Rm 1:20 - Meta’

²⁰ Tɨ ənɨ Ŋwìə̀ nyaʼa tekɨ ɨsɨg, mɨchî məd mbe nɨ chəi ənɨ tɨ̀ bə̂d zə, əne yɨ ɨka məd we nɨ ten i koŋ mbɨ ɨchî nɨ məd yeʼ ə Ŋwiə̀, fə jwɨ̀ zeŋ ɨchî nɨ bə̂d ə zə ɨghɨ mbe nɨ wɨ̀ tekɨ. Əne chəi ənɨ tɨ̀ mbɨ ghà ni chəi mbɨ kyerɨ.

Ikan feg

²⁰ Nɔ̀ʼ ane nyumə̀ ne Ŋwiye ya tangi isəg, məd Ŋwiye fə ghì inug nɔʼ nɔʼ ni chwi abə bəd gha zìye Ŋwiye we angu. Ineni inug nɔʼ nɔʼ mbe bə̀ angu kwàʼ asaŋ inga ighi mbe ne Ŋwiye tàngi ne chwìye inug imbə̀ʼ aməd we ne chəyi te bàrà. Inug mbe ya; ikuchèg məd icheg Ŋwiye fɔrɔ ika məd ne yaʼi ane ighə̀m imɔʼ. Ane, chəyi wə̀d mɔ̀ʼɔ ne tì we gha chəyi zìye kyeri Ŋwiye tesiʼ.

Rm 1:20 교차 참조

Matìyò 5:45

ɨmbə̀ʼ mbə̀ yeʼ bɔn ə Mbǎʼ we nɨ yeʼ ɨkaŋ. Mbə̀ ghɨ əne ɨmbə̀ʼ ɨghəm nɨ məd wɨə ghɨ̀ə̀ ni nyùmə̀ te ɨgwɨ ə bə̂d rɨbɔ̀ŋ bə̀ fɔrɨ ɨgwɨ ə bə̂d chɔ̀m. Ɨ wɨə ghɨ̀ə̀ ni mbə̀ŋ nɔ ɨgwɨ ə bə̂d mbe nɨə ghɨ̀ ɨnû nɨ kuʼnɨ bə̀ fɔrɨ ɨgwɨ mbe nɨ chəi mbɨə ghɨ̀ ɨnû nɨ kuʼnɨ.

Mk 10:6

Àyɨə tɨ ənɨ ɨsɨg nyaʼa kɔ, 'Ŋwìə̀ nyaʼa tekɨ bə̂d mbaŋə̀ mbɨ əyi.

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

Jn 15:22

À mɨ yeʼ nɨ chəi mə̀ nyaʼa yeʼe ɨŋga ɨsɨg pè gham əmbɨ mɨ̀mə̌d, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn, chəi mbɨ berɨ ənû nɨ ghà ɨmbə̀ʼ ɨchî nɨ ɨ mbɨə kɨrɨ ghɨ ɨnû rɨbɔ̀ŋ.

Ɨ̀fàʼì 17:29

“Ɨchî nɨ tɨ̀ yeʼ bɔn Ŋwiə̀, tɨ rɨ kɔndɨ a ni Ŋwiə̀ wɨ ɨghabɨ anèŋ nɨ mbɨ tekɨ ənɨ ə gôl, kɨ ənɨ sɨrɨvà, kɨ ənɨ ɨti. Ka məd yɨ əghɨ nɨ wə̀d nyaʼa kɔndɨ ɨŋga e ətu tekɨ ənɨ ɨbɔ.

Ɨ̀fàʼì 22:1

“Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ ənû ze nɨ mə̀ bɨrɨ gha ɨfě nən ɨmbə̀ʼ chɨ ɨnû rɨ ɨgwɨ num.”

Rm 1:19

Ənû ze nɨ tɨ̀ bə̂d kyerɨ ɨmbə̀ʼ ə Ŋwiə̀ ə zeŋ əmbɨ mɨ̀mə̌d, ɨmbə̀ʼ ɨghəm nɨ à yɨə Ŋwiə̀ ziə fə ghɨ ni zɨə zeŋ əmbɨ mɨ̀mə̌d.

Rm 16:26

Tɨ̀nîn mbɨ fə toʼ ɨnû mbe əsaŋ ənjìm ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ ghɨ̀ ni ɨbeŋ ɨjìm kyerɨ. Ŋwìə̀ we nɨ ten i koŋ nyaʼa fə sob əne, ɨmbə̀ʼ ɨbeŋ jìm ben əməd bə̀ zuunɨ əməd.

