Mk 9:43 - Meta’

⁴³ E əbɔ ə mɨ ghɨ̀ ni à ghɨ ənû rɨbɔ̀ŋ, sob. Zɨə bɔ̀ŋ ni à jɨg ɨ̀tènɨ̀ mbɨ əbɔ ə mɔʼ, chè ɨchî nɨ à bɨrɨ berɨ ɨbɔ be Ŋwìə̀ màʼ əwe ɨŋga ɨwid rɨ nìmə nɨ yeʼ əsɨ ɨchə. [

Ikan feg

⁴³ Àze abo mə̀ ghì gha àghò ghiyə anug tibɔ̀ŋ, sɔb. Ze bɔ̀ŋ gha àghò jəg ìtḛ̀ ighə̀m imɔʼ tì abo amɔʼ, chè icheg ne àghò biri bèrì ibo ibe Ŋwiye màʼ awe inga iywid nɔʼ mèg, ne à ya asiŋi ichə.

Mk 9:43 교차 참조

Matìyò 17:27

Àyɨə ɨmbə̀ʼ tɨ fîŋ bə̂d mbɔ̂ bə i, ndə̀ wò màʼ saʼ ɨŋga ə sà. Ɨgwi rɨtu we nɨ à gywɨ̌, fiʼ ɨchû ɨməd, à bɨrɨ zə ɨkab ətənɨ ɨŋga. Chɨ ɨkab we wò nàʼ əmbɨ mɨ̀mə̌d ənɨ e ɨghəm bə̀ fɔrɨ ənɨ wum.”

Matìyò 25:41

“Wɨ̀ bɨrɨ gha əmbɨ ə mbe nɨ yeʼ əbɔ ə tweŋ əməd ni, 'Mbə̀n bə̂d ndɔ̀n, mbə̀ nɔʼ rɨ ɨban num wò nyɨ ɨŋga ɨwid rɨ nìmə nɨ mɨ Mbǎʼ nyaʼa fə tekɨ əmbɨ Debɨ̀rə̀ mbɨ mbɨ̀aŋgɨrə̀ məd.

Matìyò 3:12

Əsɔ twi rɨ̀kwè fə sɨ i ɨkye əbɔ məd nɨ kyeŋ ɨjɔd rəbɔʼ kywɨ̀. Wɨ̀ mɨ kyèŋ, wɨ̀ bɨrɨ fetɨ ti kywɨ̀ chà ɨŋga ŋgə̌n, sɨ tɔ̀n ɨjɔd ɨŋga ɨwid rɨ nìmə.”

Matìyò 5:22

Àyɨə mə wɨə ghà ɨ nən ni: Wə̀d mɔʼɔ mɨ sə ɨtəm əbɔʼ wi aŋgɔb, mbɨ bɨrɨ saʼ əməd. Wə̀d mɔʼɔ mɨ zɔ̀m wi aŋgɔb, mbɨ bɨrɨ nɨŋ əməd wò ni mə̀saʼ əbeŋ saʼ əməd. Wə̀d mɨ ghà əmbɨ wi aŋgɔb ni, 'Àwɔ̀ yɨ əneŋ!' mbɨ bɨrɨ maʼ əməd ɨŋga əsɨ ɨchə nɨ chəi ɨwid ə nɔ nìmə.

Mk 9:44

Əŋgu, chəi tɨgwid te nɨə kurə nyamnyod bə̂d ə nɔ̀ kwɨə, chə bəi ɨwid we nɨə tɔ̀n mɨ̀mə̌d ə nɔ̀ nìmə.]

Lk 14:13

Àyɨə ənɨ à kaʼ əchwɨ̂, won bə̂d ɨkwaŋ, won mbe nɨ ɨbɔ nəŋɨ, won mbe nɨə tèʼ ɨwu, bə̀ won mɨfɨgɨ̀.

Lk 14:21

“Wə̀d ə̀fàʼì we nyaʼa wò ghà ɨnû jìm əmbɨ i mbǎʼ ə̀fàʼì. Mbǎʼ ə̀fàʼì we nyaʼa zu əne, sə ɨtəm, əne ghà əmbɨ i wə̀d ə̀fàʼì we ni, 'Zambɨ jwɨ̀ wò ɨtu ɨzib bə̀ wò ɨgun mɨnə̂njɨ̀ mbe rɨŋga əbeŋ, tɔŋ bə̂d ɨkwaŋ, tɔŋ bə̂d mbe nɨ ɨbɔ nəŋɨ, tɔŋ mɨfɨgɨ̀ bə̀ tɔŋ bə̂d mbe nɨə tèʼ ɨwu.'

Lk 3:17

Əsɔ twi rɨ̀kwè fə sɨ ɨkye əbɔ məd nɨ kyeŋ ɨjɔd rəbɔʼ kywɨ̀. Wɨ̀ mɨ kyeŋ, wɨ̀ bɨrɨ fetɨ ti kywɨ̀ chà ɨŋga ŋgə̌n, sɨ tɔ̀n ɨjɔd ɨŋga ɨwid rɨ nìmə.”

Rm 8:13

Mbə mɨ chub ɨchî nɨ nyamnyod kəbɨ, mbə bɨrɨ kwɨ, àyɨə mbə mɨ che ənjìm Əzwî zwiirɨ ɨnû rɨbɔ̀ŋ mbe nɨ nyamnyod ə ghɨ̀ə̀, mbə bɨrɨ tènə̀.

1 Kɔrèn 9:27

Mə wɨə yimbɨ mɨ ɨnyod ɨmbə̀ʼ wɨ ben ə̀bòʼò ɨ num, ɨmbə̀ʼ mə mɨ ghà ɨkə̂n chɔ̀m əmbɨ ə bə̂d cherə, tɨ mə̀ sam əmɨ ɨchwɨ we.

Gàlesìyà 5:24

Bə̂d Kristo Yeso fə kòmbɨ̀ tə nyamnyod bə̀ kòmbɨ̀ ɨnû mbe nɨ nyamnyod ə kə̀bə̀ bə̀ feenɨ əzed ə baʼnɨ.

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

Tayitùs 2:12

Ɨ̀chɔ̀m we wɨə ghɨ̀ ni tɨ̀ ton ɨnû mbe nɨə ghɨ̀ə̀ ni tɨ rɨ̀ wumnɨ a Ŋwiə̀ bə̀ ton nɨ beenɨ əbɔʼ ɨnû rɨŋga ɨsɨg. Ɨ wɨə ghɨ̀ ni tɨ yimbɨ ɨnyod, wumnɨ ə Ŋwiə̀ bə̀ chub ɨŋga ɨsɨg wɔ̂ ɨchî nɨ kuʼnɨ.

Mə̀Hibrù 12:1

Ɨchî nɨ mɨ̀zərɨmbin mbɔ̂ ɨnɔ̂n kyeŋ kaŋ kad əwa, əne tɨ̀ waʼ ɨnû jìm mbe nɨə kən ɨnə̂njɨ̀ ɨ na bə̀ waʼ ɨnû rɨbɔ̀ŋ mbe nɨ kod əwa. Tɨ̀ notɨ ə̀nòtɨ̀ ze nɨ yeʼ ɨmbì ɨ na mbɨ ɨnyiʼ fîŋ.

1 Pità 2:1

Mbə waʼ ɨnû rɨbɔ̀ŋ jìm, waʼ ɨnû nɨ fɨg bə̂d, waʼ ɨbekɨ ɨnû, waʼ ɨnû nɨ ghɨ ə̀dìì bə̀ waʼ ɨnû nɨ ghɨ mɨniə.