Rm 16:25 - Meta’

²⁵ Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

Ikan feg

²⁵ Tè ghumni Ŋwiye! Məd we tì wì ghi mbə bèrì ibḛfiŋ ni təmi kà anjìm ikən chɔm we ne mə chètè imbə̀ʼ Yeso Kristo. Məd we tì wì ghì ane anjìm inug tesiʼ mbe ne ya yaʼi inə̀mbi nɔ̀ʼ a jeje ne fə du asaŋ.

Rm 16:25 교차 참조

Matìyò 13:17

Mə ghà rəsìʼ ɨ nən ni, bə̂d ɨ̀kə̀n Ŋwiə̀ nɔnɔʼ mbɨə bə̂d nɨə ghɨ̀ ɨnû nɨ kuʼnɨ nyaʼa kàŋ kə̀b zə ɨnû mbe nɨ mbən ə zəə, àyɨə chəi mbɨ nyaʼa zə. Mbɨ nyaʼa bə̀ kə̀b nɨ zu ɨnû mbe nɨ mbən ə zuə, àyɨə chəi mbɨ nyaʼa zu.

Matìyò 13:35

Ɨ wɨə nyaʼə ghà əne ɨmbə̀ʼ ənû ze nɨ wə̀d ɨ̀kə̀n Ŋwiə̀ nyaʼa ghǎ ə jwɨ̀ ənɨ rəsìʼ ni, “Mə bɨrɨ ghàm əmbɨ mɨ̀mə̌d ənɨ ɨnû mɨgɨ, mə bɨrɨ gha ɨnû mbe nɨ yeʼ ənə̀mə tɨ ənɨ Ŋwìə̀ nyaʼa tekɨ ɨsɨg.”

Matìyò 20:7

“Mbɨ nyaʼa wììrɨ̀ ɨ bɔ ni, 'À yɨ ɨmbə̀ʼ ɨghəm nɨ chəi wə̀d mɔʼɔ naʼ ə̀fàʼì ɨ na.' “Ənɨ mbɨ nyaʼa wììrɨ̀ əne, wɨ̀ nyaʼa ghà əmbɨ mɨ̀mə̌d ni, 'Mbə̀ bə wò fàʼ ɨŋga mɨ mbeŋ vaìn.'

Ɨ̀fàʼì 20:32

“Tɨ̀nîn mə fə zɨ̀ əwən ɨŋga rɨkyerɨ-ɨbɔ Ŋwiə̀ bə̀ zɨ̀ ɨŋga ɨŋgam məd we nɨə ghɨ̀ə̀ ni wɨ̀ ghɨ̀ ɨ̀chɔ̀m ənɨ nən. Ɨkə̂n chɔ̀m we tɨ̀ wɨ ghɨ̀ mbə kwi kàànɨ̀ bə̀ ghɨ̀ mbə jɨg ɨghɨ mbe nɨ Ŋwiə̀ nuŋ əmbɨ ə bə̂d mɨ̀jìm mbe nɨ wɨ̀ zeŋnɨ.

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

Rm 11:25

Mbɨ bɔŋgɔb, mə kə̀b ni mbə̀ kyerɨ ənû ze nɨ yeʼ ənə̀mə, ɨmbə̀ʼ tɨ mbə̀ kɔndɨ ə ni mbə we əku. Ənû ze yɨ ni: Ŋwiə̀ fə ghɨ̀ ni fîŋ tɨ mɨ̀Izre tu. Tɨ bɨrɨ tu wò pè ənɨ ɨnun bə̂d mbe nɨ kaʼi mɨ̀Jû nɨ berɨ yeʼe əmbɨ ə Ŋwiə̀ fə kuʼu.

