Filemɔ̀n 1:16 - Meta’

¹⁶ Chəi à bɨrɨ wɨrɨ nɨŋ əməd ɨghabɨ ə̀bòʼò. À bɨrɨ nɨŋ əməd ɨghabɨ wə̀d nɨ chè ə̀bòʼò. Məd yɨ aŋgɔb nɨ tɨ̀ ghaʼi kwàʼ rɨŋgəʼ. Mə ghaʼ əməd, àyɨə mə kyerɨ ni à ghaʼ əməd chè əmɨ. Ghaʼ əməd ɨghabɨ ə̀bòʼò fɔrɨ ɨghabɨ aŋgɔb ɨchî nɨ tɨ̀ yeʼ ənɨ ɨfɔtɨ mbɨ Ə̀nùŋɨ̀sɨg.

Ikan feg

¹⁶ Ane, chəyi àghò biri ywiri niŋ aməd icheg ifeg. Àghò biri si niŋ aməd icheg wə̀d ne beri ati chè ifeg. Məd ya ìwa ifi chɔm inga Kristo. Məd bèrì àfàʼì ne tì wì wete amə. Si ya gha, mə kyèri gha məd biri bèrì àfàʼì ne tì wì wete awe chè icheg ne məd we wètè amə. Məd biri yaʼ ine icheg wə̀d àfàʼì fɔrɔ icheg ifi ne tì yaʼi ane ifɔti tì Anɔŋisəg.

Filemɔ̀n 1:16 교차 참조

Matìyò 23:8

Tɨ mbə̀ ben ə ni bə̂d tɔŋ əwən ni 'Əchwiə̀-ɨnû', ɨmbə̀ʼ ɨghəm nɨ mbə̀n mɨjìm yɨə bɔŋgɔb, əne mbə̀ berɨ àmei Əchwiə̀-ɨnû mɔʼ.

Ɨ̀fàʼì 9:17

Əne Ànàniàs nyaʼa wò nyɨ ɨŋga nəb ze, pè zab mbi ɨbɔ ɨgwɨ məd, ghà ni, “Aŋgɔb Sɔ̂l, Ə̀nùŋɨ̀sɨg Yeso we nɨ kəʼ jwɨ̀ ənɨ e ɨfě ənɨ a kə̀ʼ yeʼe əgha, fə chà əmɨ əsɨ ne ɨmbə̀ʼ à wɨrɨ zə ɨsɨ, Əzwî ə Zeŋɨ ə swi ɨŋga ne.”

1 Kɔrèn 7:22

Wə̀d we nɨ Ə̀nùŋɨ̀sɨg nyaʼa tɔŋ əməd ənɨ wɨ̀ nyaʼa ə̀bòʼò, fə sɨ ənɨ i ɨghəm ɨchî nɨ wɨ̀ yeʼ ənɨ ɨfɔtɨ mbɨ Ə̀nùŋɨ̀sɨg. À yɨə bə̀ əndəŋ əndəŋ ni wə̀d we nɨ nyaʼa ənɨ i ɨghəm ənɨ ə nyùmə̀ we nɨ Ə̀nùŋɨ̀sɨg nyaʼa tɔŋ əməd fə sɨ ə̀bòʼò ə Kristo.

Kòlosè 3:22

Ɨ̀bòʼò, mbə̀ zuunɨ mbə mɨ̀mbǎʼ ə̀fàʼì mbe rɨ ɨgwɨ ə si ənɨ ɨnû jìm. Tɨ mbə̀ zuunɨ ə mɨ̀mə̌d àmei ənɨ mbɨə neŋ əwən, ɨmbə̀ʼ mbɨ ghaʼ əwən. Mbə̀ faʼ əmbɨ mɨ̀mə̌d ənɨ tə fîŋ rɨ̀jìm, fàʼə̀ bɔ Ə̀nùŋɨ̀sɨg.

1 Timotì 6:2

Tɨ ɨ̀bòʼò mbe nɨ berɨ mɨ̀mbǎʼ ə̀fàʼì nɨ ben ə Kristo təənɨ ə mɨ̀mbǎʼ ə̀fàʼì mbe ɨmbə̀ʼ ɨghəm nɨ mɨ̀mə̌d mɨjìm yeʼ bə̂d Kristo. Àyɨə mbɨ berɨ faʼ əmbɨ mɨ̀mə̌d kwàʼ ɨchî chɔ̀m, chè ɨchî nɨ tɨ mbɨ faʼ əmbɨ mɨ̀mbǎʼ mbe nɨ chəi mbɨ ben ə Kristo. Mbɨ berɨ ghɨ əne ɨmbə̀ʼ ɨghəm nɨ bə̂d mbe nɨ bɨrɨ jɨg njìm tɨ ənɨ ə̀fàʼì ze yɨə bə̂d nɨ ben ə Kristo nɨ bə̀ yeʼ mbe nɨ mbɨ ghaʼi kwàʼ rɨŋgəʼ. À berɨ chwi ɨnû mbɔ̂ bə̀ zə ni bə̂d Kristo beenɨ əbɔʼ.

Mə̀Hibrù 3:1

Mbɨ bɔŋgɔb zeŋɨ nɨ Ŋwìə̀ nyaʼa bə tɔŋə, mbə̀ jeŋgɨ kɔndɨ ə Yeso nɨ tɨ̀ ben ni məd yɨə wə̀d tom fɔrɨ ətu ɨgwɨ ə bə̂d mbàn Ŋwìə̀.

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.