Rm 11:18 - Meta’

¹⁸ Əne tɨ mbə̀ goŋ ə ɨgɔ̂ ɨmbə̀ʼ ɨghəm nɨ mbə̀ fə nɨŋ rɨmbin rɨtəb te nɨ mbɨ sopɨ. Mbə mɨ yeʼə goŋ ɨgɔ̂, njɨ mbə̀ kyerɨ ni kaʼi mbə̀n ə jə əghaŋ ze, à yɨ əghaŋ ze ə jə əwən.

Ikan feg

¹⁸ Imbə̀ʼ mbə̰ nyete awən bəd mbe ne mbi ya sɔbi awɔb chì icheg fìtab. Aton ne mbə̰ nɔ̀rɔ̀ nyɔd àkə gha? Mbə̀ kyeri gha mbə̰ ya icheg tìtab. Kayi mbə̰ mbe nyìme ighaŋ azed. À ya ighaŋ azed mbe nyìme awən.

Rm 11:18 교차 참조

Matìyò 26:33

Pità nyaʼa ghà ɨ bɔ ni, “Kaʼ mə̀mə̀ə̀nɨ̀-ɨnû mbə mɨ̀jìm bè nòrə̀ əwən sàŋ əwe, chəi mə̀ bɨrɨ nɔ ghɨ əne.”

Jn 10:16

Mə berɨ njɨ̀g rɨ cherə nɨ chəi ɨŋga əkad ə njɨ̀g zɔ̂. Mə berɨ bɨ nɨŋ njɨ̀g te yeʼe mbɨ rɨwən. Tɨ bɨrɨ zu mɨ gɨ̂, əne njɨ̀g te rɨ̀jìm bɨrɨ fɔtɨ ɨŋga əkad ə mɔʼ. Əne ənə̂ŋgɨ̀-njɨ̀g mɔʼ bɨrɨ nəŋgɨ mɨ̀mə̌d.

Jn 4:22

Chəi mbə̀n bə̂d rɨ ə Sàmàriyà jeŋgɨ kyerɨ wə̀d we nɨ mbə̀ə wumnɨə. Àyɨə mbǎ, mɨ̀Jû, tɨ ə kyerɨ wə̀d we nɨ tɨ ə wumnɨə, ɨmbə̀ʼ ɨghəm nɨ ənû nɨ jwɨ rəŋgəʼ yɨ rɨ əmbɨ mɨ̀Jû.

Ɨ̀fàʼì 25:7

Ənɨ Pɔ̂l nyaʼa yeʼe, mɨ̀Jû mbe nɨ nyaʼa swiʼi rɨ ə Jèrusalèm nyaʼa təm kad əməd kɔ zɨ ɨnû ka ka nɔnɔʼ ɨgwɨ məd nɨ chəi ənɨ tɨ̀ mbɨ chwi ni ɨnû mbe yɨ ɨnû rəsìʼ.

Rm 11:20

Əze yɨ rəsìʼ. Mbɨ nyaʼa sopɨ rɨtəb te, əne yɨ mɨ̀Jû, ɨmbə̀ʼ ɨghəm nɨ chəi mbɨ nyaʼa benɨ, àyɨə mbən ə təm kàànɨ̀ àmei ɨmbə̀ʼ ɨchî nɨ mbə̀ benɨ. Əne tɨ mbə̀ nɔ ə ɨnyod, àyɨə mbə̀ we əwən ɨmbə̀ʼ ənû ze nɨ tɨ̀ zɨə ghɨ̀.

Rm 3:27

Əne tɨ̀ kɨə wɨrɨə goŋ ɨgɔ̂ ɨmbə̀ʼ ə ye ə? Chə wɨrɨ i ənû ə mɔʼɔ nɨ tɨ̀ rɨ goŋ ɨgɔ̂ ɨmbə̀ʼ əzɨ əwən. Əton ə kɨ ni yè ə? À kɨ ɨmbə̀ʼ ɨghəm nɨ tɨə nùŋ rɨkə ə? Chə̂! À yɨ ɨmbə̀ʼ ɨghəm nɨ tɨ̀ benɨ.

Rm 4:16

Ŋwìə̀ nyaʼa kàʼ ɨghɨ ənjìm ɨbenɨ, ɨmbə̀ʼ ənjìm ɨ̀chɔ̀m məd, bɔn mɨjìm tɨ ənɨ əghaŋ ə Abràham mbe tɨ̀ mbɨ jɨg ɨghɨ mbe nɨ wɨ̀ nyaʼa kàʼi. Ka ɨghɨ mbe nɨ wɨ̀ nyaʼa kàʼi nyaʼa àmei əmbɨ ə bə̂d mbe nɨə nùŋə̀ rɨkə, ɨ mbɨə nyaʼa bə̂ əmbɨ mbe nɨ nyaʼa benɨ ɨchî nɨ Abràham nyaʼa bə benɨ. Abràham yɨə mbǎʼ ɨgwɨ mbà mɨjìm.

1 Kɔrèn 10:12

Əne wə̀d mɔʼɔ we nɨ kɔndɨ ni tə fə təm kàànɨ̀ berɨ we i ɨmbə̀ʼ wɨ̀ sɨ gù.

Gàlesìyà 3:29

Mbə mɨ yeʼ bə̂d Kristo, əne yɨ ni mbə yɨə bɔn tɨ ənɨ əghaŋ ə Abràham. Ɨchî nɨ mbə̀ yeʼ bɔn tɨ ənɨ əghaŋ ə Abràham, əne yɨ ni mbə bɨrɨ jɨg ɨghɨ mbe nɨ Ŋwìə̀ kaʼi.