Rm 2:1

Kɨ̀ àwɔ̀ kɨə we, tɨrə̀ ghà e ni, “Chəi mə̀ kəʼ kyerɨ” ənɨ àwɔ̀ ə sob mɨsaʼi bə̂d cherə. Àyɨə kyerɨ ni ənɨ àwɔ̀ ə sob ɨsaʼi wə̀d cherə, à wɨə zɨ̀ ɨsaʼi ɨgwɨ ne, ɨmbə̀ʼ ɨghəm nɨ àwɔ̀ we nɨə sob mɨ̀sàʼi wɨə ghɨ̀ àmei ɨnû mbe nɨ məd ə bə̀ ghɨ̀ə̀.

Rm 2:15

Ɨ mbɨə chwiə ni mbɨ fə ŋwàʼnɨ̀ ɨnû ze nɨ yeʼ ɨŋga rɨ̀kə̌ ɨŋga fîŋ tɨ mɨ̀mə̌d. Fîŋ ze nɨə saʼə mɨ̀mə̌d ə bə̀ chwiə ni à yɨ rəsìʼ. Tɨkɔndɨ tɨ mɨ̀mə̌d bɨrɨ sɨə saʼə mɨ̀mə̌d ɨmbə̀ʼ ɨnû nɨ kuʼnɨ fɔrɨ ɨmbə̀ʼ mbe nɨ chəi mbɨ kuʼnɨ.

1 Kɔrèn 1:20

Zɨə nɨə yeʼ əne, njɨ əzɔ̂ ə nùŋ wə̀d we nɨ kɔndɨ ni tə berɨ ɨwe ə yi, nùŋ wə̀d we nɨə chwi rɨ̀kə̌ ə yi, bə̀ nùŋ wə̀d we nɨə tàŋ ɨnû ənɨ ə nyùmə̀ wɔ̂ ə yi? Ɨmbə̀ʼ Ŋwìə̀ fə ghɨ̀ ni ɨwe bə̂d rɨŋga ɨsɨg beŋ ənɨ ənû əneŋ ə?

Kòlosè 1:15

Kristo we nɨ mbɨə zəə yɨ ɨghabɨ ə Ŋwiə̀ we nɨ chəi bə̂d ə zəə. Məd yɨə wan-fə̀d ɨgwɨ ɨghɨjìm mbe nɨ Ŋwìə̀ tekɨ.

Kòlosè 2:9

Mɨchî Kristo ənɨ wɨ̀ nyaʼə wə̀d mɨ̀sɔŋɨchù yɨə nyaʼa ɨghabɨ mɨchî Ŋwiə̀.

1 Timotì 1:17

Bə̂d wumnɨ bə̀ yiirɨ Ɨfɔ̂n we nɨ ten i koŋ, nɨ chəi wɨ̀ bɨrɨ nɔ kwɨ, nɨ chəi bə̂d ə zə əməd, nɨ yeʼ àmei we mɔʼ koŋ koŋ. À yɨ əne.

1 Timotì 6:16

Àmei məd we mɔʼ nɨ chəi wɨ̀ bɨrɨ nɔ kwɨ. Məd wɨə chub ɨŋga ɨzeŋɨ zeŋɨ we nɨ chəi ənɨ tɨ wə̀d tindɨ ɨban. Chəi wə̀d mɔʼɔ kweʼ zə əməd. Chəi wə̀d mɔʼɔ bɨrɨ nɔ zə əməd. Ɨsɨg jìm wumnɨ əməd, məd bə̀ tumbɨ ɨsɨg mbɨ ɨka we nɨ ten i koŋ. À yɨ əne.

Mə̀Hibrù 11:27

À yɨ ɨbenɨ nyaʼa ghɨ ni wɨ̀ nɔʼ rɨ ə Ijìpt, nɨ chəi wɨ̀ nyaʼa bɔ ni ɨfɔ̂n we rɨ ə Ijìpt bɨrɨ sə ɨtəm. Wɨ̀ nyaʼa ton nɨ beŋ rəbɔʼɔ, ɨmbə̀ʼ ɨghəm nɨ wɨ̀ nyaʼa zə əməd we nɨ chəi bə̂d ə zəə.

Mə̀Hibrù 9:14

njɨ ənəm ə Kristo ə bɨrɨ zeŋnɨ əwa chè. Əzwî ze nɨ ten i koŋ ə nyaʼa ghɨ̀ ni Kristo naʼ i ɨnyod əmbɨ ə Ŋwiə̀ ənɨ əghɨ ə̀fà nɨ chəi ənɔʼɔ ɨmbə̀ʼ zeŋnɨ ta fîŋ tɨ ənɨ ɨnû rɨbɔ̀ŋ mbe nɨə ghɨ̀ ni bə̂d kwɨ. Əne yɨ ɨmbə̀ʼ tɨ̀ faʼ əmbɨ ə Ŋwìə̀ we nɨ yeʼ ɨkǎ.