Rm 1:1 - Meta’

¹ À yɨə mɔ̌ Pɔ̂l, nɨ mə yeʼ wə̀d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ni mə̀ yeʼ wə̀d tom Kristo. Wɨ̀ nyaʼa bə̀ chɔʼ əmɨ ni mə̀ gha ɨkə̂n chɔ̀m.

Ikan feg

¹ À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

Rm 1:1 교차 참조

Mk 1:14

Ənɨ mbɨ nyaʼa yim ə Jɔ̌n wò zɨ̀ ə ndəŋ, Yeso nyaʼa wò ə Galiliî pè kɔ gha ɨkə̂n chɔ̀m ɨmbə̀ʼ ənû ɨfɔ̀n ə Ŋwìə̀.

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Jn 15:15

Chəi mɨə wɨrɨə tɔŋ əwən ənɨ bə̂d ə̀fàʼì, ɨmbə̀ʼ ɨghəm nɨ chəi wə̀d ə̀fàʼì kyerɨ əghɨ ze nɨ mbǎʼ ə̀fàʼì məd ə ghɨ̀ə̀. Àyɨə mə wɨə tɔŋ əwən ənɨ mɨ̀sə̀ʼ, ɨmbə̀ʼ ɨghəm nɨ ɨnû jìm mbe nɨ mə zu rɨ əmbɨ mɨ Mbǎʼ, mə fə ghà ɨ nən.

Jn 15:20

Mbə̀ kɔndɨ ɨŋgam we nɨ mə̀ nyaʼa gha ɨ nən ni, 'Chəi wə̀d ə̀fàʼì dabə chè i mbǎʼ ə̀fàʼì.' À mɨ yeʼ nɨ mbɨ nyaʼa nwendɨ tum rɨkyerɨ-ɨwu, njɨ mbɨ bɨrɨ bɨ nwendɨ tən. À mɨ yeʼ nɨ mbɨ nyaʼa zu mɨ ɨŋgam, njɨ mbɨ bɨrɨ bɨ zu wən.

Ɨ̀fàʼì 13:9

Əzwî ə Zeŋɨ ə nyaʼa swi ɨŋga Sɔ̂l we nɨ mbɨ nyaʼə bə̀ tɔŋ ənɨ Pɔ̂l. Əne wɨ̀ nyaʼa toŋ əghə ɨgwɨ Elimàs ghà ni,

Ɨ̀fàʼì 20:24

Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

Ɨ̀fàʼì 21:40

Ənɨ ətu ɨgwɨ mɨ̀sɔgyɨ̀ nyaʼa saŋ əməd ni wɨ̀ ghàmə̀, Pɔ̂l nyaʼa təm ɨgun mɨ̀step, ghɨ̀ ənweenɨ ənɨ mbi ɨbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa ghà əmbɨ mɨ̀mə̌d ənɨ ɨŋgam Hibrù ni,

Ɨ̀fàʼì 22:21

Ə̀nùŋɨ̀sɨg nyaʼa ghà ɨ num ni, 'Ndə̀, ɨmbə̀ʼ ɨghəm nɨ mə bɨrɨ cha əwe əsa əgha əsɨ ə bə̂d mbe nɨ kaʼi mɨ̀Jû.'”

Ɨ̀fàʼì 22:7

Mə nyaʼa feŋ ə si, əne zu gɨ̂ nɨ nyaʼa biirɨ ɨ num ni, 'Sɔ̂l, Sɔ̂l, à kɨə nwèndɨ̀ tum rɨkyerɨ-ɨwu ɨmbə̀ʼ ə yè ə?'

Ɨ̀fàʼì 26:1

Agripà nyaʼa ghà əmbɨ Pɔ̂l ni, “Nɨŋ əpan zɔ̂ ghà ənû ze nɨ à berɨ nɨ ghà.” Ənɨ wɨ̀ nyaʼa gha əne, Pɔ̂l nyaʼa nɔ əbɔ, kɔ gham ɨmbə̀ʼ chɨ ɨnû rɨ ɨgwɨ ni. Wɨ̀ nyaʼa ghà ni:

Ɨ̀fàʼì 26:14

Tɨ̀ nyaʼa feŋgɨ ə si mba mɨjìm. Əne mə nyaʼa zu gɨ̂ nɨ nyaʼa gham ɨ num ənɨ ɨŋgam Hibrù ni, 'Sɔ̂l, Sɔ̂l, à kɨə nwèndɨ̀ tum rɨkyerɨ-ɨwu ɨmbə̀ʼ ə yè ə? Zɨə bɨrɨ tɔ e ɨchî nɨ zɨə tɔ rɨkun ze nɨ te mbàŋ mbǎʼ məd.'

