Rm 9:23 - Meta’

²³ Wɨ̀ nyaʼa bə̀ kə̀b chwi i mbɔ̂n ze nɨ chəi zɨ̀ bɨrɨ nɔ mì, nɨ yeʼ mbɔ̂n ze nɨ wɨ̀ chwɨ ɨgwɨ ə bə̂d mbe nɨ wɨə dììrɨ̀ə̀. Bə̂d mbe nɨ wɨə dììrɨ̀ə̀ yɨ mbe nɨ wɨ̀ nyaʼa fə tekɨ ni mbɨ chub ɨŋga ɨwumnɨ məd.

Ikan feg

²³ Wì ya kə̀b ni chwi ìchɔ̀mì məd we ne chəyi ìnwḭ. Wì ya kə̀b ni chwi àsɔ̀mnəfiŋ azo̰ igun bəd məd mbe ne wì ya də̀bi ni chwi àsɔ̀mnəfiŋ inɔb. À ya bəd mbe ne wì ya fə ghum chùʼri nɔ̀ŋì gha mbi biri ghumni aməd.

Rm 9:23 교차 참조

Lk 1:17

Wɨ̀ bɨrɨ wo ɨmbì Ə̀nùŋɨ̀sɨg mbɨ ɨkwɨ əzwî fɔrɨ mbɨ ɨkwɨ ɨka we nɨ Èlaijà nyaʼa berɨ. Wɨ̀ bɨrɨ beŋ fîŋ tɨ mɨ̀mbǎʼ ni mbɨ wɨrɨ ghaʼ mbə bɔn. Wɨ̀ bɨrɨ beŋ fîŋ rɨ bə̂d mbe nɨə ghɨ̀ rɨ̀zuə̀ ni mbɨ berɨ ɨwe ɨchî nɨ mbe nɨə ghɨ̀ ɨnû nɨ kuʼnɨ berɨ. Wɨ̀ bɨrɨ bɨ ghɨ ni bə̂d tekɨ ɨnyod wòm Ə̀nùŋɨ̀sɨg.”

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Rm 2:4

À wɨə wa tə̀ə̀nɨ̀ ɨ̀chɔ̀m nɔnɔʼ we nɨ Ŋwìə̀ ə ghɨ̀ ənɨ ə ne, ɨchî nɨ wɨ sàŋ ni à ghɨ ɨnû mbe nɨ chəi mbɨ kuʼu, bə̀ fɔrɨ ɨchî nɨ wɨə yimə fîŋ ə? Chəi à kyerɨ ni ɨ̀chɔ̀m Ŋwiə̀ yɨ nɨ ghɨ ni à beŋ e fîŋ ə?

Rm 8:29

Bə̂d mbe nɨ Ŋwiə̀ nyaʼa be kyerɨ, wɨ̀ nyaʼa fə bə̀ chɔʼ nùŋ ni mbɨ bɨrɨ yeʼ ɨghabɨ i Wan, ɨmbə̀ʼ Wan we yeʼ wan fə̀d ɨŋga ɨnəbɨ kyeŋ.

Rm 8:30

Bə̂d mbe nɨ wɨ̀ nyaʼa chɔʼɔ, wɨ̀ nyaʼa bə̀ tɔŋ ənɨ mbi; mbe nɨ wɨ̀ nyaʼa tɔŋə, wɨ̀ nyaʼa bə̀ ghɨ̀ mbɨ təm kùʼnɨ̀; mbe nɨ wɨ̀ nyaʼa ghɨ mbɨ təm kùʼnɨ̀, wɨ̀ nyaʼa bə̀ ghɨ̀ mbɨ berɨ ɨwumnɨ.

Efesùs 1:18

Mə wɨə kɔ̀ŋgɨ̀ ə Ŋwiə̀ ni wɨ̀ fiʼ tə fîŋ mbə̀ zə ɨzeŋɨ zeŋɨ ɨmbə̀ʼ mbə̀ kyerɨ ənû mbe nɨ mbɨə nùŋ rɨkɔndɨ wòmə̀, nɨ yeʼ ɨnû mbe nɨ Ŋwìə̀ tɔŋ əwən ɨmbə̀ʼ mbɨwən. Ɨnû mbe yɨ ɨ̀chɔ̀m rɨ mì we nɨ Ŋwìə̀ kaʼ əmbɨ mbi bə̂d.

