Rm 5:1 - Meta’

¹ Ɨchî nɨ Ŋwìə̀ ben ni tɨ̀ fə təm kùʼnɨ̀ ənjìm a ɨbenɨ, əne tɨ̀ wɨ ənɨ əbɔrəbɔd mbɨ ə Ŋwiə̀ ənjìm a Ə̀nùŋɨ̀sɨg Yeso Kristo.

Ikan feg

¹ Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo.

Rm 5:1 교차 참조

Lk 19:38

Mbɨ nyaʼə yiirɨə ghàə̀ ni, “Ŋwìə̀ zɨ əbɔrəbɔd ɨgun ɨfɔ̀n we nɨə yeʼe ənɨ ɨkum Ə̀nùŋɨ̀sɨg! Əbɔrəbɔd ə zɨ ɨkaŋ, bə̂d bə wumnɨ ə Ŋwìə̀ we nɨ yeʼ ɨkaŋ!”

Lk 19:42

ghàə̀ ni, “Njɨ rə̀chɔ̀ŋ à fə kə̀ʼ kyerɨ əghɨ ze nɨə ghɨ̀ə̀ ni bə̂d chub ənɨ əbɔrəbɔd. Àyɨə tɨ̀nîn mbɨ fə nə̀m rɨ ne!

Lk 2:14

“Tɨ̀ wumnɨ ə Ŋwìə̀ we nɨ yeʼ ɨkaŋ, əbɔrəbɔd ə nyɨ ɨgwɨ ə bə̂d mbe nɨ wɨ̀ ghaʼi ɨgwɨ ə si!”

Jn 14:27

“Mə sàŋ əbɔrəbɔd ɨ nən. Mə bə̀ nàʼ mɨ əbɔrəbɔd ɨ nən. Chəi mə naʼ ɨchî nɨ ɨsɨg ə nàʼə̀. Tɨ tə fîŋ tɔb i əwən. Tɨ mbə̀ bɔ ə.

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Ɨ̀fàʼì 10:36

Mbə kyerɨ ɨŋgam we nɨ wɨ̀ nyaʼa tom əmbɨ mɨ̀Izre. Ɨŋgam we wɨə ghà ɨkə̂n chɔ̀m ɨmbə̀ʼ əbɔrəbɔd ze nɨ tɨ̀ chè ənjìm ə Yeso Kristo berɨ mbɨ ə Ŋwiə̀. Yeso Kristo yɨ Ə̀nùŋɨ̀sɨg ɨgwɨ ə bə̂d mɨ̀jìm.

Rm 1:17

Ɨkə̂n chɔ̀m wɔ̂ wɨə chwi ɨchî nɨ Ŋwìə̀ ə ghɨ̀ ni bə̂d təm kùʼnɨ̀ ənjìm ɨbenɨ. Ɨ wɨə kɔ rɨ ənɨ ɨchî nɨ bə̂d nuŋ fîŋ ɨgun ə Kristo bə̀ wò nwì àmei ənɨ ɨchî nɨ bə̂d nuŋ fîŋ ɨgun ə Kristo. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Wə̀d we nɨ ɨnû məd kùʼnɨ̀ bɨrɨ ten ənjìm ɨbenɨ.”

Rm 1:7

Mə wɨə ŋwàʼnɨ̀ əmbɨ ə bə̂d mɨjìm mbe nɨ yeʼ ə Rom. Ŋwìə̀ ə ghaʼ əwən kwàʼ rɨŋgəʼ, əne wɨ̀ fə tɔŋ əwən ni mbɨ yeʼ mbi bə̂d. Ŋwìə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Rm 10:10

À yɨ ɨmbə̀ʼ ɨchî nɨ wə̀d benɨ nɨ ghɨ̀ ni wɨ̀ təm kùʼnɨ̀. À yɨə bə̀ ɨmbə̀ʼ ɨchî nɨ wə̀d ə ghàm ənɨ i ɨchû nɨ ghɨ̀ ni wɨ̀ jwɨ rəŋgəʼ.

Rm 10:15

Mbɨ kɨə wo gha ɨŋgam Ŋwiə̀ ɨmbə̀ʼ əməd rɨ yè nɨ chəi mbɨ tom mɨ̀mə̌d ə? Ə zɨ ɨŋga Ə̀ŋwàʼnɨ̀ ə Ŋwiə̀ ni, “À yɨə kàŋ ənû ə chɔ̀m ni bə̂d mbe nɨə ghà ɨkə̂n chɔ̀m mbɨə yeʼe!”

Rm 14:17

Mbə̀ kyerɨ ni ka ənû ɨfɔ̀n ə Ŋwiə̀ yɨ i ənû nɨ jɨg bə̀ nɔ. À yɨ ənû nɨ ghɨ ɨnû nɨ kùʼnɨ̀, ənû nɨ chub ənɨ əbɔrəbɔd mbɨ ənû nɨ chub ənɨ ɨghaʼi ɨchî nɨ tɨ̀ yeʼ ənɨ ɨfɔtɨ mbɨ Əzwî ə Zeŋɨ.

Rm 15:13

Ŋwìə̀ we nɨə ghɨ̀ ni mbə̀ berɨ ɨghɨ mbe nɨ mbə̀ə wòmə̀, ghɨ ni ɨghaʼi swi ɨŋga tə fîŋ, mbə̀ bə chub ənɨ əbɔrəbɔd ɨchî nɨ mbə̀ ben əməd, ɨmbə̀ʼ Əzwî ə Zeŋɨ ə ghɨ̀ ni mbə̀ wo ɨmbì wòm ɨnû mbe nɨ Ŋwiə̀ nyaʼa kaʼi.

Rm 15:33

Ŋwìə̀ we nɨə nàʼ əbɔrəbɔd chubɨ mbɨ mbə̀n mɨjìm. À yɨ əne.

Rm 3:22

Ŋwiə̀ fə ghɨ̀ ni bə̂d mɨ̀jìm mbe nɨ benɨ təm kùʼnɨ̀ ɨfě məd ənjìm ɨchî nɨ mbɨ ben ə Yeso Kristo. Chəi ɨkwepɨ əkaʼ bə̂d,

Rm 3:30

ɨchî nɨ məd mei we mɔʼ. Wɨ̀ bɨrɨ ghɨ ni bə̂d mbe nɨ mbɨ ne mɨ̀mə̌d təm kùʼnɨ̀ ənjìm ɨbenɨ. Wɨ̀ bɨrɨ bɨ ghɨ̀ ni bə̂d mbe nɨ chəi mbɨ ne mɨ̀mə̌d bə təm kùʼnɨ̀ ənjìm ɨbenɨ.

Rm 4:5

Ŋwìə̀ wɨə nɨŋ ə wə̀d we nɨ chəi wɨə fàʼ ɨ bɔ ɨghabɨ ni wɨ̀ fə təm kùʼnɨ̀, ɨmbə̀ʼ ɨghəm nɨ wə̀d we ə nuŋ i fîŋ ɨgun ə Ŋwiə̀ we nɨə nɨŋə ni bə̂d mbe nɨ chəi mbɨə wumnɨ əməd fə təm kùʼnɨ̀.

Rm 5:11

Kaʼi əjìm əze, tɨ̀ wɨə bə̀ goŋ ɨgɔ̂ ɨmbə̀ʼ ə Ŋwiə̀ ənjìm a Ə̀nùŋɨ̀sɨg Yeso Kristo. Məd fə màànɨ̀ a taŋ mbɨ ə Ŋwiə̀.

Rm 5:18

Əne ɨchî nɨ ɨgu-ənû wə̀d mɔʼ nyaʼa zɨ ɨsaʼi ɨgwɨ ə bə̂d mɨjìm, əne tɨ̀ghɨrɨ-ɨnû wə̀d mɔʼ we nɨ təm kùʼnɨ̀ fə ghɨ̀ bə̂d mɨjìm təm kùʼnɨ̀ bə̀ ghɨ̀ ni bə̂d mɨ̀jìm jɨg ɨ̀tènɨ̀.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

Rm 9:30

Tɨ̀ kɨə wo gha ni yè? Tɨ̀ bɨrɨ gha ni bə̂d mbe nɨ kaʼi mɨ̀Jû, nɨ chəi mbɨ nyaʼə kə̀b ənû nɨ təm kùʼnɨ̀, fə təm kùʼnɨ̀ ənjìm ɨbenɨ.

Gàlesìyà 2:16

Ənû nɨ tɨ̀ kyerɨ yɨ ni chəi wə̀d təm kùʼnɨ̀ ɨfě Ŋwiə̀ ɨchî nɨ wɨə nùŋə̀ tɨkə rɨ Mose. Wɨ̀ təm kùʼnɨ̀ àmei ɨchî nɨ wɨ̀ nuŋ fîŋ ɨgun ə Yeso Kristo. Mba bə̂ fə nuŋ fîŋ ɨgun ə Kristo Yeso, əne tɨ̀ fə təm kùʼnɨ̀ ənjìm ɨchî nɨ tɨ̀ nuŋ fîŋ ɨgun ə Kristo, kaʼi ɨmbə̀ʼ ɨchî nɨ tɨ̀ nuŋ tɨkə rɨ Mose. Chəi wə̀d bɨrɨ təm kùʼnɨ̀ ɨchî nɨ wɨə nùŋə̀ rɨkə.

