Rm 15:30 - Meta’

³⁰ Mbɨ bɔŋgɔb, mə wɨə buʼ ɨbɔ ɨ nən ənjìm a Ə̀nùŋɨ̀sɨg Yeso Kristo bə̀ fɔrɨ ənjìm ɨghaʼi we nɨ Əzwî ə nàʼ ɨ na, ni mbə fɔtɨ mbɨ num jeŋgɨ kɔ̀ŋgɨ̀ ə Ŋwiə̀ ɨgwɨ num.

Ikan feg

³⁰ Ìmbum məfi fɔrɔ ìtum njàbi, mə̀ ya bòʼo ibo inən ane ikum ìwa Anɔŋisəg Yeso Kristo fɔrɔ anjìm àkɔ̀ŋì ze ne Azwighi Ŋwiye ghi tì beri gha mbə̀ fɔti ichug abɔ̀ʼ inum taŋ chàʼra Ŋwiye inum.

Rm 15:30 교차 참조

2 Kɔrèn 1:11

ɨchî nɨ mbə̀ə kɔ̀ŋgɨ̀ ə Ŋwiə̀ ɨgwɨ na. Mbə mɨ ghɨ̀ əne, bə̂d mɨ̀nɔnɔʼ bɨrɨ naʼ məben-əwe əmbɨ ə Ŋwiə̀ ɨmbə̀ʼ əwa, ɨmbə̀ʼ ɨghəm nɨ wɨ̀ bɨrɨ wiirɨ ə̀kɔ̀ŋgɨ̀ ə bə̂d mɨ̀nɔnɔʼ, əne nàʼ əghɨ ze nɨ mbɨ kɔŋgɨ əməd nɔn.

2 Kɔrèn 12:10

À yɨ əton nɨ ɨmbə̀ʼ ə Kristo, mɨ fîŋ zɨ i ɨchî chɔ̀m mbɨ ɨghɨ mbe nɨə ghɨ̀ ni mə bɔd, mbɨ mɨzɔ̂m, mbɨ ɨnû mbe nɨə nyèm əmɨ, mbɨ ɨchî nɨ bə̂d ə nwèndɨ̀ tum rɨkyerɨ-ɨwu fɔrɨ mbɨ ɨchî nɨ ŋgəʼ nɔnɔʼ ə nyɨ ə ɨgwɨ num, ɨmbə̀ʼ ɨghəm nɨ ənɨ mə bɔrɨ, mə wɨ ɨkǎ.

2 Kɔrèn 4:11

Ənɨ tɨ̀ yeʼ ɨka, tɨ̀ wɨ ɨchû ɨvɨ ənɨ mɨ̀nyùmə̀ jìm ɨmbə̀ʼ ə Yeso, ɨmbə̀ʼ bə̂d zə ɨ̀tènɨ̀ məd ɨŋga ta nyamnyod te nɨə kwɨə.

2 Kɔrèn 4:5

Chəi tɨə ghà ɨmbə̀ʼ a ɨnyod. Tɨ̀ wɨə ghàə̀ yeʼ ni Yeso Kristo yɨ Ə̀nùŋɨ̀sɨg. Tɨ̀ wɨə bə̀ ghàə̀ ni tɨ̀ yɨ ɨ̀bòʼò ɨ nən ɨmbə̀ʼ ə Yeso.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

Efesùs 6:19

Mbə̀ kɔŋgɨ ə Ŋwiə̀ ɨgwɨ num bə, ni Ŋwìə̀ naʼ ɨŋgam ɨ num ənɨ mɨə ghàmə̀, ɨmbə̀ʼ mə̀ ghàm mbɨ fîŋ nɨ kaanɨ əne ghɨ̀ bə̂d kyerɨ ənû ze nɨ yeʼ ənə̀mə ɨmbə̀ʼ ɨkə̂n chɔ̀m.

Fìlipì 2:1

Ɨchî nɨ mbə̀ yeʼ ənɨ ɨfɔtɨ mbɨ Kristo zɨə tìmbɨ̀ əwən. Ɨchî nɨ wɨ̀ ghaʼ əwən wɨə nəərɨ əwən. Mbə mbɨ ənɨ ɨfɔtɨ mbɨ Əzwî ə Ŋwìə̀. Mbə mbɨə ghɨ̀ ɨ̀chɔ̀m ənɨ mbə bɔŋgɔb. Mbɨ mbɨə kə̀n ənɨ wə̀d mɔʼɔ we rəbɔʼ nən nɨə zəə ŋgəʼ.

Kòlosè 1:8

Məd fə ghɨ tɨ̀ kyerɨ ni Əzwî ə Ŋwiə̀ ə zɨə ghɨ̀ ni tɨ̀ ghaʼ mba bɔŋgɔb.

Kòlosè 2:1

Mə wɨə kə̀bə̀ ni mbə̀ kyerɨ ni mə wɨə fàʼ rɨka ɨmbə̀ʼ əwən, ɨmbə̀ʼ bə̂d mbe rɨ ə Laodisià, fɔrɨ ɨmbə̀ʼ bə̂d mɨjìm mbe nɨ chəi mbɨ kyerɨ əmɨ.

Kòlosè 4:12

Epafràs, nɨ yeʼ wə̀d ə̀fàʼì Kristo, nɨ bə̀ yeʼ wə̀d rəbɔʼ nən wɨə chàʼrɨ̀ əwən. Ɨ wɨə kɔ̀ŋgɨ̀ ə Ŋwiə̀ kwàʼ rɨka ɨghəm jìm kɔndɨ əwən ni mbə̀ təm kàànɨ̀ bə̀ jeŋgɨ kyerɨ ɨnû jìm mbe nɨ Ŋwìə̀ kə̀bɨ.

1 Tèsàlonikà 5:25

Mba bɔŋgɔb, mbə̀ kɔŋgɨ ə Ŋwiə̀ ɨgwɨ na.

2 Tès 3:1

Mba bɔŋgɔb, ɨ wo ɨmbì, mbə̀ kɔŋgɨ ə Ŋwiə̀ ɨgwɨ na ni ɨkə̂n chɔ̀m ɨmbə̀ʼ Ə̀nùŋɨ̀sɨg zambɨ kɨə jàŋə̀ wo ɨmbì, bə̂d zu benɨ bə̀ wumnɨ, àmei ɨchî nɨ mbə̀ nyaʼa zu benɨ bə̀ wumnɨ.

2 Timotì 4:1

Mə wɨə ghà ɨ ne ɨfě Ŋwiə̀ bə̀ fɔrɨ ɨfě Kristo Yeso we nɨ bɨrɨ saʼ bə̂d mbe nɨ yeʼ ɨka mbɨ mbe nɨ fə kwɨ, bə̀ gha ɨmbə̀ʼ ɨchî nɨ wɨ̀ bɨrɨ wɨrɨ yeʼe ɨ tumbɨ ɨsɨg ni: