Rm 9:22 - Meta’

²² Ŋwìə̀ nyaʼa kə̀b chwi i ɨsə ɨtəm bə̀ ghɨ̀ ni bə̂d kyerɨ ɨka məd. Àyɨə wɨ̀ nyaʼa kaŋ yim fîŋ mbɨ ə bə̂d mbe nɨ nyaʼa ghɨ ni wɨ̀ sə ɨtəm. Bə̂d mbe nɨ nyaʼa ghɨ ni wɨ̀ sə ɨtəm yɨ mbe nɨ nyaʼa berɨ kwɨ.

Ikan feg

²² À ya bə̀ ane ne Ŋwiye we fàʼà. Wì ya kə̀b ni chwi àzi agaŋ bə̀ ghì bəd kyeri ika məd. Si ya gha, Ŋwiye ya nyimi fìŋ tì bəd mbe ne yaya ghìyə̀ wì gàŋa, ne ya bəd ne wì ya kòʼi ni nimni.

Rm 9:22 교차 참조

Rm 1:18

Ŋwìə̀ we nɨ yeʼ ɨkaŋ wɨə chwi ni tə wɨə sə ɨtəm əbɔʼ ə bə̂d mbe nɨ chəi mbɨə wumnɨ əməd. Ɨ wɨə bə̀ sə əbɔʼ mbe nɨə ghɨ̀ ɨzɨg, ɨmbə̀ʼ ɨghəm nɨ ɨzɨg mɨ̀mə̌d wɨə kənə ni tɨ bə̂d kyerɨ ə rəsìʼ ɨmbə̀ʼ əməd.

Rm 9:17

Ə zɨ ɨŋga Ə̀ŋwàʼnɨ̀ ə Ŋwiə̀ ni Ŋwìə̀ nyaʼa ghà əmbɨ Ferò ni, “Mə nyaʼa nùŋ əwe ənɨ ɨfɔ̀n ɨmbə̀ʼ nɨŋ əwe chwi mɨ ɨka. Əze ə bɨrɨ ghɨ ni bə̂d gha ənû ɨmbə̀ʼ əmɨ ɨŋga ɨsɨg jìm.”

Rm 9:20

Àwɔ̀ wə̀d mɨ̀sɔŋɨchù kɨə kaŋ əwe nɨ bɨrɨ wiirɨ ɨŋgam əmbɨ ə Ŋwiə̀ ə? Tɨ̀ əghɨ ze nɨ mbɨ bɔmɨ wɨrɨ ghà əmbɨ ə wə̀d we nɨ bɔm əməd ni, “À bɔm əmɨ əni ɨmbə̀ʼ ə yè ə?”

Rm 9:21

Chəi əbɔm rɨkyiŋ wa berɨ ɨka ɨgun əbɔm ə, ɨ nɨŋ mbə̀ʼ əbɔmɨ fibɨ̀ bɔm tɨkyiŋ rɨbe əŋgu, fɨ fibɨ̀ ənɨ əni ənû, fɨ fibɨ̀ ɨ zɨ ɨghɨ ɨŋga əbəŋ əbəŋ ə?

1 Tèsàlonikà 2:16

ɨchî nɨ mbɨ nyaʼə kə̀b kən ni tɨ rɨ gham a əmbɨ ə bə̂d mbe nɨ kaʼi mɨ̀Jû ɨmbə̀ʼ mbɨ jwɨ̀ rəŋgəʼ. Àyɨə tɨ̀ nyaʼa wo ɨmbì rəbə gham a ghamɨ. Ɨchî nɨ mbɨ nyaʼə ghɨ̀ əne ə nyaʼa swe mbə ɨnû rɨbɔ̀ŋ mbɨ swi. Ŋwiə̀ nyaʼa sə ɨtəm əbɔʼ mɨ̀mə̌d ənɨ ɨnwǐ.

