Rm 8:11 - Meta’

¹¹ À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

Ikan feg

¹¹ Àmə yaʼ aghi ne Azwighi Ŋwiye ze ne ya zweme Yeso iwu ze yaʼi inga inən, nji məd we ne ya zwemne Kristo iwu, wì biri bə nàʼ ìtḛ̀ abə ìtən nyàmnyɔd te ne tì ti ku. Ŋwiye biri ghì ane anjìm Azwighi məd ze ne yaʼi inga inən.

Rm 8:11 교차 참조

Jn 14:17

Məd yɨ Əzwî ə Zeŋɨ ze nɨ bɨrɨ ghɨ ni bə̂d kyerɨ rəsìʼ. Chəi ənɨ tɨ ɨsɨg nɨŋ əməd ɨmbə̀ʼ ɨghəm nɨ chəi ənɨ tɨ̀ wɨ̀ zə əməd kɨ̀ bè kyerɨ əməd. Mbə bɨrɨ kyerɨ əməd, ɨmbə̀ʼ ɨghəm nɨ məd wɨ i mbɨ nən, bə̀ kyerɨ ni məd wɨ i ɨŋga nən.

Jn 5:21

Ɨchî nɨ Mbǎʼ ə zwemnɨ ə bə̂d bə̀ nàʼ ɨ̀tènɨ̀ əmbɨ mɨ̀mə̌d yɨə bə ɨchî nɨ Wan ə nàʼ ɨ̀tènɨ̀ əmbɨ wə̀d we nɨ wɨ̀ ghaʼi.

Ɨ̀fàʼì 2:24

Àyɨə Ŋwìə̀ nyaʼa zwemnɨ əməd ɨchî nɨ wɨ̀ nyaʼa ghɨ ni tɨ ɨvɨ berɨ i ɨka ɨgwɨ məd, ɨmbə̀ʼ ɨghəm nɨ chəi ɨvɨ nyaʼa berɨ ɨka nɨ yim əməd.

Rm 16:10

Mbə̀ chaʼrɨ ə Apelès. Məd fə chwi ni tə yɨə kàŋ ə wə̀d Kristo. Mbə̀ chaʼrɨ bə̂d mbe nɨ yeʼ ɨŋga nəb Àrìstobulùs.

Rm 16:3

Mbə̀ chaʼrɨ ə Priskà mbɨ Àkwilà. Mɔ̌ mbɨ mɨ̀mə̌d mbɨə fàʼ əmbɨ Kristo Yeso.

Rm 16:7

Mbə̀ chaʼrɨ ə Àndronikùs mbɨ Juniàs. Mbɨ yɨ mbɨ ɨfurɨ nɨ tɨ̀ nyaʼa ə nəb ndəŋ ɨnɔ̂n. Bə̂d tom Kristo jeŋgɨ kyerɨ mɨ̀mə̌d kwàʼ ɨchî chɔ̀m. Mbɨ nyaʼa bè ben ə Kristo rəbɔʼ num.

Rm 16:9

Mbə̀ chaʼrɨ ə Òbanùs. Məd yɨə wə̀d ə̀fàʼì Kristo mbɨ na. Mbə̀ bə̀ chàʼrɨ̀ ə Stakìs. Məd yɨ mɨ sə̀ʼ nɨ mə̀ ghaʼi kwàʼ rɨŋgəʼ.

Rm 6:12

Əne tɨ mbə̀ ben ə ni ɨnû rɨbɔ̀ŋ tumbɨ tə nyamnyod te nɨə kwɨə, əne ghɨ̀ mbə̀ zuunɨ ɨnû rɨbɔ̀ŋ mbe nɨ tə nyamnyod ə feenɨə.

Rm 8:1

Tɨ̀nîn chəi wə̀d mɔʼɔ nɨ tɨ̀ wɨ̀ zɨ̀ ɨsaʼi ɨgwɨ ə bə̂d mbe nɨ yeʼ ənɨ ɨfɔtɨ mbɨ Kristo Yeso,

Rm 8:12

Əne, kyɨə bɔŋgɔb, tɨ̀ yɨə bə̂d njɔ, àyɨə kaʼi əmbɨ ə nyamnyod, ɨmbə̀ʼ chub ɨchî nɨ nyamnyod kəbɨ.

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

Rm 8:9

Àyɨə chəi mbə̀n ə ghɨ̀ ɨnû mbe nɨ nyamnyod ə feenɨə. Mbə mbɨə ghɨ̀ yeʼ mbe nɨ Əzwî ə ghà ɨ nən, əne yɨ əwù ze nɨ Əzwî ə Ŋwiə̀ ə kaŋ yeʼ ɨŋga nən. Ka wə̀d we nɨ chəi Əzwî ə Kristo ɨŋga məd yɨ i wə̀d Kristo.

