Rm 8:39 - Meta’

³⁹ kɨ̀ ɨghɨ mbe nɨ yeʼ ɨkaŋ, kɨ̀ mbe nɨ yeʼ ɨŋga si, kɨ̀ əghɨ ə mɔʼɔ ə cherə rəbɔʼ ɨghɨ mbe nɨ Ŋwiə̀ tekɨ, mbe tɨ̀ mbɨ ghabrɨ əwa tɨ ənɨ ɨchî nɨ Ŋwìə̀ ghaʼ əwa ɨchî nɨ tɨ̀ yeʼ ənɨ ɨfɔtɨ mbɨ Kristo Yeso, a Ə̀nùŋɨ̀sɨg.

Ikan feg

³⁹ ka à ya bè tika te ne yaʼi ikaŋ kə̀ tika te ne yaʼi aseg, chəyi aghi mɔ̀ʼɔ inga ighi ijìm mbo̰ ne Ŋwiye tàngi ne tì ze ghì gha imbə̀ʼ Ŋwiye ywiri chè yi imbìghè ni kɔ̀ŋ awa anjìm Yeso Kristo ne yaʼi ìwa Anɔŋisəg.

Rm 8:39 교차 참조

Matìyò 24:24

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

Jn 16:27

ɨmbə̀ʼ ɨghəm nɨ Mbǎʼ ziə ə ghaʼ əwən. Wɨ̀ ghaʼ əwən ɨmbə̀ʼ ɨghəm nɨ mbə̀ ghaʼ əmɨ bə̀ ben ni à yɨə məd nyaʼa tom əmɨ.

Jn 17:26

Mə nyaʼa ghɨ̀ ni mbɨ kyerɨ əwe. Mə bɨrɨ kɨrɨ wo ɨmbì ghɨ̀ ni mbɨ jeŋgɨ kyerɨ əwe, ɨmbə̀ʼ ɨchî nɨ à ghaʼ əmɨ bə yeʼ əkaʼ mɨ̀mə̌d, fɔrɨ ni mɔ̌ bə̂ mə̀ bə̀ yeʼ əkaʼ mɨ̀mə̌d.”

Jn 3:16

“Ŋwìə̀ nyaʼa kàŋ ghaʼ ɨsɨg, əne wɨ̀ nyaʼa chà i Wan we mɔʼ, ɨmbə̀ʼ tɨ wə̀d mɔʼɔ we nɨ ben əməd nim i, àyɨə wɨ̀ jɨg ɨ̀tènɨ̀ rɨ mì.

Rm 1:7

Mə wɨə ŋwàʼnɨ̀ əmbɨ ə bə̂d mɨjìm mbe nɨ yeʼ ə Rom. Ŋwìə̀ ə ghaʼ əwən kwàʼ rɨŋgəʼ, əne wɨ̀ fə tɔŋ əwən ni mbɨ yeʼ mbi bə̂d. Ŋwìə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Rm 11:33

Wəi! Mbə̀ zə ɨchî nɨ Ŋwìə̀ ə ghɨ̀ ɨ̀chɔ̀m ənɨ ə bə̂d mɨ̀jìm. Mbə̀ zə ɨchî nɨ wɨ̀ berɨ ɨwe bə̀ kyerɨ ɨnû jìm! Chəi ənɨ tɨ̀ wə̀d kyerɨ tɨkɔndɨ məd! Chəi ənɨ tɨ̀ wə̀d kyerɨ mɨchî məd!

