Rm 7:23 - Meta’

²³ àyɨə mə zə ɨkə cherə ɨŋga mbɨ ɨsɨ ɨnyod nɨə màʼə̀ bid mbɨ ɨkə we nɨ yeʼ ɨŋga mɨ fîŋ. Ɨkə we wɨə ghɨ̀ ni mə ben ə̀bòʼò əmbɨ ɨnû rɨbɔ̀ŋ mbe nɨ yeʼ ɨŋga mbɨ ɨsɨ ɨnyod.

Ikan feg

²³ Si ya gha, tesiʼ ndəŋ ne mə se bàrà inga anug azo̰ ya gha, à ya inug tibɔ̀ŋ fə jəg ìmə nyàmnyɔd ijìm. Inug tibɔ̀ŋ mbo̰ mbe zɔ̀ŋɔ̀ tikɔndi chɔm ne mə̀ beri . Ane, ghì mə si yaʼ àbòʼì abə inug tibɔ̀ŋ mbe ne kiri biri inga inum.

Rm 7:23 교차 참조

Rm 6:13

Tɨ mbə̀ ben ə ni mbə ɨsɨ ɨnyod mɔʼɔ ghɨ ɨnû rɨbɔ̀ŋ. Əze ə bɨrɨ yeʼ ɨghabɨ ɨghɨ ə̀fàʼì nɨ mbə̀ə ghɨ̀ ɨnû ɨzɨg əŋgu. Àyɨə mbə̀ ben ni ə ɨnyod yeʼ əmbɨ ə Ŋwiə̀ ɨghabɨ ə bə̂d nɨ fə kwɨ wɨrɨ yeʼ ɨkǎ. Mbə̀ ben ni mbə ɨsɨ ɨnyod yeʼ əmbɨ ə Ŋwiə̀ ənɨ ɨghɨ ə̀fàʼì nɨ kùʼnɨ̀.

Rm 6:19

Mə wɨə ghàm ənɨ ɨŋgam bə̂d mɨ̀sɔŋɨchù, ɨmbə̀ʼ ɨghəm nɨ mbə kɨrɨ bɔd. Ɨchî nɨ mbə̀ nyaʼa kweʼ nàʼ mbə ɨsɨ ɨnyod ənɨ ɨ̀bòʼò əmbɨ ɨnyɔɔnɨ-ɨnû bə̀ fɔrɨ əmbɨ ɨnû rɨbɔ̀ŋ nɔnɔʼ, əne tɨ̀nîn mbə̀ naʼ mbə ɨsɨ ɨnyod ənɨ ɨ̀bòʼò əmbɨ ɨnû nɨ təm kùʼnɨ̀, ɨmbə̀ʼ mbə̀ yeʼ bə̂d nɨ zeŋɨ.

Rm 7:14

Tɨ̀ kyerɨ ni tɨkə yɨ rɨ əmbɨ Əzwî, àyɨə chəi əzwî ɨŋga num. Mbɨ fə fen əmɨ ənɨ ə̀bòʼò əmbɨ ɨnû rɨbɔ̀ŋ.

Rm 7:21

Əne mə fə zə ni ɨkə mɔʼɔ wɨ əŋgu ni mə mɨ kə̀b ghɨ ɨ̀chɔ̀m, à yɨ ɨbə ə yeʼe.

Rm 7:25

Mə wɨə nàʼə̀ məben-əwe əmbɨ ə Ŋwiə̀ ənjìm ə Yeso Kristo a Ə̀nùŋɨ̀sɨg! Ɨŋga mɨ fîŋ, mɔ̌ yɨ ə̀bòʼò əmbɨ tɨkə rɨ Ŋwiə̀, àyɨə əmbɨ mɨ nyamnyod, mɔ̌ yɨə ə̀bòʼò əmbɨ rɨkə te nɨə ghɨ̀ ni wə̀d ghɨ ɨnû rɨbɔ̀ŋ.

Rm 7:5

Ənɨ tɨ̀ nyaʼə ghɨ̀ ɨnû rɨbɔ̀ŋ, tɨfeenɨ ɨnû rɨbɔ̀ŋ te nɨ nyaʼa ɨŋga na, nɨ tɨkə nyaʼə nɔ̀ɔ̀rɨ̀ə̀, tɨə nyaʼə fàʼ ɨŋga ta nyamnyod ɨ ghɨ ni tɨ̀ kwɨ.

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

Gàlesìyà 5:17

ɨmbə̀ʼ ɨghəm nɨ ɨnû mbe nɨ nyamnyod ə feenɨə yɨ mbe nɨ chəi Əzwî ə kəbɨ, mbe nɨ Əzwî ə kəbɨ yɨ mbe nɨ chəi nyamnyod kə̀bɨ. Mɨ̀mə̌d mbɔ̂ mɨ̀be mbɨə zɔ̀ŋə̀ ɨmbə̀ʼ tɨ mbə̀ ghɨ ə ɨnû mbe nɨ mbə̀ kəbɨ.

Mə̀Hibrù 12:4

Mbə mbɨə màʼə̀ bid mbɨ ɨnû rɨbɔ̀ŋ, àyɨə chəi mbə̀ kɨrɨ maʼ wò pè əsɨ ze nɨ tɨ̀ mbɨ zwiirɨ əwən.

Jems 3:2

Mba mɨjìm mbɨə fàn ɨnû ənɨ mɨnə̂njɨ̀ nɔnɔʼ. Wə̀d mɔʼɔ mɨ yeʼ əŋgu nɨ chəi wɨə fàn ənɨ ɨnû mbe nɨ wɨə ghàə̀, njɨ məd ə bɔŋ màànɨ̀, bə̀ kyerɨ ɨchî nɨ yimbɨ i ɨnyod jìm.

Jems 4:1

Ənû nɨ zɔ̀ŋ mbɨ ənû nɨ chɔb kɨ rɨ ə yi əkaʼ nən ə? Kaʼ à wa kɨ̀ i rɨ ənɨ ɨghɨ mbe nɨ tə fîŋ ə feenɨə, nɨ yeʼ mbe nɨə kɨə zɔ̀ŋ ɨŋga nən ə?

1 Pità 2:11

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ kyerɨ ni mbə yɨ ɨ̀nɔ̀ʼɔ̀ fɔrɨ ni mbə̀ yɨə bə̂d rɨ̀sɔ̀ʼɔ̀ ɨŋga ɨsɨg wɔ̂. Əne mə wɨə buʼ ɨbɔ ɨ nən ni tɨ mbə̀ ghɨ ə ɨnû rɨbɔ̀ŋ mbe nɨ tə nyamnyod ə feenɨə. Mbɔ̂ yɨ ɨnû mbe nɨə màʼə̀ bid ɨŋga tə fîŋ.