Mk 8:38 - Meta’

³⁸ Ətu ə wə̀d mɔʼɔ mɨ yeʼə nìd ɨmbə̀ʼ əmɨ fɔrɨ ɨmbə̀ʼ mɨ ɨŋgam ɨŋga ɨghəm bə̂d wɔ̂ nɨ chəi wɨə wumnɨ ə Ŋwiə̀, nɨ wɨə bə̀ ghɨ̀ yeʼ ɨnû rɨbɔ̀ŋ, njɨ ətu ə Wan Wə̀d ə bɨrɨ bɨ nìd ɨmbə̀ʼ əməd ənɨ ə nyùmə̀ we nɨ wɨ̀ wɨrɨ yeʼe mbɨ mbi mbɨ̀aŋgɨrə̀ zeŋɨ mbɨ ɨka we nɨ Mbǎʼ naʼ ɨ bɔ ni wɨ̀ tumbɨ ɨsɨg.”

Ikan feg

³⁸ Atog abə wə̀d mɔ̀ʼɔ mə̀ ya nìrè imbə̀ʼ amə fɔrɔ imbə̀ʼ ìmə ìngam inga ikəri bəd gho̰ ne chəyi we ghùmnə Ŋwiye, ne we bə̀ ghìyə̀ yaʼ inug tibɔ̀ŋ, nji atog abə Ŋwan Wə̀d biri bə nìd imbə̀ʼ tengàŋ anyumə̀ we ne wì ywirì yèʼe tì ìmbi mbè angirə̀ ìzḛzḛ tì ika we ne Mbaʼ nàʼi ibo gha wì tumbə isəg.”

Mk 8:38 교차 참조

Matìyò 12:39

Wɨ̀ nyaʼa wììrɨ̀ əmbɨ mɨ̀mə̌d ni, “Ɨghəm bə̂d wɔ̂ rɨ̀nîn nɨə ghɨ̀ ɨnû rɨbɔ̀ŋ, nɨ chəi mbɨə nùŋə̀ fîŋ ɨgun ə Ŋwiə̀. Ɨ mbɨə kə̀bə̀ ni mə̀ ghɨ ənû ə yiirɨ, àyɨə chəi ənû ə yiirɨ nɨ mə̀ bɨrɨ ghɨ̀ chè rɨ ənɨ ənû yiirɨ ze nɨ nyaʼa ghɨ̌ ənɨ wə̀d ɨ̀kə̀n Ŋwìə̀ Jonà.

Matìyò 13:41

Wan Wə̀d bɨrɨ cha mbi mbɨ̀aŋgɨrə̀, mbɨ wò fetɨ ɨghɨjìm mbe nɨə ghɨ̀ə̀ ni bə̂d ghɨ ɨnû rɨbɔ̀ŋ, bə̀ fetɨ bə̂d mɨ̀jìm mbe nɨə ghɨ̀ ɨnû rɨbɔ̀ŋ chɨ̀ rɨŋga ənû ɨfɔ̀n əməd,

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Matìyò 16:28

Mə ghà rəsìʼ ɨ nən ni chəi bə̂d mɔʼɔ rəbɔʼ mbɔ̂ nɨ təmbɨ əgha bɨrɨ kwɨ ə zɨ rɨ tɨ̀ mbɨ zə Wan Wə̀d nɨə yeʼe ɨghabɨ ɨfɔ̀n.”

Matìyò 16:4

Ɨghəm bə̂d wɔ̂ rɨ̀nîn nɨə ghɨ̀ ɨnû rɨbɔ̀ŋ, nɨ chəi mbɨə nùŋə̀ tə fîŋ ɨgun ə Ŋwiə̀. Ɨ mbɨə kə̀bə̀ ni mə̀ ghɨ ənû ə yiirɨ, àyɨə chəi ənû ə yiirɨ ə mɔʼɔ nɨ mə̀ bɨrɨ ghɨ̀ chè rɨ ənɨ ənû ə yiirɨ ze nɨ nyaʼa ghɨ̌ ənɨ Jonà.” Wɨ̀ nyaʼa ghà əne, nɔ̀ʼ sàŋ mɨ̀mə̌d wo i.

Matìyò 24:30

“Nyùmə̀ we mɨ kùʼ, ənweenɨ ze nɨ chwiə ni Wan Wə̀d wɨə yeʼe ə bɨrɨ jwɨ̀ əton ɨkaŋ, əne mɨnəbɨ jìm rɨ ɨgwɨ ɨsɨg bɨrɨ dì. Mbɨ bɨrɨ zə Wan Wə̀d nɨə yeʼe ɨgwɨ ə pàʼ, zə ɨka we nɨ wɨ̀ berɨ bə̀ zə ɨwumnɨ kyeŋ we nɨ wɨ̀ bə̀ berɨ.