Rm 5:8

Ŋwìə̀ nyaʼa chwi ni tə ghaʼ əwa əni: Ənɨ tɨ̀ nyaʼa kɨrɨ ghɨ̀ ɨnû rɨbɔ̀ŋ, Kristo nyaʼa kwɨ ɨgwɨ mba ɨtu.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

Rm 8:1

Tɨ̀nîn chəi wə̀d mɔʼɔ nɨ tɨ̀ wɨ̀ zɨ̀ ɨsaʼi ɨgwɨ ə bə̂d mbe nɨ yeʼ ənɨ ɨfɔtɨ mbɨ Kristo Yeso,

Rm 8:35

À kɨə we bɨrɨ ghabrɨ əwa tɨ ənɨ ɨchî nɨ Kristo ghaʼ əwa ə? À kɨə ŋgəʼ, kɨ̀ à kɨ ɨnû ka ka, kɨ̀ à kɨ ənû nɨ nwendɨ tɨkyerɨ-ɨwu, kɨ̀ à kɨ ə njì kǎ kǎ, kɨ̀ à kɨ ənû nɨ yen tɨ̀sɔ̀ʼ ɨkyerɨ, kɨ̀ à kɨ ənû nɨ nim, kɨ̀ à kɨ ənû nɨ kwɨ ɨchû ɨbi ə?

2 Kɔrèn 11:3

Àyɨə mə wɨə bɔə ni ɨchî nɨ jɔ nyaʼa nɨŋ ɨwe tambɨ ə Efà, ɨ mbe tɨ mbɨ bə̀ fèbrɨ̀ tə rɨkɔndɨ tɨ ənɨ ɨchî nɨ mbə̀ə fàʼ əmbɨ Kristo ənɨ ə fîŋ jìm bə̀ fɔrɨ ənɨ ə fîŋ nɨ zeŋɨ.

2 Kɔrèn 2:11

Tɨ̀ wɨə ghɨ̀ əne ɨmbə̀ʼ tɨ Satàn che i əwa ənɨ ɨwe. Tɨ̀ kyerɨ ɨnû rɨbɔ̀ŋ jìm mbe nɨ wɨə taŋə.

Efesùs 1:4

Bɔŋ Ŋwìə̀ nyaʼə sɨə tekɨ ɨsɨg, wɨ̀ nyaʼa fə chɔʼ əwa ɨchî nɨ tɨ̀ yeʼ ənɨ ɨfɔtɨ mbɨ Kristo ni tɨ̀ yeʼ bə̂d zeŋɨ ɨfě məd, bə̀ yeʼ bə̂d nɨ chəi ənû rɨbɔ̀ŋ ɨgwɨ na. Wɨ̀ nyaʼa chɔʼ əne ɨchî nɨ wɨ̀ ghaʼ əwa.

Fìlipì 3:12

Chəi mə̀ gha ni mə fə berɨ ɨnû mbɔ̂ jìm, kɨ̀ ni mə fə bɔ̀ŋ màànɨ̀, àyɨə mə wɨə kywɨ ənywɨ ɨmbə̀ʼ berɨ mbɨwən. Kristo Yeso nyaʼa ghɨ ni mə̀ yeʼ wə̀d məd ɨmbə̀ʼ berɨ ɨnû mbɔ̂ jìm.

Fìlipì 3:3

À yɨə mbǎ nɨ mbɨ ne ɨchî rəsìʼ. Əzwî ə zɨə wèèrɨ̀ əwa ni tɨ wumnɨ ə Ŋwiə̀. Tɨ̀ wɨə ghaʼ ɨchî nɨ tɨ̀ yeʼ ənɨ ɨfɔtɨ mbɨ Kristo Yeso əne chəi tɨə zɨ̀ ta fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀,

Fìlipì 3:8

Təsìʼ nɨ yeʼ əŋgu yɨ ni ɨnû jìm yɨ ɨnimɨ ənɨ mə mɨg mbɨ ənû ə kyeŋ ze nɨ bɔŋɨ chè. Ənû ə kyeŋ ze yɨ nɨ kyerɨ ə Kristo Yeso wum Ə̀nùŋɨ̀sɨg. Mə fə nim ɨnû mbe jìm ɨmbə̀ʼ ə Kristo Yeso. Mə fə zə ni ɨnû mbe jìm yɨ ɨnyɔrɨ, ɨmbə̀ʼ mə chubɨ mbɨ Kristo

2 Tès 2:4

Wɨ̀ bɨrɨ ton ɨghɨjìm mbe nɨ bə̂d ə tɔŋ ni ŋwìə̀, kɨ̀ mbe nɨ bə̂d ə wumnɨə, əne ghà nɨ tə chè ɨghɨ mbe jìm. Wɨ̀ bɨrɨ wo chub ɨŋga mbàn Ŋwìə̀ ghà ni tə yɨə Ŋwiə̀.

