Rm 15:18 - Meta’

¹⁸ Chəi mə̀ bɨrɨ tɔ gha ənû ə mɔʼɔ, kɨrɨ ənɨ mə̀ gha àmei əze nɨ Kristo che ənjìm num bɔŋ ghɨ̀. Wɨ̀ nyaʼa ghɨ̀ ni bə̂d mbe nɨ kaʼi mɨ̀Jû zuunɨ ə Ŋwiə̀ ənjìm ɨnû mbe nɨ mɨə ghàə̀, ənjìm ɨnû mbe nɨ mɨə ghɨ̀ə̀,

Ikan feg

¹⁸ Chəyi mə̀ beri ni kɔ̀m igo imbə̀ʼ anug mɔ̀ʼɔ ndəŋ, chèyi ane anug ne Kristo che inga inum ghàm abə bəd bə̀ fàʼ bəd bàd ni ghì gha bəd mbe ne kayi mə̀Ju mbe bə̀ŋi fìŋ si yaʼ bəd Ŋwiye.

Rm 15:18 교차 참조

Matìyò 25:16

Wə̀d ə̀fàʼì we nɨ nyaʼa nɨŋ ɨ̀bàm ɨkab gôl tân nyaʼa wò ghɨ̀ ɨwin, jɨg njìm ɨ̀bàm cherə tân.

Mk 16:20

Mə̀mə̀ə̀nɨ̀-ɨnû mbe nyaʼa jwɨ̀ wò ghà ɨkə̂n chɔ̀m we ɨsɨ jìm. Ə̀nùŋɨ̀sɨg nyaʼə fàʼə̀ mbɨ mɨ̀mə̌d. Wɨ̀ nyaʼa bə̀ ben ni ɨnû mbe nɨ mbɨ nyaʼə ghàə̀ yɨ ɨnû rəsìʼ ɨchî nɨ mbɨ nyaʼə ghɨ̀ ɨnû yiirɨ. À yɨ əne.

Ɨ̀fàʼì 14:27

Ənɨ mbɨ nyaʼa pe ə Antiɔ̀k, mbɨ nyaʼa fetɨ bə̂d Kristo mɨjìm, əne ghà ɨnû jìm mbe nɨ Ŋwìə̀ nyaʼa ghɨ ənɨ ə nən bə̀ ghà ɨchî nɨ wɨ̀ nyaʼa fiʼ ɨnə̂njɨ̀ əmbɨ ə bə̂d mbe nɨ kaʼi mɨ̀Jû ni mbɨ ben ə Kristo.

Ɨ̀fàʼì 15:12

Bə̂d mɨjìm mbe nɨ nyaʼa ɨŋga fetɨ we nyaʼa kəm rəziə ɨchî nɨ mbɨ nyaʼə zwetɨə ɨnû mbe nɨ Banabàs mbɨ Pɔ̂l nyaʼə ghà ɨmbə̀ʼ ɨchî nɨ Ŋwiə̀ nyaʼa che ənjìm mɨ̀mə̌d ghɨ̀ ɨnweenɨ-ɨnû bə̀ ghɨ̀ ɨnû yiirɨ əkaʼ bə̂d mbe nɨ kaʼi mɨ̀Jû.

Ɨ̀fàʼì 15:4

Ənɨ mbɨ nyaʼa wo pè ə Jèrusalèm, ɨfetɨ bə̂d Kristo, bə̂d tom Kristo mbɨ ə bə̂d mbe nɨ nyaʼə chà ɨfetɨ bə̂d Kristo nyaʼa nɨŋ mɨ̀mə̌d kwàʼ ɨchî chɔ̀m. Pɔ̂l mbɨ Banabàs nyaʼa ghà ɨnû jìm mbe nɨ Ŋwìə̀ nyaʼa che ənjìm mɨ̀mə̌d ghɨ̀.

Ɨ̀fàʼì 21:19

Pɔ̂l nyaʼa chàʼrɨ̀ mɨ̀mə̌d, əne ghà ɨnû jìm mbe nɨ Ŋwìə̀ nyaʼa chè ənjìm ə̀fàʼì əməd ghɨ̀ əkaʼ bə̂d mbe nɨ kaʼi mɨ̀Jû.

Ɨ̀fàʼì 26:20

Mə nyaʼa bè kɔ gha ɨŋgam Ŋwiə̀ ə Dàmaskɔ̀s, beenɨ ə Jèrusalèm, beenɨ ɨŋga ɨsɨ jìm mbe rɨ ə Jùdeyà bə̀ fɔrɨ əkaʼ bə̂d nɨ kaʼi mɨ̀Jû. Mə wɨə nyaʼə ghàə̀ ni mbɨ beŋ tə fîŋ beenɨ əbɔʼ ə Ŋwiə̀, Mə wɨə nyaʼə bə̀ ghàə̀ ni mbɨ ghɨ ɨnû mbe nɨ chwi ni mbɨ fə bèŋ tə fîŋ.

Rm 1:5

Ŋwiə̀ wɨə ghɨ̀ ɨ̀chɔ̀m ənɨ ə na ənjìm ə Wan məd we. Tɨ̀ yɨə bə̀ ə bə̂d tom ɨmbə̀ʼ jaŋ ɨkum məd əkaʼ bə̂d mɨ̀jìm mbe nɨ kaʼi mɨ̀Jû, ɨmbə̀ʼ mbɨ zɨ̀ tə fîŋ ɨgwɨ məd bə̀ zuunɨ əməd.