Gàlesìyà 3:25

Àyɨə tɨ̀nîn nɨ ənû nɨ nuŋ fîŋ ɨgun ə Kristo ə fə yeʼe, chə wɨrɨ əwa əton rɨkə te nɨ nyaʼə tùmbɨ̀ əwa.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

Efesùs 2:7

Wɨ̀ nyaʼa ghɨ̀ əne, ɨmbə̀ʼ ənɨ nyùmə̀ we nɨə yeʼe, məd we tɨ wɨ̀ chwiə ni chəi ənɨ tɨ mbɨ mɨg ɨ̀chɔ̀m məd we nɨ kaŋ nɔʼ, ɨchî nɨ wɨə ghɨ̀ ɨ̀chɔ̀m we ənɨ ə na ənjìm ə Kristo Yeso.

Fìlipì 3:9

əne fɔtɨ sɨ ənû ə mɔʼ mbɨ məd. Chəi mə̀ təm kùʼnɨ̀ ɨmbə̀ʼ ɨghəm nɨ mɨə ghɨ̀ ɨnû mbe nɨ yeʼ ɨŋga rɨkə. Mə təm kuʼnɨ ənjìm ɨchî nɨ mə̀ nuŋ fîŋ ɨgun ə Kristo. Ŋwìə̀ fə ghɨ̀ ni mə təm kùʼnɨ̀ ənjìm ɨchî nɨ mə̀ nuŋ fîŋ ɨgun ə Kristo.

Kòlosè 1:20

Zɨə nyaʼa bə̀ bɔ̀ŋ ɨ bɔ ni wɨ̀ chè ənjìm məd màànɨ̀ tàŋ mbɨ ɨghɨjìm, əne yɨ ɨghɨ mbe nɨ yeʼ ɨgwɨ ə si mbɨ mbe nɨ yeʼ ɨkaŋ. Wɨ̀ nyaʼa bə̀ ghɨ̀ ni bə̂d mɨ̀jìm chub ənɨ əbɔrəbɔd. Wɨ̀ nyaʼa ghɨ̀ əne ənjìm ənəm Wan məd ze nɨ wɨ̀ nyaʼa chəmnɨ əzed ə baʼnɨ.

Kòlosè 3:15

Mbə̀ saŋ ə ni əbɔrəbɔd ze nɨ Kristo ə nàʼə̀ ə tumbɨ tə fîŋ. À yɨ ɨmbə̀ʼ əbɔrəbɔd zɔ̂ nɨ Ŋwìə̀ nyaʼa tɔŋ əwən ni mbə̀ yeʼe fɔtɨ ɨŋga nyamnyod mɔʼ. Mbə naʼ məben-əwe əmbɨ ə Ŋwiə̀ ənɨ mɨ̀nyùmə̀ jìm.

1 Tèsàlonikà 5:23

Ŋwìə̀ ziə we nɨə nàʼ əbɔrəbɔd ghɨ ni mbə̀ zeŋ màànɨ̀. Ŋwìə̀ ghɨ ni Əzwî mbɨ tə fîŋ fɔrɨ tə nyamnyod ghɨ ɨnû nɨ kuʼnɨ ɨmbə̀ʼ tɨ wə̀d mɔʼɔ zə i ənû rɨbɔ̀ŋ ɨgwɨ nən ənɨ ə nyùmə̀ we nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

2 Tès 3:16

Ə̀nùŋɨ̀sɨg ziə nɨə nàʼ əbɔrəbɔd, naʼ əbɔrəbɔd ɨ nən ənɨ mɨ̀nyùmə̀ jìm bə̀ fɔrɨ ənɨ mɨnə̂njɨ̀ jìm. Ə̀nùŋɨ̀sɨg chubɨ mbɨ mbə̀n mɨjìm.

Mə̀Hibrù 13:20

Ŋwìə̀ we nɨə nàʼ əbɔrəbɔd, nɨ nyaʼa che ənjìm ənəm ze nɨ wɨ̀ nyaʼa nɨŋ san fɨso fe nɨ ten i koŋ əne zwemnɨ ə Yeso a Ə̀nùŋɨ̀sɨg nɨ yeʼ ənə̂ŋgɨ̀-njɨ̀g nɨ dabə,