Rm 3:20 - Meta’

²⁰ Chəi wə̀d mɔʼɔ əŋgu nɨ təm kùʼnɨ̀ ɨfě Ŋwìə̀ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌. Tɨkə tɨə ghɨ̀ə̀ ni bə̂d kyerɨ ni ɨ mbɨə ghɨ̀ ɨnû rɨbɔ̀ŋ.

Ikan feg

²⁰ Chəyi wə̀d mɔ̀ʼɔ angu ne təmi kòʼ imbìghè abə Ŋwiye imbə̀ʼ icheg ne we ghìyə̀ inug ne mə̀nɔ̀ʼɔ̀ gha. Mə̀nɔ̀ʼɔ̀ ya ghìyə̀ bəd kyeri gha mbɔb mbe ghìyə̀ inug tibɔ̀ŋ.

Rm 3:20 교차 참조

Ɨ̀fàʼì 13:39

Əne Ŋwìə̀ fə waʼ ɨnû rɨbɔ̀ŋ wə̀d mɔʼ mɔʼ we nɨ ben ə Kristo, nɨ chəi tɨkə rɨ Mose te tɨ̀ rɨ nyaʼa waʼ.

Rm 2:13

ɨmbə̀ʼ ɨghəm nɨ kaʼi bə̂d mbe nɨə zu rɨkə mbe ə ghɨ̀ ɨnû nɨ kuʼnɨ. À yɨ mbe nɨə ghɨ̀ ɨnû mbe nɨ tɨkə ə ghàə̀ nɨ Ŋwìə̀ bɨrɨ ben ni ɨnû mɨ̀mə̌d ə kùʼnɨ̀.

Rm 3:28

Tɨ̀ benɨ ni wə̀d ə təm kùʼnɨ̀ ənjìm ɨbenɨ, kaʼi ɨmbə̀ʼ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌.

Rm 4:13

Chəi ənû ze nɨ Ŋwìə̀ nyaʼa kàʼi əmbɨ Abràham fɔrɨ əmbɨ ə bə̂d tɨ ənɨ əghaŋ əməd ni mbɨ bɨrɨ nɨ jɨg ɨsɨg nyaʼa yeʼe ənjìm rɨkə. Zɨə nyaʼa yeʼe ənjìm ɨbenɨ we nɨ nyaʼa ghɨ ni wɨ̀ təm kùʼnɨ̀.

Rm 4:15

ɨmbə̀ʼ ɨghəm nɨ tɨkə tɨə ghɨ̀ ni Ŋwìə̀ sə ɨtəm. Mbə̀ kyerɨ ə ni əsɨ ze nɨ chəi rɨkə əŋgu, chə bə̀ i ɨgu-ənû əŋgu.

Rm 5:13

Ɨnû rɨbɔ̀ŋ nyaʼa fə sɨ i ɨŋga ɨsɨg bɔŋ Ŋwìə̀ nyaʼa sɨə nàʼ rɨkə. Chəi mbɨə taŋgɨ ɨnû rɨbɔ̀ŋ ənɨ chəi rɨkə əŋgu.

Rm 5:20

Tɨkə nyaʼa yeʼe ɨ ghɨ ni ɨnû rɨbɔ̀ŋ nɔʼ. Àyɨə əsɨ ze nɨ ɨnû rɨbɔ̀ŋ nɔʼɔ, ɨ̀chɔ̀m Ŋwiə̀ bɨrɨ nɔʼ chè,

Rm 7:11

ɨmbə̀ʼ ɨghəm nɨ ɨnû rɨbɔ̀ŋ nyaʼa zə əpan chè ənjìm ɨkə we, tambɨ əmɨ bə̀ zwiirɨ əmɨ.

Rm 9:32

Əton kɨ ni yè ə? À yɨ ɨmbə̀ʼ ɨghəm nɨ chəi mbɨ nyaʼa kəb ənû nɨ təm kùʼnɨ̀ ənjìm ɨbenɨ. Mbɨ nyaʼa ghɨ̀ ɨghabɨ ni ənû nɨ təm kùʼnɨ̀ yɨ ənjìm ɨnû mbe nɨ mbɨ nyaʼə ghɨ̀ə̀. Mbɨ fə tɨ̀grɨ̀ ɨgun “ɨti we nɨ bə̂d ə tɨ̀grɨ̀ ɨgun.”

1 Kɔrèn 15:56

Mɨtɨg mbe nɨ ɨvɨ ə nɨŋə zwiirɨə bə̂d yɨ ɨnû rɨbɔ̀ŋ. Ɨnû rɨbɔ̀ŋ mbɨə nɨŋ ɨka rɨ ənɨ tɨkə rɨ Mose.

Gàlesìyà 2:16

Ənû nɨ tɨ̀ kyerɨ yɨ ni chəi wə̀d təm kùʼnɨ̀ ɨfě Ŋwiə̀ ɨchî nɨ wɨə nùŋə̀ tɨkə rɨ Mose. Wɨ̀ təm kùʼnɨ̀ àmei ɨchî nɨ wɨ̀ nuŋ fîŋ ɨgun ə Yeso Kristo. Mba bə̂ fə nuŋ fîŋ ɨgun ə Kristo Yeso, əne tɨ̀ fə təm kùʼnɨ̀ ənjìm ɨchî nɨ tɨ̀ nuŋ fîŋ ɨgun ə Kristo, kaʼi ɨmbə̀ʼ ɨchî nɨ tɨ̀ nuŋ tɨkə rɨ Mose. Chəi wə̀d bɨrɨ təm kùʼnɨ̀ ɨchî nɨ wɨə nùŋə̀ rɨkə.

Gàlesìyà 2:19

Mə wɨə nyaʼə nùŋ rɨ̀kə, əne tɨ̀nîn, mə fə zə ni chəi ənɨ tɨ̀ rɨkə weerɨ əmɨ. Əne mə yɨ ɨghabɨ ə wə̀d nɨ rɨkə fə zwiirɨ, ɨmbə̀ʼ mə̀ chubɨ ɨkǎ fàʼ əmbɨ ə Ŋwiə̀. Mbɨ fə kòmbɨ̀ əmɨ əzed ə baʼnɨ mbɨ Kristo,

Gàlesìyà 5:4

Mbə̀n mbe nɨə kə̀b təm kùʼnɨ̀ ɨchî nɨ mbə̀ə nùŋ rɨkə, fə sùŋgɨ̀ rɨ ənɨ ə Kristo. Mbə̀ fə ton ɨ̀chɔ̀m we nɨ Ŋwìə̀ ghɨ̌ ənɨ nən.

Mə̀Hibrù 7:19

Chəi ɨkə nyaʼa ghɨ ni ənû ə mɔʼɔ ə bɔŋ màànɨ̀. Əne ɨnû mbe nɨ tɨ̀ nuŋ fîŋ ɨgun tɨ̀nîn ə bɔ̀ŋ chè mbe nɨ tɨ̀ nyaʼa be nùŋ fîŋ ɨgun. Tɨ̀ wɨə che ənjìm ɨnû mbe tindɨ ɨban ə Ŋwiə̀.