Rm 14:22 - Meta’

²² Ənû ze nɨ à benɨ ə ten i ɨ ne mbɨ ə Ŋwiə̀. Ŋwìə̀ zɨ əbɔrəbɔd ɨgun ə bə̂d mbe nɨ chəi mbɨ zɨ ɨsaʼi ɨgun ə ɨnyod, ɨmbə̀ʼ ɨghəm nɨ mbɨə ghɨ̀ ɨnû mbe nɨ mbɨ kyerɨ ni mbɨ yɨ ɨnû nɨ kuʼnɨ.

Ikan feg

²² Ikɔndi we ne àghò beri imbə̀ʼ ighi mbo̰ ijìm, we buʼə ine tì Ŋwiye. Ŋwiye ziye àbɔrɔ̀bɔd igun wə̀d ne fàʼà inug ne fìŋ məd bḛ gha mbe kòʼ.

Rm 14:22 교차 참조

Ɨ̀fàʼì 24:16

Əne mə wɨə kywɨ ənywɨ ɨ zə ni mɨ fîŋ zeŋ ɨfě Ŋwiə̀ bə̀ zeŋ ɨfě bə̂d.

Rm 14:14

Ɨchî nɨ mə̀ yeʼ ənɨ ɨfɔtɨ mbɨ Ə̀nùŋɨ̀sɨg Yeso, mə kyerɨ ni chəi əghɨjɨg ə mɔʼɔ nɨ zɨ̀ rɨka zeŋ i ɨfě Ŋwiə̀. Əghɨjɨg ə mɔʼɔ ze tɨ̀ zɨə chubɨ zɨ rɨ zeŋ əmbɨ wə̀d we nɨ kɔndɨ ni zɨ rɨka zeŋ i.

Rm 14:2

Wə̀d mɔʼɔ ə ben ni tə we tɨ̀ rə jɨg ɨghɨjìm, àyɨə we nɨ ɨbenɨ məd bɔrɨ we tɨ̀ wɨ̀ jɨg àmei mbòb.

Rm 14:23

Ŋwiə̀ bɨrɨ zɨ ɨsaʼi ɨgun ə bə̂d mbe nɨə bid ɨkwɨ əghɨjɨg ə mɔʼɔ bɔŋ wɨrɨ jɨg, ɨmbə̀ʼ ɨghəm nɨ chəi mbɨə jɨg ənjìm ɨbenɨ. Ənû ə mɔʼɔ ze nɨ wə̀d ə ghɨ̀ə̀ nɨ chəi zɨə yeʼe rɨ ənɨ ɨbenɨ yɨ ənû rɨbɔ̀ŋ.

Rm 14:5

“Wə̀d mɔʼɔ wɨə kɔndɨə ni ɨni mɔʼɔ ə bɔ̀ŋ chè ɨni cherə. Wɨ cherə wɨə kɔndɨə ni ɨni jìm yɨ əndəŋ əndəŋ. Wə̀d mɔʼ mɔʼ ben ni ənû ze nɨ wɨə kɔndɨə yɨ əze nɨ kuʼnɨ.

Rm 2:1

Kɨ̀ àwɔ̀ kɨə we, tɨrə̀ ghà e ni, “Chəi mə̀ kəʼ kyerɨ” ənɨ àwɔ̀ ə sob mɨsaʼi bə̂d cherə. Àyɨə kyerɨ ni ənɨ àwɔ̀ ə sob ɨsaʼi wə̀d cherə, à wɨə zɨ̀ ɨsaʼi ɨgwɨ ne, ɨmbə̀ʼ ɨghəm nɨ àwɔ̀ we nɨə sob mɨ̀sàʼi wɨə ghɨ̀ àmei ɨnû mbe nɨ məd ə bə̀ ghɨ̀ə̀.

Rm 7:15

Chəi mɨ ətu ə kɨrɨ zeŋ ɨmbə̀ʼ ɨnû mbe nɨ mɨə ghɨ̀ə̀, ɨmbə̀ʼ ɨghəm nɨ chəi mɨə ghɨ̀ ɨnû mbe nɨ mə kə̀bɨ. Mə wɨə ghɨ̀ yeʼ mbe nɨ mə̀ banɨ.

Rm 7:24

Mə yɨə kaŋə wə̀d ŋgəʼ! À kɨə we bɨrɨ fe əmɨ rɨ ənɨ ə nyamnyod zɔ̂ nɨə ghɨ̀ ni mə̀ kwɨ ə?

1 Kɔrèn 8:7

Àyɨə kaʼi wə̀d jìm kyerɨ ənû zɔ̂. Bə̂d mɔʼɔ mbe nɨ fə jeŋgɨ mə̀d mbɨ mbɨ̀anèŋ mɨ yeʼə jɨgə tɨkwɨ rɨjɨg tɔ̂, ɨ mbɨə kɨrɨ kɔndɨə ni à yɨ rɨjɨg nɨ mbɨ naʼ ənɨ əghɨ ə̀fà əmbɨ mbɨ̀anèŋ. Əne fîŋ tɨ mɨ̀mə̌d te nɨ bɔrɨ tɨə saʼə mɨ̀mə̌d, mbɨ sɨə kɔndɨə ni mbə mbɨ rɨzeŋ.

2 Kɔrèn 1:12

Tɨ̀nîn, ənû ze nɨ tɨə goŋ ɨgɔ̂ ɨgun yɨ ni, ta fîŋ ə zeŋ ni tɨ̀ wɨə ghɨ̀ ɨnû nɨ zeŋɨ mbɨ ni tɨ̀ wɨə bə̀ ghɨ̀ ɨnû mbe nɨ yeʼ mbɨ rəsìʼ ɨchî nɨ tɨ̀ yeʼ ɨŋga ɨsɨg, màànɨ̀ ɨchî nɨ tɨ̀ yeʼ əkaʼ nən. À yɨ ɨ̀chɔ̀m we nɨ Ŋwìə̀ nyaʼa ghɨ ənɨ ə num nyaʼa ghɨ ni mə̀ ghɨ əne, kaʼi ɨwe bə̂d mɨ̀sɔŋɨchù.

Gàlesìyà 6:1

Mbɨ bɔŋgɔb, wə̀d mɔʼɔ rəbɔʼ nən mɨ ghɨ̀ ənû rɨbɔ̀ŋ, mbə̀n mbe nɨə ghɨ̀ ɨnû mbe nɨ Əzwî ə kəbɨ wɨrɨ ghɨ̀ ni wɨ̀ təm, àyɨə mbə̀ ghɨ əne ənɨ əbɔrəbɔd. Mbə̀ we əwən ɨmbə̀ʼ ə̀kwàʼnɨ̀ ə bə nyɨ ɨgwɨ nən.

Jems 3:13

À kɨə we əkaʼ nən nɨ berɨ ɨwe bə̀ kyerɨ ənû ə? Wɨ̀ berɨ chwi mbi ɨnû chɔ̀m mbe nɨ wɨə ghɨ̀ə̀ ɨchî nɨ wɨə ghɨ̀ ɨnû ənɨ ɨbɔtɨ fîŋ bə̀ fɔrɨ ənɨ ɨwe.

1 Jɔn 3:21

Mbɨ bɔŋgɔb nɨ mə̀ ghaʼi kwàʼ rɨŋgəʼ, à mɨ yeʼ ni chəi ta fîŋ ə saʼ əwa, njɨ chəi tɨ̀ berɨ bɔ ənɨ tɨ̀ yeʼ ɨfě Ŋwiə̀.