Rm 8:17 - Meta’

¹⁷ Tɨ̀ mɨ yeʼ bɔn, əne yɨ ni tɨ̀ yɨ mə̀jɨnəb Ŋwiə̀ nɨ fɔtɨ ənû əjɨnəb mbɨ Kristo. Əne yɨ ənɨ tɨ̀ zə ŋgəʼ mbɨ məd ɨmbə̀ʼ bɨ berɨ ɨwumnɨ we nɨ Ŋwìə̀ bɨrɨ naʼ ɨ bɔ.

Ikan feg

¹⁷ Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

Rm 8:17 교차 참조

Matìyò 16:24

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Wə̀d mɔʼɔ mɨ kə̀b yeʼe əbɔʼ num, wɨ̀ ton ɨnû mɔʼɔ mbe nɨ nyamnyod məd ə feenɨə, bèʼ e əzed ə baʼnɨ, beenɨ əbɔʼ num,

Matìyò 25:21

Mbǎʼ ə̀fàʼì məd we nyaʼa ghà ɨ bɔ ni, 'À fə ghɨ̀ ɨchî chɔ̀m, kyɨə wə̀d ə̀fàʼì chɔ̀m nɨə fàʼ ənɨ i fîŋ jìm. Ɨchî nɨ à fàʼ ənɨ e fîŋ jìm mbɨ ɨghɨ rɨpiî, mə bɨrɨ nuŋ əwe ɨgwɨ ɨghɨ nɔnɔʼ. Nyɨ ə nəb tɨ̀ ghɨ ɨghaʼi!'

Lk 12:32

“Tɨ mbə̀ bɔ ə, kyɨə bɔn njɨ̀g, ɨmbə̀ʼ ɨghəm nɨ ə Mbǎʼ ə ghaʼ nɨ naʼ ənû ɨfɔ̀n ɨ nən.

Lk 24:26

Zɨ rɨ wa nyaʼa kuʼi ni Wə̀d we nɨ Ŋwiə̀ zɔʼɔ zə ŋgəʼ ənɨ ɨnû mbɔ̂ bɔŋ nyɨ ɨŋga ənû ɨfɔ̀n əməd ə?”

Jn 17:24

“Mɨ Mbǎʼ, mə kə̀b ni mɨ̀mə̌d mbe nɨ à nyaʼa naʼ ɨ num yeʼ mbɨ num əsɨ ze nɨ mə yeʼ əŋgu, ɨmbə̀ʼ mbɨ zə ɨchî nɨ à nyaʼə wumnɨ əmɨ, ɨmbə̀ʼ ɨghəm nɨ à nyaʼa ghaʼ əmɨ bɔŋ à nyaʼə sɨə tekɨ ɨsɨg.

Ɨ̀fàʼì 14:22

Ɨ mbɨə nyaʼə yènə̀ tìmbɨ̀ ə bə̂d mbe nɨ nyaʼa ben ə Kristo, bə̀ yènə̀ ghàə̀ ni mbɨ yim ɨbenɨ wɨ kaanə wo ɨmbì. Mbɨ nyaʼa bə̀ ghà əmbɨ mɨ̀mə̌d ni, “Tɨ̀ berɨ zə ŋgəʼ nɔnɔʼ bɔŋ nyɨ ɨŋga ənû ɨfɔ̀n ə Ŋwiə̀.”

Ɨ̀fàʼì 20:32

“Tɨ̀nîn mə fə zɨ̀ əwən ɨŋga rɨkyerɨ-ɨbɔ Ŋwiə̀ bə̀ zɨ̀ ɨŋga ɨŋgam məd we nɨə ghɨ̀ə̀ ni wɨ̀ ghɨ̀ ɨ̀chɔ̀m ənɨ nən. Ɨkə̂n chɔ̀m we tɨ̀ wɨ ghɨ̀ mbə kwi kàànɨ̀ bə̀ ghɨ̀ mbə jɨg ɨghɨ mbe nɨ Ŋwiə̀ nuŋ əmbɨ ə bə̂d mɨ̀jìm mbe nɨ wɨ̀ zeŋnɨ.