Rm 14:4

Àwɔ̀ kɨə we nɨə sob ɨsaʼi ɨgwɨ ə wə̀d ə̀fàʼì wə̀d cherə ə? À yɨ mbǎʼ ə̀fàʼì məd bɨrɨ gha ni wɨ̀ fə fàʼ ɨchî chɔ̀m kɨ̀ ni wɨ̀ fə faʼ ɨchî rɨbɔ̀ŋ. Wɨ̀ bɨrɨ faʼ ɨchî chɔ̀m ɨmbə̀ʼ ɨghəm nɨ Ə̀nùŋɨ̀sɨg ə berɨ ɨka nɨ ghɨ ni wɨ̀ ghɨ əne.

Rm 16:24

A Ə̀nùŋɨ̀sɨg Yeso Kristo ghɨ ɨ̀chɔ̀m ənɨ mbə̀n mɨjìm. À yɨ əne.]

Rm 2:16

Ɨkə̂n chɔ̀m we nɨ mɨə ghàə̀ ə chwi ni əni ze nɨ Ŋwìə̀ bɨrɨ saʼ ɨsɨg ənjìm ə Yeso Kristo, wɨ̀ bɨrɨ bɨ saʼ tɨkɔndɨ te nɨ yeʼ ənə̀mə.

1 Kɔrèn 1:23

àyɨə tɨ̀ wɨə ghà ɨmbə̀ʼ ə Kristo nɨ mbɨ nyaʼa kombɨ əzed ə baʼnɨ. Chəi mɨ̀Jû ghaʼ nɨ zu ənû zɔ̂. À yɨə bə̀ ənû əneŋ əmbɨ ə bə̂d mbe nɨ kaʼi mɨ̀Jû.

1 Kɔrèn 2:7

Tɨ̀ wɨə ghàmə̀ yeʼ ɨmbə̀ʼ ɨwe we nɨ Ŋwiə̀ ə nàʼə̀. Ɨwe we wɨ ənə̀mə, nɨ chəi bə̂d kyerɨ, nɨ bɔŋ Ŋwìə̀ nyaʼa sɨə tekɨ ɨsɨg, wɨ̀ nyaʼa fə ghà ni tə bɨrɨ che ənjìm ɨwe we nàʼ ɨwumnɨ ɨ na.

1 Kɔrèn 4:1

Bə̂d berɨ neŋ əwa ni tɨ̀ yɨə bə̂d ə̀fàʼì Kristo fɔrɨ bə̂d nɨ Ŋwìə̀ ghɨ ni mbɨ gha ɨnû mbe nɨ yeʼ ənə̀mə ɨmbə̀ʼ əməd.

2 Kɔrèn 4:3

À mɨ yeʼ nɨ ngywɨ̌ kən ɨkə̂n chɔ̀m, njɨ zɨə kən àmei əmbɨ ə bə̂d mbe nɨə nimə.

2 Kɔrèn 4:5

Chəi tɨə ghà ɨmbə̀ʼ a ɨnyod. Tɨ̀ wɨə ghàə̀ yeʼ ni Yeso Kristo yɨ Ə̀nùŋɨ̀sɨg. Tɨ̀ wɨə bə̀ ghàə̀ ni tɨ̀ yɨ ɨ̀bòʼò ɨ nən ɨmbə̀ʼ ə Yeso.

Gàlesìyà 2:2

Mə nyaʼa wò ɨmbə̀ʼ ɨghəm nɨ à yɨə Ŋwìə̀ nyaʼa chwi ɨ num ni mə̀ wo əŋgu. Mə nyaʼa wò pè tòʼrɨ̀ ɨkə̂n chɔ̀m we nɨ mə nyaʼə ghà əmbɨ ə bə̂d mbe nɨ kaʼi mɨ̀Jû. Mə nyaʼa tòʼrɨ̀ àmei əmbɨ ə bə̂d mbe nɨ nyaʼə chà ɨfetɨ we rɨ ə Jèrusalèm. Mə nyaʼa ghɨ̀ əne ɨmbə̀ʼ tɨ ə̀fàʼì ze nɨ mɨə fàʼə̀ kɨ̀ əze nɨ mə nyaʼa fə faʼi, ə che ətu ə̀kǒ.

