Rm 16:19 - Meta’

¹⁹ Wə̀d jìm ə kyerɨ ni mbə mbɨə zuunɨ Ə̀nùŋɨ̀sɨg. À yɨ əton nɨ ɨghaʼi kaŋ swi ɨŋga mɨ fîŋ ɨmbə̀ʼ əwən. Mə kə̀b ni mbə̀ berɨ ɨwe ɨmbə̀ʼ ghɨ àmei ɨnû mbe nɨ yeʼ mbɨ chɔ̀m fɔrɨ ni mbə̀ chub ənɨ mɨ̀mbûd nɨ chəi mbə̀ kyerɨ ɨchî nɨ ghɨ ɨnû rɨbɔ̀ŋ.

Ikan feg

¹⁹ Wə̀d ijìm kyèri gha mbə̰ mbe zùgrə Anɔŋisəg. À ya aton ne mo ya taŋ gyènde imbə̀ʼ awən. Mə kə̀b gha mbə̀ beri iwe imbə̀ʼ ya ghìyə̀ məyi inug mbe ne yaʼi inug chɔm. Si ya gha, mbə̀ chìye ìmbən ibo inga anug ne zìyè inug tibɔ̀ŋ.

Rm 16:19 교차 참조

Matìyò 10:16

“Mbə̀ zə, mə wɨə chà əwən ɨsɨg ɨghabɨ ə njɨ̀g əkaʼ ɨfɔ̂n. Mbə̀ we ɨghabɨ jɔ, bə̀ bɔtɨ ɨghabɨ mbɨ̀rə̀bəŋə.

Lk 10:3

Mbə̀ wo ə, àyɨə mbə̀ zə ni, mə wɨə chà əwən ɨsɨg ɨghabɨ ə bɔn njɨ̀g əkaʼ ɨfɔn.

Rm 1:8

Ənû rɨtu yɨ ni, mə wɨə nàʼə̀ məben-əwe əmbɨ mɨ Ŋwiə̀ ənjìm ə Yeso Kristo ɨmbə̀ʼ mbə̀n mɨjìm. Mə wɨə ghɨ̀ əne ɨmbə̀ʼ ɨghəm nɨ bə̂d rɨŋga ɨsɨg jìm mbɨə zu ɨchî nɨ mbə̀ nuŋ fîŋ ɨgun ə Ŋwiə̀.

1 Kɔrèn 14:20

Mbɨ bɔŋgɔb, tɨ tə rɨkɔndɨ yeʼi ɨghabɨ tɨ bɔn kwa. Mbə̀ yeʼ ɨghabɨ ə bɔn bɔd ənɨ zɨə de ɨnû rɨbɔ̀ŋ, àyɨə mbə̀ berɨ tɨkɔndɨ bə̂d kyeŋ.

Efesùs 5:17

Əne tɨ mbə̀ ghɨ ə ɨghabɨ ɨneŋ, àyɨə mbə̀ kywɨ ənywɨ nɨ kyerɨ ənû ze nɨ Ə̀nùŋɨ̀sɨg kəbɨ.

Fìlipì 1:9

Mə wɨə kɔ̀ŋgɨ̀ ə Ŋwiə̀ ni mbə̀ ghaʼ mbə bɔŋgɔb wò ɨmbì. Mə wɨə bə̀ kɔ̀ŋgɨ̀ə̀ ni mbə̀ kyerɨ rəsìʼ ɨmbə̀ʼ ə Ŋwiə̀ bə̀ kyerɨ ɨkwepɨ rəbɔʼ ɨnû chɔ̀m mbɨ ɨnû rɨbɔ̀ŋ,

Fìlipì 2:15

ɨmbə̀ʼ tɨ bə̂d gha ə ɨnû rɨbɔ̀ŋ ɨmbə̀ʼ əwən, fɔrɨ ɨmbə̀ʼ mbə̀ zeŋ ɨghabɨ ə bɔn Ŋwiə̀ nɨ chəi ɨgu ənû ɨgwɨ mɨ̀mə̌d. Ɨgu ənû yɨ əkaʼ bə̂d mbe nɨə ghɨ̀ ɨnû rɨbɔ̀ŋ bə̀ ghɨ̀ ɨnû nɨ chəi mbɨ kuʼnɨ. Mbə̀ berɨ chub əkaʼ mɨ̀mə̌d ɨchî nɨ rɨtəmɨ ə te ɨŋga ɨsɨg.

Kòlosè 3:16

Ɨŋgam ɨmbə̀ʼ ə Kristo kaŋ tèn ɨŋga tə fîŋ kwàʼ ɨchî chɔ̀m. Mbə chwi ɨnû, bə̀ kəərɨ mbə bɔŋgɔb ənɨ ɨwe jìm. Mbə̀ kwerɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî naʼ əmbɨ ə Ŋwiə̀. Mbə̀ ghɨ əne mbɨ ɨghaʼi kyeŋ ɨŋga tə fîŋ.