Rm 16:18 - Meta’

¹⁸ ɨmbə̀ʼ ɨghəm nɨ chəi tɨkwɨrɨ bə̂d tɔ̂ ə fàʼ əmbɨ a Ə̀nùŋɨ̀sɨg Kristo. Ɨ mbɨə fàʼ àmei əmbɨ tə rɨbum. Ɨ mbɨə nɨŋ ɨŋgam nɨə nə̀mə̀ wə̀ŋ bə̀ nɨŋ ɨŋgam nɨə bɔtɨə tambɨə bə̂d mbe nɨ chəi mbɨ kyerɨ ənû.

Ikan feg

¹⁸ imbə̀ʼ icheg ne chəyi tiku bəd ìto̰ te fàʼà abə ìwa Anɔŋisəg Yeso Kristo. Mbi ya fàʼà məyi aghi ni jəg awɔb. Mbi ya tàmba bəd mbe ne chəyi mbi kyeri anug ane ìngam nəmi nəmi fɔrɔ ìngam bɔti bɔti.

Rm 16:18 교차 참조

Matìyò 24:11

Bə̂d ɨ̀kə̀n Ŋwiə̀ mɨghab nɔnɔʼ bɨrɨ jwɨ̀ əne fèbrɨ̀ bə̂d mɨ̀nɔnɔʼ.

Matìyò 24:24

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

Matìyò 6:24

“Chəi wə̀d mɔʼɔ əŋgu nɨ tɨ̀ wɨ̀ fàʼ əmbɨ mɨ̀mbǎʼ ə̀fàʼì mɨbe, ɨmbə̀ʼ ɨghəm nɨ wɨ̀ bɨrɨ ban wɨ fìbɨ̀ ghaʼ wɨ fìbɨ̀, kɨ̀ wɨ̀ fàʼ əmbɨ wɨ fìbɨ̀ ənɨ i fîŋ jìm tə̀ə̀nɨ̀ wɨ fìbɨ̀. Chəi ənɨ tɨ̀ à fàʼ əmbɨ ə Ŋwiə̀ bə̀ faʼ nɨ berɨ mbɔ̂n əwu əwən.

Matìyò 7:15

“Mbə̀ we əwən mbɨ ə bə̂d ɨ̀kə̀n mɨghab. Ɨ mbɨə yeʼe əsɨ nən ɨŋga gôb rɨ njɨ̀g, àyɨə ɨŋga fîŋ tɨ mɨ̀mə̌d mbɨ yɨ ɨghabɨ ɨfɔn nɨ njì tɨə zaŋə.

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Rm 14:18

Ənɨ wə̀d ə fàʼ əmbɨ Kristo ɨkwɨ ɨchî wɔ̂, Ŋwìə̀ wɨə ghaʼə, bə̂d bə̀ ben ni ɨ wɨə ghɨ̀ ənû nɨ kuʼnɨ.

Rm 16:19

Wə̀d jìm ə kyerɨ ni mbə mbɨə zuunɨ Ə̀nùŋɨ̀sɨg. À yɨ əton nɨ ɨghaʼi kaŋ swi ɨŋga mɨ fîŋ ɨmbə̀ʼ əwən. Mə kə̀b ni mbə̀ berɨ ɨwe ɨmbə̀ʼ ghɨ àmei ɨnû mbe nɨ yeʼ mbɨ chɔ̀m fɔrɨ ni mbə̀ chub ənɨ mɨ̀mbûd nɨ chəi mbə̀ kyerɨ ɨchî nɨ ghɨ ɨnû rɨbɔ̀ŋ.

2 Kɔrèn 11:3

Àyɨə mə wɨə bɔə ni ɨchî nɨ jɔ nyaʼa nɨŋ ɨwe tambɨ ə Efà, ɨ mbe tɨ mbɨ bə̀ fèbrɨ̀ tə rɨkɔndɨ tɨ ənɨ ɨchî nɨ mbə̀ə fàʼ əmbɨ Kristo ənɨ ə fîŋ jìm bə̀ fɔrɨ ənɨ ə fîŋ nɨ zeŋɨ.

2 Kɔrèn 2:17

Ka tɨ̀ yɨ a ɨghabɨ ə bə̂d mɨ̀nɔnɔʼ mbe nɨə nɨŋ ɨŋgam Ŋwiə̀ beʼrɨ ɨwin əŋgu ɨmbə̀ʼ jɨg njìm. Tɨ̀ wɨə ghà rəsìʼ ənɨ ta fîŋ rɨjìm ɨfě Ŋwiə̀ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨə Ŋwìə̀ ziə tom əwa ni tɨ̀ ghamə.