Ɨ̀fàʼì 27:23

ɨmbə̀ʼ ɨghəm nɨ à kɨə kəʼ ɨzimɨ wɔ̂, aŋgɨrə̀ Ŋwìə̀ we nɨ mə yeʼ wə̀d məd, nɨ yeʼ Ŋwìə̀ we nɨ mɨə wumnɨə, kəʼ yeʼe təm ɨban num,

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Rm 1:16

Chəi mɨ ətu ə nìd ɨmbə̀ʼ ɨkə̂n chɔ̀m, ɨmbə̀ʼ ɨghəm nɨ ɨkə̂n chɔ̀m yɨ ɨka Ŋwiə̀ nɨə chɨ̀ə̀ wə̀d jìm we nɨ benɨ rəŋgəʼ. Wɨ̀ bɨrɨ be chɨ mɨ̀Jû, beenɨ chɨ̀ bə̂d mbe nɨ kaʼi mɨ̀Jû.

Rm 1:5

Ŋwiə̀ wɨə ghɨ̀ ɨ̀chɔ̀m ənɨ ə na ənjìm ə Wan məd we. Tɨ̀ yɨə bə̀ ə bə̂d tom ɨmbə̀ʼ jaŋ ɨkum məd əkaʼ bə̂d mɨ̀jìm mbe nɨ kaʼi mɨ̀Jû, ɨmbə̀ʼ mbɨ zɨ̀ tə fîŋ ɨgwɨ məd bə̀ zuunɨ əməd.

Rm 1:9

Ŋwìə̀ we nɨ mɨə fàʼ ɨ bɔ ənɨ mɨ fîŋ jìm, ɨchî nɨ mɨə ghà ɨkə̂n chɔ̀m ɨmbə̀ʼ Wan məd, yɨə zərɨmbin ɨ num ni ənɨ mɨ̀nyùmə̀ jìm mbe nɨ mɨə kɔ̀ŋgɨ̀ əməd, mə wɨə kɔndɨ əwən.

Rm 11:13

Mə yɨ əni ghàm ɨ nən, mbə̀n mbe nɨ kaʼi mɨ̀Jû. Ɨchî nɨ mə̀ yeʼ wə̀d tom əmbɨ ə bə̂d mbe nɨ kaʼi mɨ̀Jû, mə wɨə zɨ̀ ətu ənɨ ə̀fàʼì ze nɨ Ŋwìə̀ chɔʼ əmɨ ni mə̀ faʼ ə

Rm 15:16

ni mə yeʼ wə̀d ə̀fàʼì Kristo Yeso əmbɨ ə bə̂d mbe nɨ kaʼi mɨ̀Jû. Mə wɨə fàʼ ɨghabɨ ə wə̀d mbàn Ŋwìə̀ ɨchî nɨ mɨə ghà ɨkə̂n chɔ̀m ɨmbə̀ʼ ə Ŋwiə̀. Əne yɨ ɨmbə̀ʼ bə̂d mbe nɨ kaʼi mɨ̀Jû yeʼ ɨghɨ ə̀fà nɨ Ŋwìə̀ benɨ, nɨ Əzwî ə Zeŋɨ fə bə̀ ghɨ̀ ni mbɨ zeŋ.

Rm 15:29

Mə kyerɨ ni ənɨ mə yeʼe əsɨ nən, əbɔrəbɔd ze nɨ Kristo ə nàʼ əbu əbu ə bɨrɨ swi ɨgwɨ nən.

Rm 16:18

ɨmbə̀ʼ ɨghəm nɨ chəi tɨkwɨrɨ bə̂d tɔ̂ ə fàʼ əmbɨ a Ə̀nùŋɨ̀sɨg Kristo. Ɨ mbɨə fàʼ àmei əmbɨ tə rɨbum. Ɨ mbɨə nɨŋ ɨŋgam nɨə nə̀mə̀ wə̀ŋ bə̀ nɨŋ ɨŋgam nɨə bɔtɨə tambɨə bə̂d mbe nɨ chəi mbɨ kyerɨ ənû.

Rm 16:25

Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

1 Kɔrèn 1:1

À yɨə mɔ̌ Pɔ̂l mbɨ wa aŋgɔb Sòstenès ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ɨchî nɨ wɨ̀ nyaʼa kə̀b ni mə yeʼ wə̀d tom Kristo Yeso.