Ɨ̀fàʼì 26:18

ni à fiʼ əghə mɨ̀mə̌d ɨmbə̀ʼ mbɨ jwɨ rɨŋga ɨsɨ firɨ wò ɨŋga ɨzeŋɨ zeŋɨ, bə̀ jwɨ̀ rɨ əsɨ ze nɨ Satàn ə tùmbɨ̀ə̀ wo əsɨ ə Ŋwiə̀. Mbɨ mɨ ghɨ̀ əne, Ŋwìə̀ bɨrɨ waʼ ɨnû rɨbɔ̀ŋ mɨ̀mə̌d bə̀ nùŋ mɨ̀mə̌d əkaʼ bə̂d mbe nɨ wɨ̀ fə zeŋnɨ ɨmbə̀ʼ ɨchî nɨ mbɨ nuŋ tə fîŋ ɨgwɨ num.'

Rm 5:17

À mɨ yeʼ nɨ ɨvɨ wɨə nyaʼə tùmbɨ̀ ɨsɨg ənjìm ɨgu-ənû wə̀d mɔʼ, njɨ à yɨə bə̀ rəsìʼ ni bə̂d mbe nɨ jɨg ɨ̀chɔ̀m nɔnɔʼ bə̀ jɨg ɨneʼe we nɨ ghɨ ni mbɨ təm kùʼnɨ̀ bɨrɨ chub ɨkǎ tùmbɨ̀ ɨsɨg ənjìm ə wə̀d mɔʼ, əne yɨə Yeso Kristo.

Rm 8:3

Ənû ze nɨ chəi rɨkə nyaʼa ghɨ̀ ɨmbə̀ʼ ɨchî nɨ nyamnyod ə feenɨə ɨsɨg, Ŋwìə̀ fə ghɨ̀. Wɨ̀ nyaʼa ghɨ̀ əne ɨchî nɨ wɨ̀ nyaʼa cha i Wan wɨ̀ yeʼe ɨghabɨ ə wə̀d ɨnû rɨbɔ̀ŋ ɨmbə̀ʼ nimnɨ ɨnû rɨbɔ̀ŋ. Əne wɨ̀ nyaʼa nimnɨ ɨnû rɨbɔ̀ŋ ɨchî nɨ wɨ̀ nyaʼa naʼ i ɨnyod ənɨ əghɨ ə̀fà.

1 Kɔrèn 2:9

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ənû ze nɨ chəi ɨghə kweʼ zə, kɨ̀ ə̀tǒŋ ə kweʼ zu, kɨ̀ nɨ wə̀d kweʼ kɔndɨ ɨŋga i fîŋ, yɨ əze nɨ Ŋwìə̀ fə tekɨ nùŋ əmbɨ ə bə̂d mbe nɨ ghaʼ əməd.”

2 Kɔrèn 1:5

Tɨ̀ wɨə zəə ŋgəʼ ənɨ ɨnû nɔnɔʼ ɨchî nɨ Kristo nyaʼə bə̀ zəə, əne ənjìm ə Kristo, Ŋwìə̀ wɨə nəərɨ əwa ənɨ mɨnə̂njɨ̀ nɔnɔʼ.

2 Kɔrèn 1:7

Chəi əghɨ ə mɔʼɔ nɨ tɨ̀ zɨə chìʼ ɨkɔndɨ we tɨ̀ nùŋ ɨgwɨ nən, ɨmbə̀ʼ ɨghəm nɨ tɨ̀ kyerɨ ni ɨchî nɨ mbə̀ə zə ɨkwɨ ŋgəʼ ze nɨ mbǎ ə bə̀ zəə, yɨə bə̀ ɨchî nɨ Ŋwìə̀ ə nəərɨ əwən ɨchî nɨ wɨə bə̀ nəərɨ əwa.

Gàlesìyà 3:29

Mbə mɨ yeʼ bə̂d Kristo, əne yɨ ni mbə yɨə bɔn tɨ ənɨ əghaŋ ə Abràham. Ɨchî nɨ mbə̀ yeʼ bɔn tɨ ənɨ əghaŋ ə Abràham, əne yɨ ni mbə bɨrɨ jɨg ɨghɨ mbe nɨ Ŋwìə̀ kaʼi.

Gàlesìyà 4:7

Əne ka àwɔ̀ yɨə wɨrɨ e ə̀bòʼò. Àwɔ̀ yɨə wan. Ɨchî nɨ àwɔ̀ yɨə wan, əne àwɔ̀ yɨ əjɨnəb.

Efesùs 3:6

Ənû zɔ̂ nɨ yeʼ ənə̀mə yɨ ni, ənjìm ɨkə̂n chɔ̀m, bə̂d mbe nɨ kaʼi mɨ̀Jû fə sɨ mə̀jɨnəb mbɨ mɨ̀Jû. Mbɨ fə sɨ ɨsɨ ɨnyod tɨ ənɨ ə nyamnyod mɔʼ. Mbɨ fə bə̀ berɨ əbà ənɨ ənû ze nɨ Ŋwìə̀ nyaʼa che ənjìm ə Kristo Yeso kàʼ.