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

Gàlesìyà 1:10

Mə̀ kɨə kə̀bə̀ ni bə̂d gha ni mə bɔ̀ŋ, kɨ̀ ni Ŋwìə̀ gha ni mə bɔ̀ŋ ə? Kɨ̀ mə̀ kɨə kə̀b ghɨ ni fîŋ rɨ bə̂d bɔŋ ə? Mə mɨ yeʼə kɨrɨ kəb nɨ ghɨ ni bə̂d gha ni mə bɔ̀ŋ, njɨ ka mɔ̌ yɨ əmɨ wə̀d ə̀fàʼì Kristo.

Fìlipì 2:21

Bə̂d mɨ̀jìm mbə mbɨə zɨ̀ ɨtu àmei ənɨ ɨnû mbe nɨ mbɨ kəbɨ, kaʼi mbe nɨ Yeso Kristo kə̀bɨ.

Fìlipì 3:19

Bə̂d mbɔ̂ bɨrɨ nwì ɨŋga ɨwid rɨ nìmə, əne ŋwìə̀ mɨ̀mə̌d yɨ ɨghɨ mbe nɨ nyamnyod tɨ mɨ̀mə̌d ə feenɨə. Ɨ mbɨə ghaʼə ɨmbə̀ʼ ɨnû mbe nɨ njɨ ɨtu mɨ̀mə̌d kəʼ nìd ɨmbə̀ʼ mbɨwən. Ɨ mbɨə kɔndɨə àmei ɨnû rɨŋga ɨsɨg.

Kòlosè 2:4

Mə wɨə ghà əne ɨmbə̀ʼ tɨ wə̀d mɔʼɔ tambɨ i əwən mbɨ mɨŋgam nəmɨ nəmɨ mɔʼɔ.

Kòlosè 3:24

Mbə mɨ yeʼə fàʼə̀, mbə̀ kyerɨ ni Ə̀nùŋɨ̀sɨg bɨrɨ chɔʼ ə ə̀fàʼì ənɨ ɨghɨ mbe nɨ wɨ nuŋ ɨ nən ɨkaŋ. Mbə mbɨə fàʼə̀ yeʼ əmbɨ Ə̀nùŋɨ̀sɨg Kristo.

2 Tès 2:10

Wɨ̀ bɨrɨ nɨŋ tɨkwɨrɨ ɨnə̂njɨ̀ rɨbɔ̀ŋ jìm tambɨ bə̂d mbe nɨ bɨrɨ nim ɨmbə̀ʼ ɨghəm nɨ chəi mbɨ ben rəsìʼ ɨmbə̀ʼ Ə̀nùŋɨ̀sɨg Yeso ɨmbə̀ʼ jwɨ rəŋgəʼ.

1 Timotì 6:5

bə̀ yeʼe mbɨ ənû nɨ ghɨ ni əchɔb ə kɨə gùə̀ əkaʼ bə̂d mbe nɨ chəi ənû ə chɔ̀m ɨŋga fîŋ tɨ mɨ̀mə̌d fɔrɨ əkaʼ mbe nɨ chəi mbɨə ghà rəsìʼ. Ɨ mbɨə kɔndɨə ni ənû ə Ŋwiə̀ yɨ ɨnə̂njɨ̀ nɨ tɨ̀ mbɨ chè berɨ ɨkab.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

2 Pità 2:3

Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.

Jûd 1:12

Bə̂d mbɔ̂ yɨ ɨghabɨ tɨfiŋɨ nɨə fiinɨ əwən ənɨ mbɨə jɨgə tɨjɨg ɨghaʼi mbɨ nən. Chəi ɨtu ə nìd mɨ̀mə̌d ənɨ mbɨə jɨgə mbɨ nən. Ɨ mbɨə nəŋgɨ àmei tə nyamnyod. Mbɨ yɨ ɨghabɨ pàʼ nɨ ɨfə ə tinə, nɨ chəi tɨə ghɨ̀ ni mbə̀ŋ nɔ. Mbɨ yɨ ɨghabɨ ɨzed mbe nɨ chəi tɨə kɔ rɨtam, ka àbei ənɨ ə nyùmə̀ we nɨ ɨzed ə kɔ rɨtam. Mbɨ yɨ ɨghabɨ ɨzed nɨ mbɨ fə chɔʼ rɨ ə si, mbɨ kwɨ.

Jûd 1:16

Bə̂d mbɔ̂ mbɨə ghàmbɨ̀ə̀. Chəi ənû ə mɔʼɔ ə bɔŋ əmbɨ mɨ̀mə̌d. Ɨ mbɨə beenɨ əbɔʼ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨ mbɨə nɨŋə mbə mɨchû goŋ ɨgɔ̂ ɨmbə̀ʼ tə nyamnyod. Ɨ mbɨə bə̀ ghàm mɨŋgam nəmɨ nəmɨ ɨmbə̀ʼ berɨ ɨghɨ mbe nɨ mbɨ kəbɨ.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.