1 Kɔrèn 9:1

Ɨmbə̀ʼ mə wɨ ənɨ mɨ ɨghəm ə? Ɨmbə̀ʼ mə yɨə wə̀d tom Kristo ə? Ɨmbə̀ʼ mə fə zə ə Yeso a Ə̀nùŋɨ̀sɨg ə? Ɨmbə̀ʼ mbə̀ fə ben Ə̀nùŋɨ̀sɨg ɨmbə̀ʼ ɨchî nɨ mə̀ faʼ rɨka ə?

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

2 Kɔrèn 11:5

Chəi mə̀ kɔndɨ ni mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

2 Kɔrèn 11:7

Mə wa nyaʼa ghɨ̀ ənû rɨbɔ̀ŋ ənɨ mə nyaʼa swi mɨ ɨnyod ɨmbə̀ʼ nɔ əwən, kɨ ɨchî nɨ mə̀ nyaʼa gha ɨkə̂n chɔ̀m rɨ əmbɨ ə Ŋwiə̀ ɨ nən ətu ə̀kǒ ə?

2 Kɔrèn 12:11

Mə fə bèŋ ənɨ əneŋ! À yɨə mbə̀nə nyem əmɨ ni mə̀ ghɨ əne. Njɨ à yɨə mbə̀nə nyaʼa berɨ gha ni mə wɨə fàʼ ɨchî nɨ kuʼnɨ. Ka à bè yeʼi ni mə yɨ əghɨ əko, àyɨə chəi mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

2 Kɔrèn 2:12

Ənɨ mə nyaʼa wò ə Troàs ɨ gha ɨkə̂n chɔ̀m ɨmbə̀ʼ ə Kristo əŋgu, Ə̀nùŋɨ̀sɨg nyaʼa chwi əpan ɨ num ni mə faʼ ɨ bɔ.

2 Kɔrèn 4:5

Chəi tɨə ghà ɨmbə̀ʼ a ɨnyod. Tɨ̀ wɨə ghàə̀ yeʼ ni Yeso Kristo yɨ Ə̀nùŋɨ̀sɨg. Tɨ̀ wɨə bə̀ ghàə̀ ni tɨ̀ yɨ ɨ̀bòʼò ɨ nən ɨmbə̀ʼ ə Yeso.

Gàlesìyà 1:1

À yɨə mɔ̌ Pɔ̂l, nɨ mə yeʼ wə̀d tom Kristo, ŋwaʼnɨ ə̀ŋwàʼnɨ̀ zɔ̂. Kaʼi bə̂d nyaʼa chɔʼ əmɨ tom. Ka ɨka we nɨ chɔʼ əmɨ yɨ i rɨ əmbɨ ə bə̂d. Ɨka we yɨ rɨ əmbɨ Yeso Kristo bə̀ fɔrɨ rɨ əmbɨ Ŋwìə̀ Mbǎʼ we nɨ nyaʼa zwemnɨ əməd.

Efesùs 1:1

À yɨə mɔ̌ Pɔ̂l, nɨ mə yeʼ wə̀d tom Kristo Yeso ənjìm ɨchî nɨ Ŋwiə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n bə̂d Ŋwiə̀ mbe nɨ yeʼ ə Efesùs nɨ berɨ ɨbenɨ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Efesùs 1:13

Mbə̀n bə̂ mbɨə nyaʼa ənɨ ɨfɔtɨ mbɨ Kristo, ənɨ mbə̀ nyaʼa zu ɨŋgam we nɨ yeʼ wɨ rəsìʼ, nɨ yeʼ ɨkə̂n chɔ̀m ɨmbə̀ʼ ɨchî nɨ Ŋwìə̀ bɨrɨ chɨ əwən rəŋgəʼ. Mbə nyaʼa zu benɨ, əne Ŋwiə̀ nyaʼa zɨ̀ ənweenɨ ɨgwɨ nən nɨ yeʼ Əzwî ə Zeŋɨ ze nɨ wɨ̀ nyaʼa kaʼi.

