27 Mbə̀ naʼ ɨwumnɨ we nɨ ten i koŋ, ənjìm ə Yeso Kristo, əmbɨ ə Ŋwìə̀ we mɔʼ nɨ berɨ ɨwe! À yɨ əne.
27 Mbə̀ naʼa ighumni ane ighəm imɔʼ anjìm Yeso Kristo, abə Ŋwiye we imɔʼ ne beri iwe ijìm. À ya ane.
À yɨə məd nyaʼa tekɨ ɨghɨjìm, ɨghɨjìm mbɨ əŋgu ənjìm məd, ɨghɨjìm yɨə bə mbɨ məd. Tɨ̀ wumnɨ əməd koŋ. À yɨ əne.
Wɨ̀ nyaʼa ghɨ̀ əne, ɨmbə̀ʼ tɨ̀nîn, ənjìm ɨfetɨ bə̂d Kristo, ɨzwî ka ka mbe nɨ yeʼ ɨkaŋ fɔrɨ mɨfɔ̂n mɨ̀mə̌d mbe tɨ mbɨ zə ɨwe Ŋwiə̀ ənɨ mɨnə̂njɨ̀ nɔnɔʼ.
Bə̂d wumnɨ Ŋwìə̀ a Mbǎʼ koŋ koŋ. À yɨ əne.
Bə̂d wumnɨ bə̀ yiirɨ Ɨfɔ̂n we nɨ ten i koŋ, nɨ chəi wɨ̀ bɨrɨ nɔ kwɨ, nɨ chəi bə̂d ə zə əməd, nɨ yeʼ àmei we mɔʼ koŋ koŋ. À yɨ əne.
Àmei məd we mɔʼ nɨ chəi wɨ̀ bɨrɨ nɔ kwɨ. Məd wɨə chub ɨŋga ɨzeŋɨ zeŋɨ we nɨ chəi ənɨ tɨ wə̀d tindɨ ɨban. Chəi wə̀d mɔʼɔ kweʼ zə əməd. Chəi wə̀d mɔʼɔ bɨrɨ nɔ zə əməd. Ɨsɨg jìm wumnɨ əməd, məd bə̀ tumbɨ ɨsɨg mbɨ ɨka we nɨ ten i koŋ. À yɨ əne.
Ə̀nùŋɨ̀sɨg bɨrɨ chɨ̀ əmɨ rɨŋga tɨkwɨrɨ ŋgəʼ jìm, əne nɨŋ əmɨ kwàʼ ənɨ əbɔrəbɔd wò zɨ̀ ɨŋga ənû ɨfɔ̀n əməd ze nɨ yeʼ ɨkaŋ. Ɨwumnɨ yeʼ wɨ məd koŋ koŋ. À yɨ əne.
Əne tɨ̀ che ənjìm məd wò ɨmbì nàʼ əghɨ ə̀fà nɨ yiirɨ ə Ŋwìə̀, əne yɨ ni, tɨ̀ nɨŋ mba mɨchû mbe nɨ ben ni məd yɨ Ə̀nùŋɨ̀sɨg wumnɨ əməd əŋgu.
naʼ ɨghɨ chɔ̀m jìm ɨ nən ɨmbə̀ʼ mbə ghɨ ɨnû mbe nɨ wɨ̀ kəbɨ. Wɨ̀ che ənjìm ə Yeso Kristo ghɨ̀ ɨnû mbe nɨ bɔŋ ɨ bɔ ɨŋga na. Tɨ̀ wumnɨ ə Yeso Kristo koŋ koŋ. À yɨ əne.
Mbə yeʼe ɨghabɨ əti nɨ yeʼ ɨka ɨmbə̀ʼ mbɨ nɨŋ əwən bɔm nəb əzwî əŋgu. Mbə mɨ ghɨ̀ əne, mbə bɨrɨ yeʼ bə̂d mbàn Ŋwìə̀ zeŋɨ, əne chè ənjìm ə Yeso Kristo naʼ ɨghɨ ə̀fà əzwî mbe nɨ Ŋwiə̀ benɨ.
Àyɨə mbə wo ɨmbì kwi ɨŋga ɨ̀chɔ̀m fɔrɨ ɨŋga ənû nɨ kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ. Bə̂d mɨ̀jìm wumnɨ məd kɔ rɨ̀nîn wò nwì koŋ! À yɨ əne.
Mbɨ naʼ ɨwumnɨ, nàʼ ənû ɨfɔ̀n ə kyeŋ, nàʼ ɨka bə̀ nàʼ ənû nɨ tumbɨ ɨsɨg əmbɨ ə Ŋwìə̀ we mɔʼ. Məd wɨə chɨ̀ əwa rəŋgəʼ ənjìm a Ə̀nùŋɨ̀sɨg Yeso Kristo. Ɨnû mbɔ̂ nyaʼa i mbɨ məd kɔ rɨ ənɨ ə nyùmə̀ we nɨ nyaʼa fə che i. Ɨ mbɨ mbɨ məd tɨ̀nîn. Mbɨ bɨrɨ yeʼ mbɨ məd koŋ. À yɨ əne.
