6 ɨmbə̀ʼ mbə mbe tɨ mbə̀ fɔtɨ gɨ̂ yiirɨ ə Ŋwiə̀ Mbǎʼ a Ə̀nùŋɨ̀sɨg Yeso Kristo.
6 Àze biri ghì mbə fɔti ichug ghùmnə Ŋwiye ne yaʼi Mbaʼ abə ìwa Anɔŋisəg Yeso Kristo.
Yeso nyaʼa ghà ɨ bɔ ni, “Tɨrə̀ yim e əmɨ, ɨmbə̀ʼ ɨghəm nɨ chəi mə kɨrɨ wò ɨkaŋ əsɨ mɨ Mbǎʼ. Àyɨə ndə̀ əsɨ mbɨ bɔŋgɔb pè ghà əmbɨ mɨ̀mə̌d ni mə yɨ əni wò ɨkaŋ əsɨ mɨ Mbǎʼ nɨ bə yeʼ ə Mbǎʼ, bə̀ wò əsɨ mɨ Ŋwiə̀ nɨ bə yeʼ ə Ŋwiə̀.”
Ənɨ mbɨ nyaʼa zu ɨnû mbe, mbɨ nyaʼa fɔtɨ kɔ̀ŋgɨ̀ ə Ŋwiə̀ ghà ni, “Ə̀tùmbɨ̀ ɨsɨg, à yɨ àwɔ̀ nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ ɨghɨjìm mbe nɨ yeʼ ɨŋga ɨghɨ mbɔ̂.
Bə̂d mɨ̀jìm mbe nɨ nyaʼa ben ə Kristo nyaʼa mbɨ ə fîŋ mɔʼ fɔrɨ mbɨ əzwî ə mɔʼ. Chəi wə̀d mɔʼɔ nyaʼa gha ni ɨghɨ mbe nɨ tə berɨ yɨ mbi. Mbɨ nyaʼa berɨ ɨghɨjìm ənɨ mbɨ mɔʼ.
Tɨ̀ yiirɨ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo. Məd yɨə Mbǎʼ nɨə dììrɨ̀ə̀ bə̂d. Məd yɨə bə̀ ə Ŋwìə̀ we nɨə nəərɨə bə̂d ənɨ mɨ̀nyùmə̀ jìm.
Ŋwìə̀ Mbǎʼ Ə̀nùŋɨ̀sɨg Yeso ə kyerɨ ni chəi mɨə ghà mɨghab. Tɨ̀ yiirɨ məd koŋ!
Mə wɨə kɔ̀ŋgɨ̀ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo, nɨ yeʼ Mbǎʼ nɨ ɨwumnɨ jìm yeʼ wɨ məd, ni wɨ̀ naʼ e Əzwî ɨ nən ɨmbə̀ʼ mbə̀ berɨ ɨwe. Mə wɨə bə̀ kɔ̀ŋgɨ̀ə̀ ni wɨ̀ chwi wi rəsìʼ ɨ nən ɨmbə̀ʼ mbə̀ jeŋgɨ kyerɨ əməd.
Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo. Wɨ̀ fə zɨ̀ əbɔrəbɔd ɨgwɨ na ɨchî nɨ tɨ̀ yeʼ ənɨ ɨfɔtɨ mbɨ Kristo. Əne yɨ əbɔrəbɔd əjìm ze nɨ Əzwî ə zɨə ɨgwɨ na rɨŋga ɨsɨ mbe nɨ yeʼ ɨkaŋ.
Tɨ̀ wɨə nàʼə̀ məben-əwe əmbɨ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo. Tɨ̀ wɨə naʼ ənɨ mɨ̀nyùmə̀ jìm mbe nɨ tɨə kɔ̀ŋgɨ̀ ə Ŋwiə̀ ɨmbə̀ʼ əwən.
Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo! Məd wɨə dììrɨ̀ əwa kwàʼ ɨchî chɔ̀m. Wɨ̀ fə ghɨ̀ tɨ̀ jɨg ɨ̀tènɨ̀ fi ɨchî nɨ wɨ̀ zwemnɨ ə Yeso Kristo. Əzɔ̂ ə fə ghɨ̀ ni tɨ̀ nuŋ rɨkɔndɨ wom ɨnû mbe nɨ Ŋwìə̀ kaʼ ɨ na.
Wɨ̀ nyaʼa ghɨ̀ əwa ənɨ mɨfɔ̂n bə̀ fɔrɨ ənɨ ə bə̂d mbàn ɨŋga ənû ɨfɔ̀n ə Ŋwiə̀. Wɨ̀ nyaʼa ghɨ̀ əne ɨmbə̀ʼ tɨ̀ fàʼ əmbɨ Ŋwiə̀ məd, nɨ bə̀ yeʼ Mbǎʼ məd. Tɨ̀ wumnɨ Yeso Kristo nɨ berɨ ɨka nɨ tumbɨ ɨsɨg koŋ koŋ! À yɨ əne.
