ni mə ghɨ̀ ni ɨbenɨ bə̂d mbe nɨ wɨ̀ chɔʼɔ wɨ kaanə, bə̀ ghɨ̀ ni mbɨ kyerɨ rəsìʼ we nɨ bɨrɨ ghɨ ni mbɨ chub ɨchî nɨ Ŋwìə̀ kə̀bɨ.

Ikan feg

¹ À ya mo Pɔl, wə̀d àfàʼì Ŋwiye ne bə̀ yaʼ wə̀dtɔm Kristo ŋwàʼri àŋwàʼrì azo̰. Ŋwiye ya chɔʼ amə gha mə̀ ghiyə ibḛfiŋ abə bəd mbe ne wì chɔ̀ʼi we təm kà. Wì ya bə̀ chɔʼ amə gha mə̀ ghiyə mbe kyeri tesiʼ we ne biri ghì mbɔb chughi ane ikuchèg ne Ŋwiye kə̀bi.

Tayitùs 1:1 교차 참조

Lk 18:7

Əsob mɨ̀sàʼi rɨbɔ̀ŋ we mɨ yeʼə ghɨ̀ əne, njɨ ka Ŋwìə̀ wa bɨrɨ weerɨ i bə̂d ɨməd mbe nɨ wɨ̀ chɔʼɔ, ɨchî nɨ mbɨə zə̀ʼ ɨ bɔ əziə mbɨ ɨzimɨ ə? Wɨ̀ wa bɨrɨ tàndɨ̀ bɔŋ weerɨ mɨ̀mə̌d ə?

Ɨ̀fàʼì 13:48

Ənɨ bə̂d mbe nɨ kaʼi mɨ̀Jû nyaʼa zu ənû zɔ̂, mbɨ nyaʼa ghaʼ əne yiirɨ ə Ŋwiə̀ ɨmbə̀ʼ ɨŋgam məd we nɨ wɨ̀ ghamɨ dè əwən. Bə̂d mɨjìm mbe nɨ Ŋwìə̀ nyaʼa fə chɔʼɔ ni mbɨ bɨrɨ jɨg ɨ̀tènɨ̀ rɨ mì nyaʼa ben ənû ze nɨ mbɨ nyaʼə ghà ɨmbə̀ʼ ə Kristo.

Rm 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ni mə̀ yeʼ wə̀d tom Kristo. Wɨ̀ nyaʼa bə̀ chɔʼ əmɨ ni mə̀ gha ɨkə̂n chɔ̀m.

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

Efesùs 2:8

Ɨchî nɨ mbə̀ benɨ, Ŋwìə̀ fə ghɨ̀ ɨ̀chɔ̀m ənɨ nən chɨ̀ əwən rəŋgəʼ. Kaʼi mbə̀nə ghɨ ənû zɔ̂. À yɨ ɨneʼe nɨ nɔʼ rɨ əmbɨ ə Ŋwiə̀.

Fìlipì 1:1

À yɨə mɔ̌ Pɔ̂l mbɨ Timotì, nɨ tɨ̀ yeʼ bə̂d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ əmbɨ mbə̀n bə̂d Ŋwiə̀ mɨ̀jìm mbe nɨ yeʼ ə Filipì, nɨ yeʼ ənɨ ɨfɔtɨ mbɨ Kristo. Tɨ̀ wɨə ŋwàʼnɨ̀ əmbɨ mbə̀n mbe nɨ yeʼ ɨtu nɨə chà ɨfetɨ bə̂d Kristo. Tɨ̀ wɨə bə̀ ŋwàʼnɨ̀ əmbɨ mbə̀n mbe nɨə wèèrɨ̀ mɨ̀mə̌d.

Kòlosè 2:2

Əton yɨ ni mə wɨə kəb nəərɨ fîŋ tɨ mɨ̀mə̌d ni mbɨ ghaʼ mbə bɔŋgɔb əne chub ənɨ ənû mɔʼ, ɨmbə̀ʼ mbɨ berɨ mbɔ̂n ze nɨ bɨrɨ ghɨ ni mbɨ berɨ ɨwe bə̀ jeŋgɨ kyerɨ ɨnû mbe nɨ yeʼ ənə̀mə ɨmbə̀ʼ ə Ŋwiə̀. Ɨnû mbe nɨ yeʼ ənə̀mə yɨə Kristo ziə.

1 Timotì 2:4

Məd ə kə̀b ni wə̀d jìm kyerɨ rəsìʼ ɨmbə̀ʼ jwɨ rəŋgəʼ.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

1 Timotì 6:3

Wə̀d mɔʼɔ mɨ yeʼə chwi ɨnû nɨ kwepɨ rɨ ənɨ mbɔ̂, nɨ chəi wɨ̀ ben ɨŋgam rəsìʼ we nɨ a Ə̀nùŋɨ̀sɨg Yeso Kristo ghǎ, nɨ chəi wɨ̀ bə̀ ben ɨnû mbe nɨ tɨə chwi ɨmbə̀ʼ ɨchî nɨ tɨ̀ bə̂d Kristo chubɨ,

2 Timotì 2:10

Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.

2 Timotì 2:23

Tɨrə̀ berɨ e ənû ə mɔʼɔ nɨ ghɨ mbɨ ɨnû əneŋ mbe nɨ bə̂d ə tàŋ ɨmbə̀ʼ mbɨwən, nɨ chəi ɨwe ɨŋga. À fə bè kyerɨ e ni taŋ te tɨə yeʼe mbɨ əchɔb.

2 Timotì 2:25

Wɨ̀ chwi ɨnû ənɨ ɨbɔtɨ fîŋ əmbɨ ə mbe nɨə ton ɨnû mbe nɨ wɨə chwiə. Ɨghəm Ŋwìə̀ bɨrɨ ben ni mbɨ beŋ tə fîŋ kyerɨ rəsìʼ ɨmbə̀ʼ ə Kristo.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

2 Pità 1:3

Ŋwiə̀ fə chè ənjìm i ɨka nàʼ ɨghɨjìm mbe nɨ tɨ̀ kəbɨ, ɨmbə̀ʼ tɨ̀ chub ɨkǎ wumnɨ əməd. Wɨ̀ fə nàʼ əne ənjìm ɨchî nɨ tɨ̀ kyerɨ əməd. Wɨ̀ nyaʼa tɔŋ əwa ni tɨ̀ berɨ əbà ɨŋga ɨwumnɨ məd bə̀ fɔrɨ ɨŋga ɨ̀chɔ̀m məd.

2 Pità 3:11

Ɨchî nɨ Ŋwìə̀ bɨrɨ nimnɨ ɨghɨ mbɔ̂ jìm ɨchî wɔ̂, mbə̀ kɨə wo yeʼ ɨkwɨ bə̂d mbi ə? Mbə berɨ chub ɨzeŋɨ zeŋɨ bə̀ sweŋ ə ɨnyod əmbɨ ə Ŋwiə̀

1 Jɔn 2:23

Wə̀d we nɨ ton Wan fə bə̀ ton ə Mbǎʼ. We nɨ ben Wan fə bə̀ ben ə Mbǎʼ.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.