1 Jɔn 4:16

Əne tɨ̀ fə kyerɨ bə̀ ben ni Ŋwìə̀ ə ghaʼ əwa. Ŋwìə̀ wɨə ghaʼə bə̂d, əne wə̀d we nɨ ghaʼ wi aŋgɔb wɨ ənɨ ənû ə mɔʼ mbɨ ə Ŋwìə̀, Ŋwìə̀ ziə wɨə bə̀ ənɨ ənû ə mɔʼ mbɨ məd.

1 Jɔn 4:19

Tɨ̀ wɨə ghaʼə Ŋwiə̀ ɨmbə̀ʼ ɨghəm nɨ məd ziə nyaʼa bè ghaʼ əwa.

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.

Ɨnû 13:14

Mbɨ nyaʼa sàŋ ni zɨ̀ ghɨ ɨnû yiirɨ ɨfě nyam rɨtu ze ɨmbə̀ʼ tambɨ bə̂d mɨ̀jìm mbe nɨ yeʼ ɨgwɨ ə si. Ɨ zɨə nyaʼə ghàə̀ ni mbɨ bɔm anèŋ ɨmbə̀ʼ wumnɨ nyam kyeŋ rɨtu ze nɨ mbɨ nyaʼa wad ənɨ ɨbi bid, àyɨə ɨ zɨə kɨrɨ ɨkǎ.

Ɨnû 19:20

Mbɨ nyaʼa gywɨ̀ nyam kyeŋ ze bə̀ gywɨ̀ wə̀d ɨ̀kə̀n mɨghab we nɨ nyaʼə ghɨ̀ ɨnû yiirɨ ənɨ ɨkum məd. Wɨ̀ nyaʼa chè ənjìm ɨnû yiirɨ mbe tambɨ bə̂d mbe nɨ mbɨ nyaʼa zɨ ənweenɨ ə nyam kyeŋ ze ɨgun mɨ̀mə̌d bə̀ tambɨ mbe nɨ nyaʼə wumnɨ anèŋ məd. Mbɨ nyaʼa màʼ nyam kyeŋ ze bə̀ màʼ wə̀d ɨ̀kə̀n mɨghab we ɨkǎ ɨŋga əsɨ nɨ sɔlfò ə ghɨ̀ ɨwid kyeŋ berɨə.

Ɨnû 2:24

Àyɨə əmbɨ ə mbə̀n mbe nɨ buʼ ə Tìatirà, nɨ chəi mbɨə beenɨ əbɔʼ ɨnû mbɔ̂, nɨ chəi mbə̀ kɨrɨ kwembɨ ɨnû mbe nɨ yeʼ ənə̀mə ɨmbə̀ʼ ə Satàn, mə ghà ɨ nən ni chəi mə bɨrɨ zɨ ɨkom cherə ɨgwɨ nən.

Ɨnû 20:3

Wɨ̀ nyaʼa kod əne, màʼ ɨŋga ɨbɨgɨ we, kubrɨ ɨchû ɨbɨgɨ we ɨgwɨ məd bə̀ zɨ̀ ənweenɨ ɨgwɨ ɨchû we ɨmbə̀ʼ tɨ wɨ̀ wɨrɨ tambɨ i ɨbeŋ, pè ənɨ ɨghəm ɨwu mbe chuʼ fibɨ̀ fə mi. Ənɨ ɨghəm ɨwu mbe fə mi, mbɨ berɨ za əməd sàŋ ənɨ ɨkə nyumə̀.

Ɨnû 20:7

Ənɨ ɨghəm ɨwu mbe chuʼ fibɨ̀ fə mi, mbɨ bɨrɨ chɨ ə Satàn rɨŋga ndəŋ məd ze.