1 Tèsàlonikà 5:9

Chəi Ŋwiə̀ nyaʼa chɔʼ əwa ɨmbə̀ʼ zɨ ŋgəʼ ɨgwɨ na. Wɨ̀ nyaʼa chɔʼ əwa yeʼ ni tɨ̀ bɨrɨ jwɨ rəŋgəʼ ənjìm a Ə̀nùŋɨ̀sɨg Yeso Kristo,

2 Timotì 2:20

Ɨkwɨ ɨkaŋ ə nɔʼ ɨŋga nəb kyeŋ. Mbɨ tekɨ mbɨ mɔʼɔ ənɨ ə gôl bə̀ tekɨ mbɨ cherə ənɨ ə sɨrɨvà. Mbɨ tɔ mbɨ mɔʼɔ ənɨ əzed bə̀ tekɨ mbɨ cherə ənɨ əbɔmɨ. Mbɨ mɔʼɔ yɨ mbɨ əni ənû. Mbɨ cherə yɨ mbe nɨ mbɨə fàʼə̀ mbɨ mbɨwən ɨni jìm.

1 Pità 2:8

fɔrɨ ni, “À yɨ ɨti nɨ bɨrɨ ghɨ ni bə̂d tɨ̀grə, bə̀ yeʼ ɨwɔ̌ nɨ bɨrɨ ghɨ ni bə̂d gu ə.” Ɨ mbɨə tɨ̀grə ɨmbə̀ʼ ɨghəm nɨ chəi mbɨə ghɨ̀ ɨnû mbe nɨ yeʼ ɨŋga ɨŋgam Ŋwiə̀. Əzɔ̂ yɨ ənû nɨ Ŋwìə̀ nyaʼa fə nuŋ əmbɨ mɨ̀mə̌d.

1 Pità 3:20

Mbɔ̂ yɨ ɨzwî bə̂d mbe rəŋwe nɨ chəi mbɨ nyaʼa zuunɨ ə Ŋwiə̀ ənɨ wɨ̀ nyaʼa yim fîŋ wom ənɨ ə nyùmə̀ we nɨ Noà nyaʼə kombɨ əbaŋ ɨgyɨ̀ ze. Àmei bə̂d rɨpiî, əne yɨə bə̂d famɨ nyaʼa jwɨ rəŋgəʼ ɨŋga əbaŋ ze.

2 Pità 2:3

Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.

2 Pità 2:9

Əne yɨ ni Ə̀nùŋɨ̀sɨg ə kyerɨ ɨchî nɨ chɨ bə̂d mbe nɨə wumnɨ əməd tɨ ənɨ ɨ̀kwàʼnɨ̀. Wɨ̀ bə̀ kyerɨ ɨchî nɨ chə mbe nɨ chəi mbɨə ghɨ̀ ɨnû nɨ kuʼnɨ. Wɨ̀ bɨrɨ nuŋ mɨ̀mə̌d wò pè əni ze nɨ wɨ̀ bɨrɨ nwìə̀ saʼ ɨsɨg,

2 Pità 3:15

Mbə̀ neŋ ɨchî nɨ Ŋwìə̀ ə yimə fîŋ mbɨ nən, əne nɨŋ əze ɨghabɨ əpan nɨ wɨ̀ naʼ ɨ nən ni mbə̀ jwɨ rəŋgəʼ. Wa aŋgɔb Pɔ̂l, nɨ tɨ̀ ghaʼi kwàʼ rɨŋgəʼ, nyaʼa bə̀ ŋwàʼnɨ̀ ənû zɔ̂ ɨ nən ɨchî nɨ Ŋwìə̀ nyaʼa naʼ ɨwe ɨ bɔ ni wɨ̀ ghɨ əne.

Jûd 1:4

Mə wɨə ghà əne ɨmbə̀ʼ ɨghəm nɨ bə̂d mɔʼɔ nɨ chəi mbɨə wumnɨ ə Ŋwiə̀ fə nyaʼrɨ yeʼe nyɨ əkaʼ nən. Ɨ mbɨə bèŋ ɨ̀chɔ̀m a Ŋwìə̀ ɨmbə̀ʼ ghɨ ɨnyamnɨ-ɨnû. Ɨ mbɨə bə̀ ton ə Yeso Kristo nɨ àmei məd yeʼ a Mbǎʼ ə̀fàʼì bə̀ yeʼ a Ə̀nùŋɨ̀sɨg we mɔʼ. Ə̀ŋwàʼnɨ̀ ə Ŋwìə̀ ə nyaʼa fə ghà rəŋwe ni Ŋwìə̀ bɨrɨ zɨ ɨsaʼi ɨgwɨ mɨ̀mə̌d.