Rm 1:24 - Meta’

²⁴ Ɨchî nɨ mbɨ nyaʼa ghɨ əne, Ŋwìə̀ nyaʼa nàʼ mɨ̀mə̌d əmbɨ tɨfeenɨ te nɨ nyaʼa ɨŋga fîŋ tɨ mɨ̀mə̌d, nɨ nyaʼə tɨfeenɨ nɨ ghɨ ɨnyɔɔnɨ-ɨnû, tɨfeenɨ nɨ ghɨ ɨfabrɨ-ɨnû mbɨ tɨfeenɨ nɨ ghɨ ɨnû mbe nɨə bèènɨ̀ ɨnyod mɨ̀mə̌d.

Ikan feg

²⁴ Icheg ne mbɔb mbe ghìyə̀ ane, Ŋwiye sàŋì awɔb gha mbɔb se ghìyə̀ inug bə bə mbe ne ìtɔb fìŋ te ghə̀ʼrə̀ ne ya anug ni fànì ne zìye tìnìrètog igun inɔb.

Rm 1:24 교차 참조

Matìyò 15:14

Mbə̀ saŋ mɨ̀mə̌d! Mbɨ yɨ mɨfɨgɨ̀ nɨə chàə̀ mbɨ cherə. Ɨfɨgɨ mɨ yim mbàŋ əmbɨ wɨ cherə, mɨ̀mə̌d mbe mɨ̀be bɨrɨ feŋ ɨŋga ɨbɨgɨ.”

Ɨ̀fàʼì 14:16

À nyaʼa ɨŋga tɨ̀ghə̀m rɨ bə̂d te nɨ nyaʼa fə chě, Ŋwìə̀ nyaʼa sàŋ bə̂d ɨŋga ɨbeŋ jìm ni mbɨ chub ɨchî nɨ mbɨ ghaʼi.

Ɨ̀fàʼì 7:42

Àyɨə Ŋwìə̀ nyaʼa fid i njìm ənɨ mɨ̀mə̌d. Wɨ̀ nyaʼa ghɨ̀ ni mbɨ kɔ wumnɨ tɨtəmɨ te rɨ əton ɨkaŋ ɨchî nɨ mbɨ nyaʼa ŋwaʼnɨ ɨŋga ə̀ŋwàʼnɨ̀ bə̂d ɨ̀kə̀n ni: Mɨ̀Izre, mbə wa nyaʼa nàʼ nyam te nɨ mbɨ kyemɨ bə̀ nàʼ ɨghɨ ə̀fà ɨ num ənɨ mbə̀ nyaʼa ɨghəm ɨwu ɨwum kwè ɨŋga ɨbad rɨkwàʼi ə?

Rm 6:12

Əne tɨ mbə̀ ben ə ni ɨnû rɨbɔ̀ŋ tumbɨ tə nyamnyod te nɨə kwɨə, əne ghɨ̀ mbə̀ zuunɨ ɨnû rɨbɔ̀ŋ mbe nɨ tə nyamnyod ə feenɨə.

1 Kɔrèn 6:13

Wə̀d cherə we tɨ̀ wɨ̀ ghà ni, “Ɨghɨ mbe nɨ bə̂d jɨgɨ mbɨə chèə̀ wò ɨŋga ɨbum mbɨ ni ɨbum wɨ əŋgu ɨmbə̀ʼ yim ɨghɨjɨg.” À yɨ əne, àyɨə Ŋwìə̀ bɨrɨ zɨ ɨnwǐ ənɨ ɨnû mbɔ̂ be. Chəi tɨ̀ berɨ nɨ nɨŋ nyamnyod ghɨ̀ ɨfabrɨ-ɨnû əŋgu. Tɨ̀ berɨ nɨŋ fàʼ yeʼ əmbɨ ə Ŋwiə̀. À yɨ Ə̀nùŋɨ̀sɨg ə nəŋgɨə nyamnyod.

1 Kɔrèn 6:18

Mbə̀ ton ɨfabrɨ-ɨnû! Chəi ɨnû rɨbɔ̀ŋ jìm cherə mbe nɨ bə̂d ə ghɨ̀ ə bètɨ̀ə̀ nyamnyod, àyɨə wə̀d we nɨə ghɨ̀ ɨfabrɨ-ɨnû wɨə ghɨ̀ ɨnû rɨbɔ̀ŋ ənɨ i nyamnyod.

Efesùs 2:3

Mba mɨjìm kweʼ yeʼ ɨghabɨ mɨ̀mə̌d ɨchî nɨ tɨ̀ nyaʼə feenɨ ɨghɨ mbe nɨ ta nyamnyod nyaʼə kə̀bə̀. Tɨ̀ wɨə nyaʼə bə̀ beenɨ əbɔʼ ɨghɨ mbe nɨ ta nyamnyod fɔrɨ ta rɨkɔndɨ nyaʼə bə̀ kə̀bə̀. Ɨ beenɨ əbɔʼ mba mɨchî, Ŋwìə̀ nyaʼa sə ɨtəm əbɔʼ na ɨchî nɨ wɨ̀ nyaʼa sə əbɔʼ wə̀d jìm.

1 Tèsàlonikà 4:4

Wə̀d mɔʼ mɔʼ rəbɔʼ nən kyerɨ ɨchî nɨ yimbɨ i ɨnyod ənɨ ɨnə̂njɨ̀ nɨ zeŋɨ bə̀ fɔrɨ ənɨ ɨnə̂njɨ̀ nɨ kuʼnɨ.