Rm 3:31 - Meta’

³¹ Əne tɨ̀ wa waʼ rɨkə ɨmbə̀ʼ ɨbenɨ wɔ̂ ə? Chə̂! Àyɨə tɨ̀ wɨə yim rɨkə kwàʼ ɨchî chɔ̀m.

Ikan feg

³¹ Àkə ni gha chəyi mə̀nɔ̀ʼɔ̀ Muse ywirì bèrì àfàʼì mɔ̀ʼɔ igun ina imbə̀ʼ icheg ne tì nɔŋi ibḛfiŋ igun Yeso? Indèʼ ka! Tì we kiri niŋə mə̀nɔ̀ʼɔ̀ ane aghi ne beri àzi ati.

Rm 3:31 교차 참조

Matìyò 15:6

əne chəi əton ənɨ tɨ wɨ̀ wɨrɨ 'wumnɨ i mbǎʼ.' Əzɔ̂ ə zɨə chwi ɨchî nɨ mbən ə tə̀ə̀nɨ̀ ɨŋgam Ŋwiə̀ ɨmbə̀ʼ beenɨ əbɔʼ mbə mɨchî əbeŋ.

Matìyò 3:15

Yeso nyaʼa wììrɨ̀ ɨ bɔ ni, “Sɨ zɨə yeʼ əne tɨ̀nîn, ɨmbə̀ʼ ɨghəm nɨ zɨə kùʼ ni tɨ̀ ghɨ ɨnû jìm ɨchî nɨ Ŋwìə̀ kəbɨ.” Ənɨ wɨ̀ nyaʼa ghà əne, Jɔ̌n nyaʼa zu benɨ, əne nàʼ mɨnib ɨ bɔ.

Matìyò 5:17

“Tɨ mbə̀ kɔndɨ əwən ni mə fə yeʼe ɨmbə̀ʼ nimnɨ tɨkə rɨ Mose bə̀ nimnɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀. Mɨ rɨka yeʼe əmɨ ɨ nimnɨ rɨwən. Mə yeʼe ɨ ghɨ ni ɨnû mbɔ̂ jìm jwɨ ənɨ rəsìʼ.

Matìyò 5:20

Mə ghà ɨ nən ni kɨrɨ ənɨ ɨnû chɔ̀m mbe nɨ mbə̀ə ghɨ̀ə̀ mbɨ che mbɨ məchwiə̀ rɨ̀kə̌ bə̀ chè mbɨ mɨ̀Farisiî, njɨ chəi mbə̀ bɨrɨ nɔ nyɨ ɨŋga ənû ɨfɔ̀n rɨkaŋ.

Lk 20:16

Wɨ̀ bɨrɨ wo zwiirɨ bə̂d mbe nɨ nyaʼa yim mbeŋ ze, sɨ nàʼ mbeŋ ze əmbɨ ə bə̂d cherə.” Ənɨ bə̂d mbe nyaʼa zu ənû zɔ̂, mbɨ nyaʼa ghà ni, “Tɨ Ŋwìə̀ ben i!”

Rm 10:4

Tɨkə rɨ Mose fə nwì ənɨ ə Kristo, ɨmbə̀ʼ wə̀d jìm we nɨ nuŋ fîŋ ɨgun ə Kristo təm kùʼnɨ̀.

Rm 2:20

À wɨə ghàə̀ ni tə wɨə kəərɨ ɨneŋ. À wɨə bə̀ ghàə̀ ni tə wɨə chwi ɨnû əmbɨ ə bɔn kwa. À wɨə ghà əne ɨmbə̀ʼ ɨchî nɨ à kyerɨ ni ɨwe jìm mbɨ rəsìʼ jìm wɨ ɨŋga rɨkə.

Rm 3:4

Chə̂! Mbə̀ kyerɨ ni Ŋwìə̀ wɨə ghà rəsìʼ, ka à bè yeʼi ni wə̀d jìm yɨə wə̀d mɨghab. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mbɨ berɨ chwiə ni ɨŋgam we nɨ àwɔ̀ ə ghàə̀ yɨ ɨŋgam nɨ kuʼnɨ, əne à bɨrɨ jɨg ɨsaʼi əwù ze nɨ mbɨ saʼ əwe.”

Rm 3:6

Chə̂! À mɨ yeʼ nɨ chəi Ŋwìə̀ ə ghɨ̀ ɨnû nɨ kuʼnɨ, njɨ wɨ̀ kɨə wò saʼ ɨsɨg rɨ ye ə?

Rm 4:14

À mɨ yeʼ ni à yɨə bə̂d mbe nɨə nùŋ rɨkə bɨrɨ jɨg ɨsɨg, njɨ ɨbenɨ yɨ ətu ə̀kǒ, ɨnû mbe nɨ Ŋwìə̀ kaʼi bə̀ chè ətu ə̀kǒ,

Rm 7:22

Mə kàŋ ghaʼ tɨkə rɨ Ŋwiə̀ ənɨ mɨ fîŋ jìm,

Rm 7:25

Mə wɨə nàʼə̀ məben-əwe əmbɨ ə Ŋwiə̀ ənjìm ə Yeso Kristo a Ə̀nùŋɨ̀sɨg! Ɨŋga mɨ fîŋ, mɔ̌ yɨ ə̀bòʼò əmbɨ tɨkə rɨ Ŋwiə̀, àyɨə əmbɨ mɨ nyamnyod, mɔ̌ yɨə ə̀bòʼò əmbɨ rɨkə te nɨə ghɨ̀ ni wə̀d ghɨ ɨnû rɨbɔ̀ŋ.

Rm 8:4

Ŋwiə̀ nyaʼa ghɨ̀ əne ɨmbə̀ʼ ɨnû mbe nɨ kuʼnɨ ɨchî nɨ zɨə yeʼ ɨŋga rɨ̀kə̌ mbɨ jwɨ ənɨ rəsìʼ ɨŋga mba mbe nɨə chub ɨchî nɨ Əzwî ə kəbɨ, kaʼi ɨchî nɨ nyamnyod kəbɨ.

1 Kɔrèn 9:21

Ənɨ mə̀ yeʼ əkaʼ bə̂d mbe nɨ chəi mbɨə nùŋ rɨkə, mə yɨ ɨghabɨ ə wə̀d nɨ chəi wɨə nùŋ rɨkə, ka à be yeʼi ni chəi mɨə nùŋ rɨkə te, àyɨə mə wɨ əton rɨkə Kristo, ɨmbə̀ʼ mə̀ ghɨ ni bə̂d mbe nɨ chəi mbɨə nùŋ tɨkə rɨ Ŋwiə̀ ben ə Kristo.

Gàlesìyà 2:19

Mə wɨə nyaʼə nùŋ rɨ̀kə, əne tɨ̀nîn, mə fə zə ni chəi ənɨ tɨ̀ rɨkə weerɨ əmɨ. Əne mə yɨ ɨghabɨ ə wə̀d nɨ rɨkə fə zwiirɨ, ɨmbə̀ʼ mə̀ chubɨ ɨkǎ fàʼ əmbɨ ə Ŋwiə̀. Mbɨ fə kòmbɨ̀ əmɨ əzed ə baʼnɨ mbɨ Kristo,

Gàlesìyà 2:21

Chəi mə̀ ton ni Ŋwìə̀ wɨə ghɨ ɨ̀chɔ̀m. Àyɨə wə̀d mɨ berɨ təm kùʼnɨ̀ ɨchî nɨ wɨə nùŋə̀ rɨkə, njɨ Kristo nyaʼa kwɨ ətu ə̀kǒ.