Matìyò 25:31

“Ənɨ Wan Wə̀d wɨrɨ yeʼe ɨghabɨ ɨfɔ̀n mbɨ mbɨ̀aŋgɨrə̀ mɨ̀jìm mbɨ məd, wɨ̀ bɨrɨ chub ɨgun e ətən ɨfɔ̀n.

Matìyò 26:64

Yeso nyaʼa wììrɨ̀ ɨ bɔ ni, “À fə ghà əne. Àyɨə mə ghà ɨ nən ni, ɨ kɔ rɨ̀nîn, mbə bɨrɨ zə Wan Wə̀d nɨ chub əbà əbɔ ə jɨg ə Ŋwìə̀ we nɨ berɨ ɨka jìm, bə̀ zə ənɨ wɨə yeʼe ɨgwɨ ə pàʼ.”

Matìyò 8:20

Yeso nyaʼa ghà ɨ bɔ ni, “Kyerɨ ni mɨ̀seŋə ə berɨ tə rɨbɨgɨ, tɨnən bə̀ berɨ tə kàn, àyɨə chəi Wan Wə̀d berɨ əsɨ nɨ nuŋ e ətu əŋgu.”

Mk 13:26

“Ənɨ ə nyùmə̀ we, bə̂d bɨrɨ zə Wan Wə̀d nɨə yeʼe ɨŋga pàʼ, zə ɨka kyeŋ we nɨ wɨ̀ berɨ bə̀ zə ɨwumnɨ we nɨ wɨ̀ bə̀ berɨ.

Mk 14:62

Yeso nyaʼa wììrɨ̀ ni, “Mə yɨ wɨwən. Əne mbə bɨrɨ zə Wan Wə̀d nɨ chub əbà əbɔ ə jɨg ə Ŋwìə̀ we nɨ berɨ ɨka jìm, bə̀ zə ənɨ wɨə swiʼ ɨŋga pàʼ.”

Mk 8:37

Əghɨ nɨ tɨ̀ wə̀d nàʼ ɨmbə̀ʼ wɨrɨ berɨ i ɨ̀tènɨ̀ kɨə yè ə?

Lk 19:26

Wɨ̀ nyaʼa wììrɨ̀ ni, 'Mə ghà ɨ nən ni wə̀d jìm we nɨ berɨ ɨghɨ, mbɨ bɨrɨ naʼ mbɨ cherə ɨ bɔ wɨ̀ sɨ berɨ mbɨ nɔʼ, àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ berɨ, mbɨ bɨrɨ nɨŋ rɨ bɔ.

Lk 9:26

Ətu ə mɨ nìd wə̀d mɔʼɔ ɨmbə̀ʼ əmɨ fɔrɨ ɨmbə̀ʼ mɨ ɨŋgam, ətu ə Wan Wə̀d ə bɨrɨ bɨ nìd ɨmbə̀ʼ əməd ənɨ wɨ̀ yeʼe ɨghabɨ ɨfɔ̀n mbɨ ɨka we nɨ Mbǎʼ naʼ ɨ bɔ bə̀ fɔrɨ mbɨ ɨwumnɨ we nɨ mbɨ̀aŋgɨrə̀ zeŋɨ bə̀ nàʼ ɨ bɔ.

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 1:51

Yeso nyaʼa ghàm əne ghà əmbɨ mɨ̀mə̌d ni, “Mə ghà rəsìʼ ɨ nən ni mbə bɨrɨ zə ɨkaŋ əfìʼə mbɨ mbɨ̀aŋgɨrə̀ nɨə kɔʼə bə̀ swiʼə ɨgun ə Wan Wə̀d.”

Jn 12:34

Ɨnɔ̂n bə̂d we nyaʼa wììrɨ̀ ɨ bɔ ni, “Ə zɨ ɨŋga tɨkə rɨ Mose ni Wə̀d we nɨ Ŋwìə̀ zɔʼɔ bɨrɨ ten i koŋ. À sɨ chè rɨ ye ghà ni mbɨ berɨ nɔ Wan Wə̀d ɨkaŋ ə? Wan Wə̀d wɔ̂ kɨə be əwe ə?”

