Mk 9:50 - Meta’

⁵⁰ “Fɨ̀ŋgwaŋ ə bɔ̀ŋ, àyɨə fɨ mɨ ton wɨrɨ nəm i, à wɨrɨ tekɨ rɨ ye ni fɨ wɨrɨ nə̀m ə? Mbə̀ yeʼ ɨghabɨ fɨ̀ŋgwaŋ, əne mbə̀ chub ənɨ əbɔrəbɔd mbɨ mbə bɔŋgɔb.”

Ikan feg

⁵⁰ Fìngwaŋ bɔ̀ŋ, si ya gha, à mə̀ chəyi fe ywìrè nə̀mə̀, tì àghò tangi gha fe ywìrì nə̀m? Mbə̰ ya icheg fìngwaŋ. Ane, mbə̀ chughi ane àbɔrɔ̀bɔd tì ìmbən məfi.”

Mk 9:50 교차 참조

Matìyò 5:13

“Mbə yɨ ɨghabɨ fɨ̀ŋgwaŋ əmbɨ ə bə̂d ɨgwɨ ə si. Àyɨə fɨ̀ŋgwaŋ mɨ fə tu i, mbɨ wɨrɨ ghɨ̀ ye mbɨ fɨwən ni fɨ wɨrɨ nə̀m ə? Chəi əghɨ nɨ tɨ̀ mbɨ wɨrɨ ghɨ̀ mbɨ fɨwən, kɨrɨ ənɨ mbɨ waʼ, bə̂d yèn ɨgun.

Mk 9:34

Mbɨ nyaʼa kəm rəziə, ɨmbə̀ʼ ɨghəm nɨ ɨ mbɨ nyaʼə yènə̀ taŋ ɨmbə̀ʼ we nɨ yeʼ wɨ kyeŋ.

Mk 9:49

“Mbɨ bɨrɨ zeŋnɨ wə̀d jìm ənɨ ɨwid, [ɨchî nɨ mbɨə zeŋnɨ ɨghɨ ə̀fà jìm ənɨ fɨ̀ŋgwaŋ.]

Rm 12:18

Ɨchî mɨ chwiə, mbə̀ ghɨ ɨnû jìm ənɨ əzən əbà ɨ zə ni mbə̀ chub ənɨ əbɔrəbɔd mbɨ ə wə̀d jìm.

2 Kɔrèn 13:11

Mbɨ bɔŋgɔb, ɨ màànɨ̀, tɨ̀ bɨrɨ wɨrɨ zəənɨ. Mbə̀ kywɨ ənywɨ zə ni mbə̀ ghɨ mbə mɨchî bɔŋ ə. Mbə̀ zu ɨnû mbe nɨ mə buʼ ɨbɔ gha ɨ nən. Mbə̀ fɔtɨ mbə mɨchû ənɨ wɨ mɔʼ bə̀ chub ənɨ əbɔrəbɔd. Mbə mɨ ghɨ̀ əne Ŋwìə̀ we nɨ ɨghaʼi mbɨ əbɔrəbɔd yeʼ rɨ bɔ bɨrɨ yeʼ mbɨ nən.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

Efesùs 4:29

Tɨ ɨŋgam rɨbɔ̀ŋ mɔʼɔ jwɨ i rɨŋga mbə mɨchû. Mbə̀ gha àmei ɨnû mbe nɨ bɔŋɨ, nɨ tɨ̀ mbɨ weerɨ bə̂d ɨchî nɨ mbɨ kəbɨ. Ənû mbe nɨ mbə̀ə ghàə̀ berɨ ghɨ ni bə̂d mbe nɨə zuə zə ɨ̀chɔ̀m.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Kòlosè 3:12

Əne mbə̀n mbe nɨ Ŋwìə̀ fə chɔʼ ni mbə̀ yeʼ mbi bə̂d berɨ yeʼ bə̂d zeŋɨ nɨ wɨ̀ ghaʼi kwàʼ rɨŋgəʼ. Mbə berɨ diirɨ bə̂d cherə. Mbə berɨ berɨ ɨbɔŋ fîŋ. Mbə berɨ berɨ bɔtɨ ɨnyod. Mbə berɨ berɨ ɨbɔtɨ fîŋ bə̀ berɨ ɨyim fîŋ.

Kòlosè 4:6

Ɨŋgam we nɨə jwɨ rɨ ənɨ mbə mɨchû berɨ mɨə nə̀m ɨghabɨ ni mbɨ fə nùʼ ənɨ fɨ̀ŋgwaŋ. Mə kə̀b ni mbə̀ kyerɨ ɨchî nɨ wiirɨ ɨŋgam əmbɨ wə̀d jìm.

1 Tèsàlonikà 5:13

Mbə̀ wumnɨ mɨ̀mə̌d bə̀ chwiə ni mbə ghaʼ mɨ̀mə̌d ɨmbə̀ʼ ɨnû jìm mbe nɨ mbɨə ghɨ̀ ɨ nən. Mbə̀ chub ənɨ əbɔrəbɔd mbɨ mbə bɔŋgɔb.

2 Timotì 2:22

Ton ɨnû rɨbɔ̀ŋ mbe nɨ ŋgwàʼ bə̂d ə feenɨə. Beenɨ yeʼ əbɔʼ ɨnû jìm mbe nɨə ghɨ̀ ni à ghɨ ɨnû nɨ kuʼnɨ. Əne yɨ ənû nɨ nuŋ fîŋ ɨgun ə Kristo, ənû nɨ ghaʼ bə̂d cherə mbɨ ənû nɨ chub ənɨ əbɔrəbɔd. Ghɨ ɨnû mbɔ̂ fɔtɨ mbɨ ə bə̂d mbe nɨə kɔ̀ŋgɨ̀ Ə̀nùŋɨ̀sɨg ənɨ ə fîŋ nɨ zeŋɨ.

Mə̀Hibrù 12:14

Mbə̀ kywɨ ənywɨ zə ni mbə̀ chub ənɨ əbɔrəbɔd mbɨ ə bə̂d mɨ̀jìm, bə̀ kywɨ ənywɨ zə ni mbə̀ chub ɨzeŋɨ zeŋɨ, ɨmbə̀ʼ ɨghəm nɨ chəi wə̀d we nɨ rɨka zeŋ i bɨrɨ nɔ zə Ə̀nùŋɨ̀sɨg.

Jems 1:20

ɨmbə̀ʼ ɨghəm nɨ ənɨ wə̀d ə sə ɨtəm, chəi wɨ̀ bɨrɨ ghɨ ɨnû mbe nɨ Ŋwìə̀ kəbɨ.

1 Pità 3:8

Ɨ nwìə̀, mbə̀n mɨjìm berɨ chub ənɨ ənû ə mɔʼ. Mbə̀ kən ənɨ mbə bɔŋgɔb, ghaʼ mbə bɔŋgɔb, ghɨ̀ ɨ̀chɔ̀m ənɨ bɔŋgɔb bə̀ swi ə ɨnyod ənɨ mbə̀ yeʼ əkaʼ bɔŋgɔb.