Rm 3:27 - Meta’

²⁷ Əne tɨ̀ kɨə wɨrɨə goŋ ɨgɔ̂ ɨmbə̀ʼ ə ye ə? Chə wɨrɨ i ənû ə mɔʼɔ nɨ tɨ̀ rɨ goŋ ɨgɔ̂ ɨmbə̀ʼ əzɨ əwən. Əton ə kɨ ni yè ə? À kɨ ɨmbə̀ʼ ɨghəm nɨ tɨə nùŋ rɨkə ə? Chə̂! À yɨ ɨmbə̀ʼ ɨghəm nɨ tɨ̀ benɨ.

Ikan feg

²⁷ Ane, tì kə ywìri kɔ̀m igo ane aghə? Chəyi ywìrè anug mɔ̀ʼɔ ne tì beri ni kɔ̀m igo igun. Ane, aton àkə gha? Àkə imbə̀ʼ icheg ne tì ya zùgrə mə̀nɔ̀ʼɔ̀? Indèʼ ka! À ya imbə̀ʼ icheg ne tì beri ibḛfiŋ igun Yeso.

Rm 3:27 교차 참조

Mk 16:16

We nɨ benɨ, nɨŋ mɨnib, bɨrɨ jwɨ̀ rəŋgəʼ. Àyɨə Ŋwìə̀ bɨrɨ zɨ ɨsaʼi ɨgwɨ we nɨ chəi wɨ̀ benɨ.

Jn 3:36

Wə̀d we nɨ ben Wan Ŋwìə̀ fə jɨg ɨ̀tènɨ̀ rɨ mì. Ka wə̀d we nɨ chəi wɨə zuunɨ ə Wan Ŋwìə̀ bɨrɨ jɨg i ɨ̀tènɨ̀, àyɨə Ŋwiə̀ bɨrɨ sə ɨtəm əbɔʼ məd.”

Rm 10:5

Mose nyaʼa ŋwàʼnɨ̀ ɨmbə̀ʼ ɨnû nɨ təm kùʼnɨ̀ ɨchî nɨ zɨə yeʼ rɨkə ni, “Wə̀d we nɨə ghɨ̀ ɨnû mbe nɨ yeʼ ɨŋga rɨkə bɨrɨ chub ɨkǎ ɨmbə̀ʼ rɨwən.”

Rm 11:6

Wɨ̀ nyaʼa chɔʼ bə̂d mbe ənjìm ɨ̀chɔ̀m məd, kaʼi ɨmbə̀ʼ ɨnû mbe nɨ mbɨ nyaʼa ghɨ̌. À kɨ nɨ wɨ̀ nyaʼa chɔʼ mɨ̀mə̌d ənjìm ɨnû mbe nɨ mbɨ nyaʼa ghɨ̌, njɨ ka ɨ̀chɔ̀m Ŋwiə̀ yɨə wɨrɨ i ɨ̀chɔ̀m Ŋwiə̀.

Rm 2:17

À yeʼ àwɔ̀? À wɨə ghàə̀ ni tə yɨə Jû. À wɨə nuŋ e fîŋ yeʼ ɨgwɨ rɨkə rɨ Mose. À wɨə bə̀ goŋ ɨgɔ̂ ɨmbə̀ʼ ɨchî nɨ à kyerɨ ə Ŋwiə̀.

Rm 2:23

Àwɔ̀ we nɨə goŋ ɨgɔ̂ ni tə kyerɨ tɨkə, à wɨə wa tìbrɨ̀ə̀ Ŋwiə̀ ɨchî nɨ àwɔ̀ ə gù rɨkə te ə?

Rm 3:19

Tɨ̀nîn tɨ̀ fə kyerɨ ni ɨnû mbe nɨ tɨkə ə ghàə̀, ɨ tɨə ghàə̀ yeʼ əmbɨ ə bə̂d mbe nɨ yeʼ əton rɨkə, ɨmbə̀ʼ tɨ mbɨ berɨ ə ənû nɨ wɨrɨ ghà. Əne Ŋwìə̀ bɨrɨ saʼ bə̂d mɨ̀jìm mbe nɨ yeʼ ɨŋga ɨsɨg.

Rm 3:26

Wɨ̀ nyaʼa ghɨ̀ əne ɨmbə̀ʼ chwi tɨ̀nîn ni məd ziə wɨə ghɨ̀ ɨnû nɨ kuʼnɨ mbɨ ni məd ziə wɨə ghɨ̀ ni bə̂d mbe nɨ nuŋ fîŋ ɨgun ə Yeso təm kùʼnɨ̀.

Rm 4:2

À mɨ yeʼ nɨ Ŋwìə̀ nyaʼa ben ni Abràham nyaʼa təm kùʼnɨ̀ ɨmbə̀ʼ ɨnû mbe nɨ wɨ̀ nyaʼə ghɨ̀ə̀, njɨ wɨ̀ berɨ ənû ə mɔʼɔ nɨ goŋ ɨgɔ̂ ɨmbə̀ʼ əzɨ əwən, àyɨə kaʼi ɨfě Ŋwiə̀.