Efesùs 4:11

À yɨə məd nyaʼa naʼ mɨneʼe əmbɨ ə bə̂d; wɨ̀ nyaʼa ghɨ̀ mbɨ mɔʼɔ ənɨ ə bə̂d tom, ghɨ̀ mbɨ mɔʼɔ ənɨ ə bə̂d ɨ̀kə̀n, ghɨ̀ mbɨ mɔʼɔ ənɨ ə bə̂d mbe nɨə jàŋ ɨkə̂n chɔ̀m, ghɨ̀ mbɨ mɔʼɔ ənɨ ə bə̂d nɨə nəŋgɨə bə̀ chwi ɨnû əmbɨ ə bə̂d Ŋwiə̀.

Fìlipì 1:1

À yɨə mɔ̌ Pɔ̂l mbɨ Timotì, nɨ tɨ̀ yeʼ bə̂d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ əmbɨ mbə̀n bə̂d Ŋwiə̀ mɨ̀jìm mbe nɨ yeʼ ə Filipì, nɨ yeʼ ənɨ ɨfɔtɨ mbɨ Kristo. Tɨ̀ wɨə ŋwàʼnɨ̀ əmbɨ mbə̀n mbe nɨ yeʼ ɨtu nɨə chà ɨfetɨ bə̂d Kristo. Tɨ̀ wɨə bə̀ ŋwàʼnɨ̀ əmbɨ mbə̀n mbe nɨə wèèrɨ̀ mɨ̀mə̌d.

Fìlipì 2:11

Wə̀d jìm bɨrɨ ben əsaŋ əsaŋ ni Yeso Kristo yɨ Ə̀nùŋɨ̀sɨg, ɨmbə̀ʼ bə̂d mɨ̀jìm wumnɨ ə Ŋwìə̀ Mbǎʼ.

Kòlosè 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso nɨ Ŋwìə̀ chɔʼɔ, mbɨ Timotì nɨ yeʼ wa aŋgɔb, ŋwaʼnɨ ə̀ŋwàʼnɨ̀ zɔ̂.

Kòlosè 1:25

Ŋwìə̀ nyaʼa fə nàʼ ɨka ɨ num ni mə̀ faʼ əmbɨ ɨfetɨ we, ɨmbə̀ʼ mə̀ ghɨ ni mbə̀ jeŋgɨ kyerɨ ɨŋgam məd.

1 Tèsàlonikà 2:2

Bə̂d mbe rɨ ə Filipì nyaʼa ghɨ̀ tɨ̀ zə ŋgəʼ. Mbɨ nyaʼa bə̀ naʼ tɨ̀nìd ətu na ɨchî nɨ mbə̀ kyerɨ. Àyɨə Ŋwìə̀ nyaʼa nàʼ ɨka ɨ na ni tɨ̀ gha ɨkə̂n chɔ̀m ɨ nən, ka à bè yeʼi ni chəi bə̂d mɨ̀nɔnɔʼ nyaʼa kəb ni tɨ̀ gha ɨkə̂n we.

1 Tèsàlonikà 2:8

Əne ɨchî nɨ tɨ̀ nyaʼa ghaʼ əwən kwàʼ rɨŋgəʼ, chəi tɨ̀ nyaʼa kəb àmei nɨ ghɨ ni mbə̀ kyerɨ ɨkə̂n chɔ̀m ɨmbə̀ʼ ə Ŋwiə̀, tɨ̀ nyaʼa bə̀ kəb nɨ ghɨ ɨnû jìm ɨmbə̀ʼ weerɨ əwən. Mə wɨə ghà əne ɨmbə̀ʼ ɨghəm nɨ tɨ̀ nyaʼa ghaʼ əwən, əne tɨ̀ wɨə bə̀ kɨrɨ ghaʼ əwən ənɨ ta fîŋ rɨ̀jìm.

1 Tèsàlonikà 2:9

Mba bɔŋgɔb, mbə̀ kyerɨ ə ɨchî nɨ tɨ̀ nyaʼə fàʼ əkaʼ nən kwàʼ rɨ̀kǎ. Tɨ̀ wɨə nyaʼə fàʼ əziə mbɨ ɨzimɨ ɨmbə̀ʼ tɨ rɨ̀ chə a wə̀d mɔʼɔ rəbɔʼ nən ɨmbə̀ʼ ənû rɨjɨg ənɨ tɨ̀ nyaʼə ghà ɨkə̂n chɔ̀m ɨmbə̀ʼ ə Ŋwiə̀ ɨ nən.

1 Timotì 1:1

À yɨə mɔ̌ Pɔ̂l ŋwaʼnɨ ə̀ŋwàʼnɨ̀ zɔ̂. Mə yɨə wə̀d tom Kristo Yeso ɨchî nɨ Ŋwìə̀ we nɨə chɨ̀ əwa rəŋgəʼ mbɨ Kristo Yeso we nɨ tɨ̀ nuŋ ta rɨkɔndɨ ɨgwɨ məd gha.