Efesùs 1:9

Wɨ̀ nyaʼa nɨŋ ɨwe jìm mbɨ ɨkyerɨ-ɨnû jìm ghɨ̀ tɨ̀ kyerɨ ɨnû mɔʼɔ mbe nɨ nyaʼa ənə̀mə. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ fɔrɨ ɨmbə̀ʼ ɨchî nɨ wɨ̀ nyaʼa fə taŋ nùŋ ənɨ ɨfɔtɨ mbɨ Kristo.

Efesùs 3:11

Əzɔ̂ yɨ ənû nɨ wɨ̀ nyaʼa fə taŋɨ bɔŋ wɨ̀ nyaʼa sɨə tekɨ ɨsɨg. Wɨ̀ fə chè ənjìm ə Kristo Yeso a Ə̀nùŋɨ̀sɨg ghɨ̀ ənû rəŋgu.

Efesùs 3:9

Wɨ̀ nyaʼa bə̀ chɔʼ əmɨ ni mə̀ ghɨ wə̀d jìm kyerɨ ənû zɔ̂ nɨ yeʼ ənə̀mə, nɨ Ŋwìə̀ we nɨ nyaʼa tekɨ ɨghɨjìm, nyaʼa nə̀m ɨŋga i fîŋ tɨ ənɨ wɨ̀ nyaʼa tekɨ ɨsɨg.

Efesùs 6:19

Mbə̀ kɔŋgɨ ə Ŋwiə̀ ɨgwɨ num bə, ni Ŋwìə̀ naʼ ɨŋgam ɨ num ənɨ mɨə ghàmə̀, ɨmbə̀ʼ mə̀ ghàm mbɨ fîŋ nɨ kaanɨ əne ghɨ̀ bə̂d kyerɨ ənû ze nɨ yeʼ ənə̀mə ɨmbə̀ʼ ɨkə̂n chɔ̀m.

Kòlosè 2:2

Əton yɨ ni mə wɨə kəb nəərɨ fîŋ tɨ mɨ̀mə̌d ni mbɨ ghaʼ mbə bɔŋgɔb əne chub ənɨ ənû mɔʼ, ɨmbə̀ʼ mbɨ berɨ mbɔ̂n ze nɨ bɨrɨ ghɨ ni mbɨ berɨ ɨwe bə̀ jeŋgɨ kyerɨ ɨnû mbe nɨ yeʼ ənə̀mə ɨmbə̀ʼ ə Ŋwiə̀. Ɨnû mbe nɨ yeʼ ənə̀mə yɨə Kristo ziə.

Kòlosè 4:3

Mbə̀ bə kɔŋgɨ ə Ŋwiə̀ ə ɨgwɨ na, ɨmbə̀ʼ wɨ̀ naʼ əpan ni tɨ̀ gha ɨnû mbe nɨ yeʼ ənə̀mə ɨmbə̀ʼ ə Kristo. À yɨ ɨnû mbe ghɨ ni mə̀ yeʼ ə nəb ndəŋ.

1 Tèsàlonikà 3:13

Tɨ̀ wɨə kɔ̀ŋgɨ̀ə̀ ni wɨ̀ ghɨ tə fîŋ kaanɨ ɨmbə̀ʼ chəi ənɨ tɨ wə̀d mɔʼɔ zɨ ənû ɨgwɨ nən fɔrɨ ɨmbə̀ʼ mbə̀ chub ɨzeŋɨ zeŋɨ ɨfě Ŋwiə̀ a Mbǎʼ ənɨ a Ə̀nùŋɨ̀sɨg Yeso wɨrɨ yeʼe mbɨ mbi bə̂d.

