Rm 11:6 - Meta’

⁶ Wɨ̀ nyaʼa chɔʼ bə̂d mbe ənjìm ɨ̀chɔ̀m məd, kaʼi ɨmbə̀ʼ ɨnû mbe nɨ mbɨ nyaʼa ghɨ̌. À kɨ nɨ wɨ̀ nyaʼa chɔʼ mɨ̀mə̌d ənjìm ɨnû mbe nɨ mbɨ nyaʼa ghɨ̌, njɨ ka ɨ̀chɔ̀m Ŋwiə̀ yɨə wɨrɨ i ɨ̀chɔ̀m Ŋwiə̀.

Ikan feg

⁶ Ŋwiye ya chɔʼ bəd anjìm ìchɔ̀mì məd, kayi imbə̀ʼ àfàʼì ne bəd ya fàʼi. Àkə wì ya chɔʼi bəd anjìm ìmbɔb ìfàʼì, nji chəyi ìchɔ̀mì məd biri yaʼ kwàʼ ìchɔ̀mì tesiʼ.

Rm 11:6 교차 참조

Lk 6:13

Ənɨ ɨtuʼ nyaʼa chɨgɨ, wɨ̀ nyaʼa tɔŋ mbi mə̀mə̀ə̀nɨ̀-ɨnû, chɔʼ mbɨ wum chɔ̀b rɨ̀be rəkaʼ mɨ̀mə̌d. Wɨ̀ nyaʼa tɔŋ mbe ənɨ ə bə̂d tom. Mbe nɨ wɨ̀ nyaʼa chɔʼɔ yɨə:

1 Kɔrèn 15:10

Mə yɨə wə̀d we nɨ mə yeʼ wɨwən ənjìm ɨ̀chɔ̀m Ŋwiə̀. Chəi ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num nyaʼa che ətu ə̀kǒ. Àyɨə mə nyaʼa fàʼ rɨkǎ chè mɨ̀mə̌d mɨjìm. Ka à bè yeʼi ni kaʼi mɔ̌ nyaʼa fàʼi, àyɨə Ŋwiə̀ nyaʼa che ənjìm ɨ̀chɔ̀m məd ghɨ̀ mə fàʼ.

Gàlesìyà 2:21

Chəi mə̀ ton ni Ŋwìə̀ wɨə ghɨ ɨ̀chɔ̀m. Àyɨə wə̀d mɨ berɨ təm kùʼnɨ̀ ɨchî nɨ wɨə nùŋə̀ rɨkə, njɨ Kristo nyaʼa kwɨ ətu ə̀kǒ.

Gàlesìyà 5:4

Mbə̀n mbe nɨə kə̀b təm kùʼnɨ̀ ɨchî nɨ mbə̀ə nùŋ rɨkə, fə sùŋgɨ̀ rɨ ənɨ ə Kristo. Mbə̀ fə ton ɨ̀chɔ̀m we nɨ Ŋwìə̀ ghɨ̌ ənɨ nən.

2 Timotì 1:9

Ŋwìə̀ nyaʼa chɨ əwa rəŋgəʼ, əne tɔŋ əwa ni tɨ̀ yeʼ mbi bə̂d ɨmbə̀ʼ chub ɨzeŋɨ zeŋɨ. Chəi tɨ̀ nyaʼa ghɨ ənû ə mɔʼɔ bɔŋ wɨ̀ nyaʼa sɨə tɔŋ əwa. Wɨ̀ nyaʼa tɔŋ əwa ɨmbə̀ʼ ɨghəm nɨ wɨ̀ nyaʼa fə nuŋ əne. Wɨ̀ nyaʼa bə̀ tɔŋ ɨmbə̀ʼ ɨ̀chɔ̀m məd we nɨ wɨ̀ nyaʼa fə ghɨ ənɨ ə na rəŋwe rəŋwe ənjìm ə Kristo Yeso.

Tayitùs 3:5

wɨ̀ nyaʼa chɨ̀ əwa rəŋgəʼ. Chəi wɨ̀ nyaʼa ghɨ əne ɨmbə̀ʼ ɨnû chɔ̀m mɔʼɔ mbe nɨ tɨ̀ nyaʼa ghɨ̌. Wɨ̀ nyaʼa chɨ̀ əwa yeʼ ɨmbə̀ʼ ɨghəm nɨ wɨ̀ diirɨ əwa əne che ənjìm Əzwî ə Zeŋɨ sò əwa tɨ̀ zeŋ, bèŋ əwa tɨ̀ sɨ ɨghabɨ ə bɔn bɔd bə̀ nàʼ ɨ̀tènɨ̀ fi ɨ na.