1 Kɔrèn 15:16

À mɨ yeʼ nɨ chəi ɨvɨ bə̂d bɨrɨ nɔ zwemə, əne chəi Ŋwìə̀ nyaʼa bə̀ zwemnɨ ə Kristo.

1 Kɔrèn 6:14

Ŋwìə̀ we nɨ nyaʼa zwemnɨ Ə̀nùŋɨ̀sɨg bɨrɨ bɨ zwemnɨ əwa ənɨ i ɨka.

2 Kɔrèn 4:11

Ənɨ tɨ̀ yeʼ ɨka, tɨ̀ wɨ ɨchû ɨvɨ ənɨ mɨ̀nyùmə̀ jìm ɨmbə̀ʼ ə Yeso, ɨmbə̀ʼ bə̂d zə ɨ̀tènɨ̀ məd ɨŋga ta nyamnyod te nɨə kwɨə.

2 Kɔrèn 4:14

Tɨ̀ kyerɨ ni Ŋwìə̀ we nɨ nyaʼa zwemnɨ Ə̀nùŋɨ̀sɨg Yeso bɨrɨ bɨ zwemnɨ əwa mbɨ Yeso. Wɨ̀ bɨrɨ nɨŋ əwa mbɨ nən wò ɨfě məd.

2 Kɔrèn 5:4

Ənɨ tɨ̀ kɨrɨ ɨŋga nyamnyod zɔ̂, tɨ̀ wɨə sɔ ɨchû əton ɨghɨ mbe nɨə nìd əwa. Chəi tɨ̀ kəb nimnɨ nyamnyod ənun. Tɨ̀ wɨə kə̀bə̀ yeʼ ni Ŋwiə̀ zɨ nyamnyod fi ɨgwɨ na, ɨmbə̀ʼ nyamnyod ze nɨ bɨrɨ ten i koŋ nɨŋ rɨmbin ze nɨə kwɨə.

Gàlesìyà 6:8

Wə̀d mɨ kon əghɨ ze nɨ nyamnyod məd ə feenɨə, əghɨ ze nɨ wɨ̀ bɨrɨ kwəŋ yɨ ɨvɨ. Wɨ̀ mɨ kon əghɨ ze nɨ Əzwî ə kə̀bə̀, əghɨ ze nɨ wɨ̀ bɨrɨ kwəŋ yɨ ɨ̀tènɨ̀ rɨ mì.

Efesùs 2:5

ka àbei yeʼi ni ta rɨ̀gùrɨ-ɨnû nyaʼa fə zwiirɨ əwa, wɨ̀ nyaʼa ghɨ ni tɨ̀ chub ɨkǎ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨ ənjìm ɨ̀chɔ̀m Ŋwiə̀ nɨ mbə̀ fə jwɨ̀ rəŋgəʼ.

Fìlipì 3:21

Məd bɨrɨ kwepɨ ta nyamnyod tɔ̂ nɨə kwɨə, əne ghɨ̀ tɨ̀ berɨ nyamnyod ɨghabɨ zɨ məd ze nɨ wɨ̀ nyaʼa zwemə mbɨ zɨwən. Wɨ̀ bɨrɨ ghɨ əne ənjìm ɨka we nɨə ghɨ̀ ni wɨ̀ tumbɨ ɨghɨjìm.

Mə̀Hibrù 13:20

Ŋwìə̀ we nɨə nàʼ əbɔrəbɔd, nɨ nyaʼa che ənjìm ənəm ze nɨ wɨ̀ nyaʼa nɨŋ san fɨso fe nɨ ten i koŋ əne zwemnɨ ə Yeso a Ə̀nùŋɨ̀sɨg nɨ yeʼ ənə̂ŋgɨ̀-njɨ̀g nɨ dabə,

1 Pità 1:21

Mbə̀ fə chè ənjìm məd ben ə Ŋwiə̀ nɨ nyaʼa zwemnɨ əməd bə̀ naʼ ɨwumnɨ ɨ bɔ. À yɨ əton nɨ mbə berɨ nuŋ tə fîŋ bə̀ nùŋ tə rɨkɔndɨ àmei ɨgun ə Ŋwiə̀.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.

Ɨnû 1:18

Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.

Ɨnû 11:11

Ənɨ ɨni mbe tad rɨ əbà nyaʼa fə chě, Ŋwìə̀ nyaʼa chà əzwî nɨə nàʼ ɨ̀tènɨ̀. Zɨə nyaʼa yeʼe nyɨ ɨŋga mɨ̀mə̌d, əne ɨvɨ bə̂d mbe nyaʼa nɔ̀ʼ təm rətiə. Ɨfeŋɨ nyaʼa yim bə̂d mbe nɨ nyaʼa zə mɨ̀mə̌d.