2 Tès 2:14

Ŋwìə̀ nyaʼa tɔŋ əwən ɨmbə̀ʼ chɨ rəŋgəʼ ənjìm ɨkə̂n chɔ̀m we nɨ tɨ̀ nyaʼa gha ɨ nən. Əne yɨ ɨmbə̀ʼ bə̂d naʼ ɨkwɨ ɨwumnɨ we nɨ mbɨə nàʼ əmbɨ a Ə̀nùŋɨ̀sɨg Yeso Kristo ɨ nən.

2 Tès 3:3

Àyɨə Ə̀nùŋɨ̀sɨg Yeso wɨə ghɨ̀ ɨnû mbe nɨ wɨ̀ kaʼi. Wɨ̀ bɨrɨ ghɨ tə fîŋ kaanə bə̀ kən əwən rɨ əmbɨ Satàn Wə̀d Ɨnû Rɨbɔ̀ŋ.

2 Timotì 1:9

Ŋwìə̀ nyaʼa chɨ əwa rəŋgəʼ, əne tɔŋ əwa ni tɨ̀ yeʼ mbi bə̂d ɨmbə̀ʼ chub ɨzeŋɨ zeŋɨ. Chəi tɨ̀ nyaʼa ghɨ ənû ə mɔʼɔ bɔŋ wɨ̀ nyaʼa sɨə tɔŋ əwa. Wɨ̀ nyaʼa tɔŋ əwa ɨmbə̀ʼ ɨghəm nɨ wɨ̀ nyaʼa fə nuŋ əne. Wɨ̀ nyaʼa bə̀ tɔŋ ɨmbə̀ʼ ɨ̀chɔ̀m məd we nɨ wɨ̀ nyaʼa fə ghɨ ənɨ ə na rəŋwe rəŋwe ənjìm ə Kristo Yeso.

2 Timotì 2:8

Kɔndɨ ə Yeso Kristo, nɨ nyaʼə wan tɨ ənɨ əghaŋ ə Dèvîd. Ŋwìə̀ nyaʼa zwemnɨ məd. Wɔ̂ yɨ ɨkə̂n chɔ̀m we nɨ mɨə ghàə̀.

Tayitùs 1:2

Təsìʼ wɔ̂ bɨrɨ ghɨ ni tɨ̀ nuŋ rɨkɔndɨ wòm ɨ̀tènɨ̀ rɨ mì we nɨ Ŋwìə̀ kaʼi. Ŋwìə̀ we nɨ chəi wɨə ghà mɨghab nyaʼa kàʼ ɨ̀tènɨ̀ wɔ̂ bɔŋ wɨ̀ nyaʼa sɨə tekɨ ɨsɨg.

Mə̀Hibrù 7:25

Əne məd ə berɨ ɨka ənɨ mɨ̀nyùmə̀ jìm nɨ chɨ bə̂d mbe nɨ che ənjìm məd tindɨ ɨban ə Ŋwiə̀ rəŋgəʼ, ɨmbə̀ʼ ɨghəm nɨ məd wɨ i ɨkǎ koŋ ɨmbə̀ʼ kɔŋgɨ ə Ŋwiə̀ ɨgwɨ mɨ̀mə̌d.

1 Pità 1:20

Ŋwiə̀ nyaʼa fə chɔʼ əməd bɔŋ wɨ̀ nyaʼə sɨə tekɨ ɨsɨg. Wɨ̀ fə ghɨ̀ ni bə̂d kyerɨ əməd ɨŋga ɨni mbɔ̂ nɨ sɨ nwìə̀. Wɨ̀ nyaʼa ghɨ̀ əne ɨmbə̀ʼ weerɨ əwən.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

Ɨnû 10:7

Àyɨə ənɨ aŋgɨrə̀ we nɨ pe ənɨ mbɨ sambe fə i taŋ, Ŋwiə̀ bɨrɨ ghɨ ɨnû mbe nɨ yeʼ ənə̀mə, ɨchî nɨ wɨ̀ nyaʼa fə ghǎ əmbɨ mbi bə̂d ə̀fàʼì mbe nɨ yeʼ bə̂d ɨ̀kə̀n ɨməd.”