Rm 16:26

Tɨ̀nîn mbɨ fə toʼ ɨnû mbe əsaŋ ənjìm ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ ghɨ̀ ni ɨbeŋ ɨjìm kyerɨ. Ŋwìə̀ we nɨ ten i koŋ nyaʼa fə sob əne, ɨmbə̀ʼ ɨbeŋ jìm ben əməd bə̀ zuunɨ əməd.

Rm 6:17

Àyɨə mə wɨə nàʼə̀ məben-əwe əmbɨ ə Ŋwiə̀ ni mbə̀n mbe nɨ nyaʼa kweʼ ben ɨ̀bòʼò əmbɨ ɨnû rɨbɔ̀ŋ, fə bèŋ tə fîŋ rɨjìm sɨə zuunɨ ɨnû mbe nɨ Ŋwìə̀ ə chwi ɨ nən.

2 Kɔrèn 11:31

Ŋwìə̀ Mbǎʼ Ə̀nùŋɨ̀sɨg Yeso ə kyerɨ ni chəi mɨə ghà mɨghab. Tɨ̀ yiirɨ məd koŋ!

2 Kɔrèn 12:6

Mə mɨ kəb goŋ ɨgɔ̂, chəi mə bɨrɨ yeʼ əneŋ, ɨmbə̀ʼ ɨghəm nɨ mə bɨrɨ gha rəsìʼ. Àyɨə chəi mə bɨrɨ goŋ ɨgɔ̂, ɨmbə̀ʼ tɨ wə̀d mɔʼɔ kɔndɨ i ni mə chè wə̀d we nɨ mə̀ yeʼ wɨwən. Wɨ̀ neŋ yeʼ ɨnû mbe nɨ mɨə ghɨ̀ə̀ kɨ̀ mbe nɨ mɨə ghàə̀.

2 Kɔrèn 3:5

Tɨ̀ rɨka kùʼ a nɨ gha ni ɨnû mbɔ̂ yɨ rɨ na. À yɨə Ŋwìə̀ ghɨ ni tɨ̀ kuʼ ə.

2 Kɔrèn 6:1

Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

Gàlesìyà 2:8

Ɨtu mɨ̀mə̌d nyaʼa zeŋ ni Ŋwìə̀ we nɨ nyaʼa chɔʼ ə Pità tom ni wɨ̀ fàʼ əkaʼ mɨ̀Jû, nyaʼa bə̀ chɔʼ əmɨ tom ni mə faʼ əkaʼ ə bə̂d mbe nɨ kaʼi mɨ̀Jû.

Kòlosè 3:17

Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.

2 Tès 2:17

Wɨ̀ nəərɨ əwən bə̀ nàʼ ɨka ɨ nən ni mbə̀ ghɨ ənû chɔ̀m jìm bə̀ ghà ɨŋgam chɔ̀m jìm.

Mə̀Hibrù 11:8

À yɨ ɨbenɨ nyaʼa ghɨ ni Abràham zuunɨ ə Ŋwiə̀ ənɨ wɨ̀ nyaʼa tɔŋ əməd ni wɨ̀ jwɨ ə wò əsɨ ze nɨ wɨ̀ nyaʼa wo naʼ ɨ bɔ. Wɨ̀ nyaʼa jwɨ̀ wò, ka à bè yeʼi ni chəi wɨ̀ nyaʼa kyerɨ əsɨ ze nɨ wɨ̀ nyaʼə wò əŋgu.

Mə̀Hibrù 5:9

Ənɨ Ŋwiə̀ nyaʼa fə ghɨ̌ wɨ̀ bɔ̀ŋ màànɨ̀, wɨ̀ nyaʼa bèŋ sɨə ghɨ̀ə̀ ni bə̂d mɨjìm mbe nɨə zuunɨ əməd jwɨ̀ rəŋgəʼ koŋ.

Jems 1:22

Tɨ mbə̀ yeʼ ə bə̂d nɨə zu ɨŋgam Ŋwiə̀ zu, əne tambɨ ə ɨnyod. Mbə̀ ghɨ ɨnû mbe nɨ ɨŋgam we gha ni mbə̀ ghɨ̀ ə.

1 Jɔn 3:18

Mbɨ bɔn nɨ mə̀ ghaʼi kwàʼ rɨŋgəʼ, tɨ rɨ̀ ghaʼ a bə̂d àmei ənɨ ɨŋgam bə̀ fɔrɨ ənɨ ɨchù. Tɨ̀ berɨ chwi ənɨ ta rɨghɨrɨ-ɨnû bə̀ fɔrɨ ənɨ rəsìʼ we nɨ tɨə ghàə̀ ni tɨ̀ ghaʼ mɨ̀mə̌d.

Jûd 1:9

Ka àbei Maikɨ̀l nɨ yeʼ ətu ɨgwɨ mbɨ̀aŋgɨrə̀, ənɨ wɨ̀ nyaʼə tàŋə̀ mbɨ ə Debɨ̀rə̀ ɨmbə̀ʼ we rəbɔʼ mɨ̀mə̌d nɨ bɨrɨ nɨŋ əvɨ ə Mose, chəi wɨ̀ nyaʼa kɔndɨ nɨ zɨ ɨsaʼi ɨgun ə Debɨ̀rə̀ ɨmbə̀ʼ chəkɨ ɨkum məd. Wɨ̀ nyaʼa ghà ɨ bɔ àmei ni, “Ə̀nùŋɨ̀sɨg gham əbɔʼ nè.”