Rm 7:21

Əne mə fə zə ni ɨkə mɔʼɔ wɨ əŋgu ni mə mɨ kə̀b ghɨ ɨ̀chɔ̀m, à yɨ ɨbə ə yeʼe.

Rm 7:23

àyɨə mə zə ɨkə cherə ɨŋga mbɨ ɨsɨ ɨnyod nɨə màʼə̀ bid mbɨ ɨkə we nɨ yeʼ ɨŋga mɨ fîŋ. Ɨkə we wɨə ghɨ̀ ni mə ben ə̀bòʼò əmbɨ ɨnû rɨbɔ̀ŋ mbe nɨ yeʼ ɨŋga mbɨ ɨsɨ ɨnyod.

Rm 7:25

Mə wɨə nàʼə̀ məben-əwe əmbɨ ə Ŋwiə̀ ənjìm ə Yeso Kristo a Ə̀nùŋɨ̀sɨg! Ɨŋga mɨ fîŋ, mɔ̌ yɨ ə̀bòʼò əmbɨ tɨkə rɨ Ŋwiə̀, àyɨə əmbɨ mɨ nyamnyod, mɔ̌ yɨə ə̀bòʼò əmbɨ rɨkə te nɨə ghɨ̀ ni wə̀d ghɨ ɨnû rɨbɔ̀ŋ.

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

Rm 9:11

Àyɨə bɔŋ Rèbekà nyaʼa sɨə gywɨ mɨ̀mə̌d, kɨ̀ bɔŋ bɔn mbe nyaʼa sɨə ghɨ̀ ənû ə chɔ̀m kɨ̀ ənû rɨbɔ̀ŋ, (əne yɨ ɨmbə̀ʼ ənû ze nɨ Ŋwìə̀ ə chɔʼɔ mbi bə̂d ə wo ɨmbì

Rm 9:31

Àyɨə chəi mɨ̀Izre nɨ nyaʼə kə̀bə̀ ni mbə̀ təm kùʼnɨ̀ ənjìm rɨkə nyaʼa təm kùʼnɨ̀, ɨmbə̀ʼ ɨghəm nɨ chəi mbɨ nyaʼə nùŋə̀ rɨkə te.

Rm 9:32

Əton kɨ ni yè ə? À yɨ ɨmbə̀ʼ ɨghəm nɨ chəi mbɨ nyaʼa kəb ənû nɨ təm kùʼnɨ̀ ənjìm ɨbenɨ. Mbɨ nyaʼa ghɨ̀ ɨghabɨ ni ənû nɨ təm kùʼnɨ̀ yɨ ənjìm ɨnû mbe nɨ mbɨ nyaʼə ghɨ̀ə̀. Mbɨ fə tɨ̀grɨ̀ ɨgun “ɨti we nɨ bə̂d ə tɨ̀grɨ̀ ɨgun.”

1 Kɔrèn 4:7

À kɨə ye nɨ mbə̀ berɨ nɨ chwi ni mbə̀ chè bə̂d cherə ə? À kɨə ye nɨ mbə̀ berɨ nɨ kaʼi Ŋwìə̀ naʼ ɨ nən ə? Wɨ̀ mɨ nyaʼa nàʼ ɨghɨ ɨ nən, njɨ əton nɨ mbə̀ə goŋ ɨgɔ̂ ɨghabɨ ni chəi wɨ̀ nyaʼa naʼ ɨghɨ ɨ nən kɨ ɨmbə̀ʼ ə yè ə?

Gàlesìyà 2:16

Ənû nɨ tɨ̀ kyerɨ yɨ ni chəi wə̀d təm kùʼnɨ̀ ɨfě Ŋwiə̀ ɨchî nɨ wɨə nùŋə̀ tɨkə rɨ Mose. Wɨ̀ təm kùʼnɨ̀ àmei ɨchî nɨ wɨ̀ nuŋ fîŋ ɨgun ə Yeso Kristo. Mba bə̂ fə nuŋ fîŋ ɨgun ə Kristo Yeso, əne tɨ̀ fə təm kùʼnɨ̀ ənjìm ɨchî nɨ tɨ̀ nuŋ fîŋ ɨgun ə Kristo, kaʼi ɨmbə̀ʼ ɨchî nɨ tɨ̀ nuŋ tɨkə rɨ Mose. Chəi wə̀d bɨrɨ təm kùʼnɨ̀ ɨchî nɨ wɨə nùŋə̀ rɨkə.

Gàlesìyà 3:22

Àyɨə ə zɨ ɨŋga Ə̀ŋwàʼnɨ̀ ə Ŋwiə̀ ni ɨsɨg jìm wɨ əton ɨnû rɨbɔ̀ŋ. Əne ɨnû mbe nɨ Ŋwìə̀ nyaʼa kaʼi ənjìm ɨchî nɨ bə̂d nuŋ fîŋ ɨgun ə Yeso Kristo, ɨ we tɨ̀ wɨ̀ nàʼ əmbɨ ə bə̂d mbe nɨ benɨ.