Jn 5:27

Mbǎʼ fə bə̀ nàʼ ɨka ɨ bɔ ni wɨ̀ saʼ bə̂d, ɨmbə̀ʼ ɨghəm nɨ məd yɨə Wan Wə̀d.

Ɨ̀fàʼì 10:22

Mbaŋə̀ te nyaʼa wììrɨ̀ ni, “Kɔneliùs, nɨ yeʼ ətu ɨgwɨ mɨ̀sɔgyɨ̀ ɨkɨ fibɨ̀, fə tom əwa əsɨ ne. Məd wɨə ghɨ̀ ɨnû nɨ kuʼnɨ. Məd wɨə wumnɨ ə Ŋwiə̀. Mɨ̀Jû mɨ̀jìm mbɨə ghà ɨnû chɔ̀m ɨmbə̀ʼ əməd. Aŋgɨrə̀ Zeŋɨ kəʼ ghà ɨ bɔ ni wɨ̀ tom bə̂d əsɨ ne ni à wo əkwɨ məd, ɨmbə̀ʼ wɨ̀ zu ənû ze nɨ à berɨ nɨ gha ɨ bɔ.”

Ɨ̀fàʼì 5:41

Bə̂d tom mbe nyaʼa sàŋ mə̀saʼ əbeŋ mbe yènə̀ ghaʼə ni Ŋwìə̀ fə zə əwən ni mbə kuʼ nɨ zə ŋgəʼ bə̀ berɨ tɨ̀nìd ətu ɨmbə̀ʼ ə Yeso.

Rm 1:16

Chəi mɨ ətu ə nìd ɨmbə̀ʼ ɨkə̂n chɔ̀m, ɨmbə̀ʼ ɨghəm nɨ ɨkə̂n chɔ̀m yɨ ɨka Ŋwiə̀ nɨə chɨ̀ə̀ wə̀d jìm we nɨ benɨ rəŋgəʼ. Wɨ̀ bɨrɨ be chɨ mɨ̀Jû, beenɨ chɨ̀ bə̂d mbe nɨ kaʼi mɨ̀Jû.

Gàlesìyà 6:14

À yeʼ ɨmbə̀ʼ əmɨ, chəi mə̀ bɨrɨ nɔ goŋ ɨgɔ̂, kɨrɨ ənɨ mə goŋ ɨgɔ̂ ɨmbə̀ʼ ənû ze nɨ ɨvɨ à Ə̀nùŋɨ̀sɨg Yeso Kristo əzed ə baʼnɨ ə nyaʼa ghɨ̌. Ɨchî nɨ Yeso Kristo nyaʼa kwɨ əzed ə baʼnɨ, əne chəi ɨghɨ rɨŋga ɨsɨg wɨrɨ berɨ ənû ə mɔʼɔ nɨ ghɨ̀ mbɨ num. Chəi mə̀ bə berɨ ənû ə mɔʼɔ nɨ ghɨ̀ mbɨ ɨghɨ rɨŋga ɨsɨg.

1 Tèsàlonikà 2:19

À kɨ mɨwe ə ghɨ̀ ni tɨ̀ nuŋ ɨkɔndɨ ɨgwɨ ɨghɨ mbe nɨ tɨ ə wòm ə? À kɨ mɨwe bɨrɨ ghɨ ni tɨ̀ ghaʼrɨ ə? À kɨ mɨwe bɨrɨ ghɨ ni tɨ̀ goŋ ɨgɔ̂ ɨfě Ə̀nùŋɨ̀sɨg Yeso ənɨ wɨrɨ yeʼe ɨghabɨ ni tɨ̀ yɨə bə̂d nɨ chè ə̀nòtɨ̀ ə? Kaʼ à wa kɨ i mbə̀nə ə?

1 Tèsàlonikà 3:13

Tɨ̀ wɨə kɔ̀ŋgɨ̀ə̀ ni wɨ̀ ghɨ tə fîŋ kaanɨ ɨmbə̀ʼ chəi ənɨ tɨ wə̀d mɔʼɔ zɨ ənû ɨgwɨ nən fɔrɨ ɨmbə̀ʼ mbə̀ chub ɨzeŋɨ zeŋɨ ɨfě Ŋwiə̀ a Mbǎʼ ənɨ a Ə̀nùŋɨ̀sɨg Yeso wɨrɨ yeʼe mbɨ mbi bə̂d.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

2 Timotì 1:16

Mə wɨə kɔ̀ŋgɨ̀ Ə̀nùŋɨ̀sɨg ni wɨ̀ diirɨ bə̂d mbe rɨŋga nəb Ònèsiforùs, ɨmbə̀ʼ ɨghəm nɨ məd wɨə nyaʼa kɨə zùtɨ̀ mɨ fîŋ. Chəi ətu əməd ə nyaʼa nid ɨmbə̀ʼ əmɨ ɨchî nɨ mə nyaʼa ə nəb ndəŋ.

