Rm 1:25 - Meta’

²⁵ Mbɨ nyaʼa kwepɨ rəsìʼ ɨmbə̀ʼ ə Ŋwiə̀, sɨə benə yeʼ mɨghab. Ɨ mbɨə nyaʼə wumnɨə bə̀ fàʼə̀ yeʼ əmbɨ əghɨ ze nɨ Ŋwiə̀ tekɨ. Chəi mbɨ nyaʼə ghɨ̀ əne ənɨ ə Ŋwiə̀ we nɨ nyaʼa tekɨ əghɨ ze. Məd yɨə Ŋwìə̀ we nɨ mbɨə yiirɨə koŋ! À yɨ əne.

Ikan feg

²⁵ À ya ane imbə̀ʼ icheg ne mbɔb ya wàʼa tesiʼ imbə̀ʼ Ŋwiye se bḛ yaʼ anug ako. Ane, mbɔb fə sàŋì Ŋwiye ne tangi ighi ijìm se ghùmnə bə̀ fàʼà yaʼ abə ighi mbe ne Ŋwiye tàngi. Məd ya Ŋwiye we ne tì beri ni ya ghùmnə aməd mà nyumə̀ ijìm! À ya ane!

Rm 1:25 교차 참조

Matìyò 10:37

“Wə̀d mɔʼɔ we nɨ ghaʼ i mbǎʼ kɨ̀ i nɨŋ chè əmɨ, rɨka kùʼ i nɨ yeʼ mɨ ə̀mə̀ə̀nɨ̀-ɨnû. Wə̀d mɔʼɔ we nɨ ghaʼ i wan mbaŋə̀ kɨ̀ i wan əyi chè əmɨ, rɨka kùʼ i nɨ yeʼ mɨ ə̀mə̀ə̀nɨ̀-ɨnû.

Matìyò 6:24

“Chəi wə̀d mɔʼɔ əŋgu nɨ tɨ̀ wɨ̀ fàʼ əmbɨ mɨ̀mbǎʼ ə̀fàʼì mɨbe, ɨmbə̀ʼ ɨghəm nɨ wɨ̀ bɨrɨ ban wɨ fìbɨ̀ ghaʼ wɨ fìbɨ̀, kɨ̀ wɨ̀ fàʼ əmbɨ wɨ fìbɨ̀ ənɨ i fîŋ jìm tə̀ə̀nɨ̀ wɨ fìbɨ̀. Chəi ənɨ tɨ̀ à fàʼ əmbɨ ə Ŋwiə̀ bə̀ faʼ nɨ berɨ mbɔ̂n əwu əwən.

Jn 2:8

Əne mbɨ nyaʼa ghɨ əne, wɨ̀ nyaʼa ghà əmbɨ mɨ̀mə̌d ni, “Mbə̀ kom mbɨ mɔʼɔ wò nàʼ əmbɨ wə̀d kyeŋ we nɨə chà əchwɨ̂ zɔ̂.” Mbɨ nyaʼa kòm wò nàʼ.

Rm 1:18

Ŋwìə̀ we nɨ yeʼ ɨkaŋ wɨə chwi ni tə wɨə sə ɨtəm əbɔʼ ə bə̂d mbe nɨ chəi mbɨə wumnɨ əməd. Ɨ wɨə bə̀ sə əbɔʼ mbe nɨə ghɨ̀ ɨzɨg, ɨmbə̀ʼ ɨghəm nɨ ɨzɨg mɨ̀mə̌d wɨə kənə ni tɨ bə̂d kyerɨ ə rəsìʼ ɨmbə̀ʼ əməd.

Rm 1:23

Əmbɨ mɨ̀mə̌d nɨ wumnɨ ə Ŋwiə̀ we nɨ chəi wɨ̀ bɨrɨ nɔ kwɨ, mbɨ nyaʼa bèŋ sɨə wumnɨə yeʼ mbɨ̀anèŋ mbe nɨ fu wə̀d mɨ̀sɔŋɨchù nɨə kwɨə. Mbɨ nyaʼa bə̀ sɨə wumnɨ rɨnən mbɨ ə nyam ɨwu kwè fɔrɨ nyam te nɨə kɔ ɨbum ə si.

Rm 9:5

Mbɨ yɨə bɔn tɨ ənɨ əghaŋ mɨ̀mbǎʼ ɨnəbɨ mɨ̀Izre. Wə̀d we nɨ Ŋwìə̀ zɔʼɔ ə jwɨ̀ rɨŋga ɨnəbɨ we. Məd yɨə Ŋwìə̀ we nɨə tùmbɨ̀ ɨghɨjìm. Tɨ̀ yiirɨ ə Ŋwiə̀ koŋ. À yɨ əne.

2 Kɔrèn 11:31

Ŋwìə̀ Mbǎʼ Ə̀nùŋɨ̀sɨg Yeso ə kyerɨ ni chəi mɨə ghà mɨghab. Tɨ̀ yiirɨ məd koŋ!

Efesùs 3:21

Tɨ̀ghə̀m rɨ bə̂d rɨ̀jìm te nɨ yeʼ ɨŋga ɨfetɨ bə̂d Kristo mbɨ ə bə̂d mbe nɨ yeʼ ənɨ ɨfɔtɨ mbɨ Kristo Yeso wumnɨ Ŋwiə̀ koŋ koŋ! À yɨ əne.

1 Tèsàlonikà 1:9

ɨmbə̀ʼ ɨghəm nɨ bə̂d mbe nɨ yeʼ ɨŋga ɨba ɨbeŋ mbe fə ghà mbənə mbənə ɨmbə̀ʼ ɨkwɨ ɨchî nɨ mbə̀ nyaʼa nɨŋ əwa əkaʼ nən. Mbɨ fə bə̀ ghà ɨmbə̀ʼ ɨchî nɨ mbə̀ nyaʼa ton ənû nɨ wumnɨ mbɨ̀anèŋ sɨ bèŋ kɔ wumnɨ ə Ŋwiə̀ we nɨ yeʼ ɨka bə̀ yeʼ wɨ rəsìʼ.

1 Timotì 1:11

Tɨ̀ we tɨ̀ rɨ̀ zə ɨnû mbɔ̂ ɨŋga ɨkə̂n chɔ̀m we nɨ Ŋwiə̀ zɨ ɨŋga tum rɨkyerɨ-ɨbɔ. Məd yɨə Ŋwìə̀ we nɨ bə̂d ə yiirɨə bə̀ wumnɨə.

1 Timotì 1:17

Bə̂d wumnɨ bə̀ yiirɨ Ɨfɔ̂n we nɨ ten i koŋ, nɨ chəi wɨ̀ bɨrɨ nɔ kwɨ, nɨ chəi bə̂d ə zə əməd, nɨ yeʼ àmei we mɔʼ koŋ koŋ. À yɨ əne.

2 Timotì 3:4

Mbɨ bɨrɨ sɨə fènə̀ bə̂d, sɨə ghɨ̀ ɨnû zɨ rɨ kɔndɨ, bə̀ sɨə nɔ ɨnyod. Mbɨ bɨrɨ sɨə ghaʼ ɨnû mbe nɨ nyamnyod tɨ mɨ̀mə̌d ə feenɨə chè ɨchî nɨ mbɨ ghaʼ ə Ŋwiə̀.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.