Fìlipì 1:29

Ŋwìə̀ fə nàʼ əpan ɨ nən ni mbə̀ faʼ əmbɨ Kristo, kaʼ àmei nɨ ben əməd, à yɨ bə̀ nɨ zə ŋgəʼ ɨmbə̀ʼ əməd.

Fìlipì 3:10

Mə wɨə kəb kyerɨ ə Kristo. Mə wɨə bə̀ kəb kyerɨ ɨka we nɨ Kristo nyaʼa berɨ ənɨ wɨ̀ nyaʼa zwemə. Mə wɨə kə̀b zə ŋgəʼ ɨchî nɨ wɨ̀ nyaʼa zə, bə̀ kə̀b kwɨ ɨchî nɨ wɨ̀ nyaʼa bə kwɨ

Kòlosè 1:24

Mə wɨə ghaʼə rɨ̀nîn ɨchî nɨ mɨə zəə ŋgəʼ ɨmbə̀ʼ əwən, ɨmbə̀ʼ ɨghəm nɨ mə wɨə màànɨ̀ ɨchî nɨ Kristo nyaʼa zə ŋgəʼ ɨmbə̀ʼ i nyamnyod. Nyamnyod ze yɨ ɨfetɨ bə̂d məd.

Tayitùs 3:7

Wɨ̀ nyaʼa nàʼ əne ɨmbə̀ʼ tɨ̀ we tɨ̀ rɨ chè ənjìm ɨ̀chɔ̀m we təm kùʼnɨ̀ ɨfě məd bə̀ jɨg ɨ̀tènɨ̀ rɨ mì we nɨ tɨ̀ nuŋ ɨkɔndɨ ɨ wòm.

Mə̀Hibrù 1:14

Ɨmbə̀ʼ mbɨ̀aŋgɨrə̀ mɨ̀jìm yɨ ɨzwî nɨə fàʼə̀, nɨ Ŋwìə̀ nyaʼa tom ni mbɨ weerɨ bə̂d mbe nɨ bɨrɨ jwɨ̀ rəŋgəʼ ə?

Mə̀Hibrù 1:2

Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.

Mə̀Hibrù 6:17

Ənɨ Ŋwìə̀ nyaʼa kəb ghɨ zɨə zeŋ əmbɨ ə bə̂d mbe nɨ wɨ̀ nyaʼa kaʼ mɨ̀mə̌d ni chəi tə bɨrɨ nɔ kwepɨ ənû ze nɨ tə nyaʼa fə nuŋɨ, wɨ̀ nyaʼa nɨŋ i ɨkum kàn əŋgu.

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

1 Pità 1:4

Zɨə fə bə̀ ghɨ̀ ni mbə̀ jɨg ɨghɨ mbe nɨ wɨ̀ nuŋ ɨkaŋ əmbɨ mbi bə̂d. Wɨ̀ fə nùŋ ɨghɨ mbe ɨkaŋ əsɨ nɨ chəi mbɨ bɨrɨ nɔ bɔb, chəi mbɨ bɨrɨ nɔ bə, chəi mbɨ bɨrɨ nɔ chɔʼrɨ.

1 Pità 4:13

Àyɨə mbə̀ ghaʼ ɨchî nɨ mbə̀ə zəə ŋgəʼ ɨchî nɨ Kristo nyaʼa bə zə. Ɨghaʼi bɨrɨ swi ɨŋga tə fîŋ ənɨ wɨ̀ wɨrɨ yeʼe ɨŋga ɨzeŋɨ zeŋɨ məd.

Ɨnû 21:7

Wə̀d we nɨ baŋ ɨnû rɨbɔ̀ŋ bɨrɨ jɨg ɨghɨ mbɔ̂ jìm. Mə bɨrɨ yeʼ Ŋwìə̀ məd, məd bə̀ yeʼ mɨ wan.

Ɨnû 3:21

Mə bɨrɨ ben ni wə̀d we nɨ baŋ ɨnû rɨbɔ̀ŋ chub ɨgun ətən ɨfɔ̀n ɨban num, àmei ɨchî nɨ mə̀ nyaʼa bə baŋ mbɨ bə̂d pə̀n əne chub ɨban mɨ Mbǎʼ ɨgun ətən ɨfɔ̀n əməd.