1 Timotì 2:7

À yɨ ɨmbə̀ʼ ənû zɔ̂ nɨ Kristo nyaʼa chɔʼ əmɨ ni mə̀ gha ɨŋgam Ŋwiə̀, bə̀ yeʼ wə̀d tom, bə̀ yeʼ wə̀d nɨə chwi ɨnû ɨmbə̀ʼ ɨbenɨ mbɨ we nɨə chwi rəsìʼ ɨmbə̀ʼ Kristo əmbɨ bə̂d mbe nɨ kaʼi mɨ̀Jû. Chəi mɨə ghàə̀ mɨghab. Mə wɨə ghàə̀ yeʼ rəsìʼ.

2 Timotì 1:11

À yɨ ɨmbə̀ʼ ɨkə̂n chɔ̀m wɔ̂ nɨ Kristo nyaʼa chɔʼ əmɨ ni mə̀ gha ɨŋgam Ŋwiə̀, ni mə̀ yeʼ wə̀d tom məd, mbɨ ni mə̀ chwi ɨnû ɨmbə̀ʼ əməd.

Tayitùs 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Ŋwìə̀ bə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa chɔʼ əmɨ ni mə ghɨ̀ ni ɨbenɨ bə̂d mbe nɨ wɨ̀ chɔʼɔ wɨ kaanə, bə̀ ghɨ̀ ni mbɨ kyerɨ rəsìʼ we nɨ bɨrɨ ghɨ ni mbɨ chub ɨchî nɨ Ŋwìə̀ kə̀bɨ.

Mə̀Hibrù 5:4

Chəi wə̀d mɔʼɔ nɨ tɨ̀ wɨ̀ yeʼ ətu ɨgwɨ ə bə̂d mbàn Ŋwìə̀ ɨmbə̀ʼ ɨchî nɨ wɨ̀ ghaʼ ɨwumnɨ we. Àmei Ŋwìə̀ berɨ chɔʼ əməd ɨchî nɨ wɨ̀ nyaʼa chɔʼ ə Eròn.

Mə̀Hibrù 7:26

Ɨkwɨ ətu ɨgwɨ ə bə̂d mbàn Ŋwìə̀ wɔ̂ fə kàŋ kùʼ ɨ na. Məd ə zeŋ. Chəi ɨgu ənû ɨgwɨ məd. Chəi ɨbə ɨgwɨ məd. Chəi məd əbɔʼ bə̂d mbe nɨə ghɨ̀ ɨnû rɨbɔ̀ŋ. Mbɨ nyaʼa fə bə̀ nɔ̀ əməd ɨkaŋ.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

1 Pità 4:17

Nyùmə̀ fə kuʼ nɨ Ŋwìə̀ bɨrɨ kɔ saʼ bə̂d. Wɨ̀ bɨrɨ kɔ mbɨ ɨnəbɨ Ŋwiə̀. Wɨ̀ mɨ nɨə kɔ mbɨ na, njɨ ɨnwǐ bə̂d mbe nɨ chəi mbɨə zuunɨ ɨkə̂n chɔ̀m ɨmbə̀ʼ ə Ŋwiə̀ kɨə wo yeʼ rɨ ye ə?

2 Pità 1:1

À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.

Ɨnû 22:6

Aŋgɨrə̀ we nyaʼa ghà ɨ num ni, “Ŋwìə̀ wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Əne Ə̀nùŋɨ̀sɨg Ŋwìə̀, nɨə nàʼ e Əzwî əmbɨ ə bə̂d ɨ̀kə̀n ɨməd, fə tom wi aŋgɨrə̀ nɨ wɨ̀ chwi ɨnû mbe nɨ bɨrɨ zambɨ ghɨ̀ əmbɨ mbi bə̂d ə̀fàʼì.”

Ɨnû 22:9

Àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì ɨghabɨ àwɔ̀. Mə yɨə bə ɨghabɨ mbe bɔŋgɔb mbe nɨ yeʼ bə̂d ɨ̀kə̀n Ŋwiə̀ bə̀ fɔrɨ ɨghabɨ mbe nɨə ghɨ̀ ɨnû mbe nɨ yeʼ ɨŋga ə̀ŋwàʼnɨ̀ zɔ̂. Wumnɨ ə Ŋwiə̀!”