2 Timotì 1:8

Əne tɨ e ətu ə nid i nɨ gha ɨmbə̀ʼ a Ə̀nùŋɨ̀sɨg, kɨ̀ nɨ gha ɨmbə̀ʼ ɨchî nɨ mə̀ yeʼ wə̀d ndəŋ ɨmbə̀ʼ əməd. Àyɨə tekɨ ɨnyod nɨ zə ɨkwɨ ŋgəʼ we nɨ mɨə zə ɨmbə̀ʼ ɨkə̂n chɔ̀m. À bɨrɨ ghɨ əne ənjìm ɨka we nɨ Ŋwìə̀ naʼ ɨ ne.

Mə̀Hibrù 11:16

Mbɨ nyaʼa kə̀b yeʼ əbeŋ ze nɨ bɔŋɨ chè əze, əne yɨ əbeŋ ze nɨ yeʼ ɨkaŋ. Chəi ətu ə nìd əmbɨ ə Ŋwiə̀ ənɨ mbɨ tɔŋ əməd ni wɨ̀ yɨə Ŋwìə̀ mɨ̀mə̌d. Chəi zɨə nìd ɨmbə̀ʼ ɨghəm nɨ wɨ̀ fə tekɨ əsɨ əmbɨ mɨ̀mə̌d.

Mə̀Hibrù 11:26

Wɨ̀ nyaʼa zə ni ənû nɨ zə ŋgəʼ ɨmbə̀ʼ Wə̀d we nɨ Ŋwìə̀ zɔʼɔ ə bɔ̀ŋ chè mbɔ̂n ze rɨ ə Ijìpt, ɨmbə̀ʼ ɨghəm nɨ ɨ wɨə nyaʼə nèŋ ɨmbì ɨmbə̀ʼ ɨchɔʼ ə̀fàʼì we nɨ wɨ̀ bɨrɨ berɨ.

Mə̀Hibrù 13:13

Əne tɨ̀ wo əsɨ məd ənjìm əsɨ ze nɨ mbɨ chubɨ, bə̀ nɨŋ tɨ̀nìd ətu we nɨ mbɨ nyaʼa zɨ ɨgwɨ məd.

Jems 4:4

Mbə yɨ ɨghabɨ məyi namɨ nɨə niirɨə mbaŋə̀! Chəi mbə̀ kyerɨ ni wə̀d we nɨə kə̀b jɨg ə̀sə̀ʼ mbɨ ɨsɨg yɨə wə̀d pə̀n Ŋwìə̀ ə? Əne wə̀d mɔʼɔ we nɨ ghaʼ ənû nɨ jɨg ə̀sə̀ʼ mbɨ ɨsɨg yɨə wə̀d pə̀n Ŋwìə̀.

1 Jɔn 2:23

Wə̀d we nɨ ton Wan fə bə̀ ton ə Mbǎʼ. We nɨ ben Wan fə bə̀ ben ə Mbǎʼ.

1 Jɔn 2:28

Əne tɨ̀nîn, kyɨə bɔn nɨ mə̀ ghaʼi kwàʼ rɨŋgəʼ, mbə̀ chubɨ ənɨ ɨfɔtɨ mbɨ məd, ɨmbə̀ʼ ənɨ wɨ̀ wɨrɨ yeʼe, chəi tɨ̀ bɨrɨ bɔ. Chəi tɨ̀nìd ətu bɨrɨ ghɨ ni tɨ̀ nəmbɨ rɨ bɔ.

Ɨnû 14:10

Ŋwìə̀ bɨrɨ sə ɨtəm əbɔʼ məd əne chə əməd. Əne yɨ ɨghabɨ ni wɨ̀ fə zɨ̀ mɨnoʼ ɨŋga toʼ məd nɨ chəi wɨ̀ nyamɨ, əne ghɨ̀ ni wɨ̀ nɔ. Ŋwìə̀ bɨrɨ chə wə̀d wɔ̂ ɨŋga ɨwid, ɨŋga sɔlfò ɨfě mbɨ̀aŋgɨrə̀ zeŋɨ fɔrɨ ɨfě Wan njɨ̀g.