Efesùs 2:10

Tɨ̀ yɨ əbɔ ə̀fàʼì ə Ŋwiə̀ nɨ wɨ̀ nyaʼa tekɨ ɨmbə̀ʼ tɨ chubɨ ənɨ ɨfɔtɨ mbɨ Kristo Yeso sɨə ghɨ̀ ɨnû chɔ̀m mbe nɨ Ŋwìə̀ nyaʼa fə be tekɨ rɨmbì ni tɨ̀ sɨə ghɨ̀ə̀.

Efesùs 2:7

Wɨ̀ nyaʼa ghɨ̀ əne, ɨmbə̀ʼ ənɨ nyùmə̀ we nɨə yeʼe, məd we tɨ wɨ̀ chwiə ni chəi ənɨ tɨ mbɨ mɨg ɨ̀chɔ̀m məd we nɨ kaŋ nɔʼ, ɨchî nɨ wɨə ghɨ̀ ɨ̀chɔ̀m we ənɨ ə na ənjìm ə Kristo Yeso.

Efesùs 3:16

Mə wɨə kɔ̀ŋgɨ̀ ə Ŋwiə̀ ni, ɨchî nɨ wɨ̀ berɨ mbɔ̂n ze nɨ ka zɨ bɨrɨ nɔ mi i, ɨ we tɨ wɨ̀ ghɨ̀ tə fîŋ kaanɨ ənjìm ɨka we nɨ Əzwî əməd ə nàʼə̀.

Efesùs 3:8

Ka à bè yeʼi ni mə kə chè wɨ kwa rəbɔʼ bə̂d Ŋwiə̀ mɨ̀jìm, àyɨə Ŋwiə̀ nyaʼa ghɨ̀ ɨ̀chɔ̀m ənɨ ə num ni mə̀ gha əmbɨ ə bə̂d mbe nɨ kaʼi mɨ̀Jû ɨmbə̀ʼ mbɔ̂n ze nɨ chəi zɨ̀ bɨrɨ nɔ mì, nɨ tɨ̀ berɨ àmei ɨchî nɨ mbɨ kyerɨ ə Kristo.

Kòlosè 1:12

bə̀ sɨə nàʼ məben-əwe əmbɨ Mbǎʼ we nɨ ghɨ ni mbə kuʼ nɨ berɨ əbà rɨ ənɨ ɨghɨ mbe nɨ wɨ̀ nuŋ əmbɨ mbi bə̂d ɨŋga əsɨ ze nɨ ɨzeŋɨ zeŋɨ ə teə.

Kòlosè 1:27

Ŋwiə̀ nyaʼa kàŋ kə̀b ni bə̂d məd kyerɨ ni ənû ə kyeŋ ze nɨ yeʼ ənə̀mə yɨə bə̀ əmbɨ ə bə̂d mbe nɨ kaʼi mɨ̀Jû. Ənû ze nɨ yeʼ ənə̀mə yɨ ni Kristo wɨ ɨŋga mbə̀n mbe nɨ kaʼi mɨ̀Jû. Əne yɨ ni mbə bɨrɨ bɨ berɨ ɨwumnɨ ɨghabɨ wɨ məd.

1 Tèsàlonikà 5:9

Chəi Ŋwiə̀ nyaʼa chɔʼ əwa ɨmbə̀ʼ zɨ ŋgəʼ ɨgwɨ na. Wɨ̀ nyaʼa chɔʼ əwa yeʼ ni tɨ̀ bɨrɨ jwɨ rəŋgəʼ ənjìm a Ə̀nùŋɨ̀sɨg Yeso Kristo,

2 Timotì 2:21

Wə̀d mɔʼɔ mɨ zeŋnɨ i ɨnyod waʼ mbi ɨnû rɨbɔ̀ŋ, wɨ̀ bɨrɨ yeʼ ɨghabɨ əkaŋ ze nɨ Ŋwìə̀ bɨrɨ nɨŋ fàʼ mbɨ əzɨ əwən əni ənû. Wɨ̀ bɨrɨ fə zeŋ màànɨ̀. Əne Mbǎʼ ə̀fàʼì məd bɨrɨ nɨŋ əməd fàʼ mbɨ məd ɨchî nɨ wɨ̀ fə tekɨ i ɨnyod nɨ ghɨ ɨnû chɔ̀m jìm.