Mk 8:33 - Meta’

³³ Yeso nyaʼa bèŋ zə mbi mə̀mə̀ə̀nɨ̀-ɨnû əne ghàm əbɔʼ ə Pità ghà ni, “Àwɔ̀ Satàn, nɔʼ e rɨ ɨban num! Chəi à nuŋ e ɨkɔndɨ ɨgun ɨghɨ mbe nɨ Ŋwìə̀ kəbɨ. À nùŋ yeʼ ɨgun ɨghɨ mbe nɨ bə̂d mɨ̀sɔŋɨchù kəbɨ.”

Ikan feg

³³ Yeso ya ghabri nèn ìmbi mə̀mə̀nənùg si ghàm kyen abə Pità gha, “Àghò Sàtàn, che nɔ̀ʼ iban inum! Chəyi àghò nɔŋi ìwe ikɔndi igun ighi mbe ne Ŋwiye kə̀bi. Àghò nɔ̀ŋì yaʼ igun ighi mbe ne bəd kə̀bi.”

Mk 8:33 교차 참조

Matìyò 15:23

Chəi Yeso nyaʼa wiirɨ ənû ə mɔʼɔ ɨ bɔ. Mə̀mə̀ə̀nɨ̀-ɨnû ɨməd nyaʼa wò buʼ ɨbɔ ɨ bɔ ghà ni, “Gha əyi wɔ̂ wo i, ɨmbə̀ʼ ɨghəm nɨ ɨ wɨə yènə̀ ja ɨsɨ ənjìm na.”

Matìyò 16:23

Àyɨə wɨ̀ nyaʼa bèŋ ghà əmbɨ Pità ni, “Àwɔ̀ Satàn, nɔʼ e rɨ ɨban num! À wɨə kən ɨnə̂njɨ̀ ɨ num, ɨmbə̀ʼ ɨghəm nɨ chəi à nuŋ e ɨkɔndɨ ɨgun ɨghɨ mbe nɨ Ŋwìə̀ kəbɨ. À nùŋ yeʼ ɨgun mbe nɨ bə̂d mɨ̀sɔŋɨchù kəbɨ.”

Matìyò 4:10

Yeso nyaʼa wììrɨ̀ ɨ bɔ ni, “Satàn, nɔʼ əwe rɨ ɨban num! Ə zɨ ɨŋga Ə̀ŋwàʼnɨ̀ ə Ŋwiə̀ ni, 'À berɨ wumnɨ Ə̀nùŋɨ̀sɨg e Ŋwìə̀, bə̀ fàʼ àmei ɨ bɔ.'”

Mk 3:34

Ənɨ wɨ̀ nyaʼa ghà əne, wɨ̀ nyaʼa neŋ bə̂d mbe nɨ nyaʼa chub kad əməd, əne ghà ni, “Mbə̀ zə, mbɔ̂ yɨə mɨ nɨŋ mbɨ mbɨ bɔŋgɔb!

Mk 3:5

Wɨ̀ nyaʼa nèŋ mɨ̀mə̌d kad nàànɨ̀, sə ɨtəm bə̀ wɨrɨ kə̀n ɨmbə̀ʼ ɨghəm nɨ fîŋ tɨ mɨ̀mə̌d nyaʼa tu. Wɨ̀ nyaʼa ghɨ̀ əne ghà əmbɨ ə mbaŋə̀ ze ni, “Sem e əbɔ.” Wɨ̀ nyaʼa sèm, əne əbɔ əməd ə nyaʼa wɨrɨ kà i.

Lk 22:61

Ə̀nùŋɨ̀sɨg nyaʼa bèŋ neŋ ə Pità əwu əwən. Əne Pità nyaʼa kɔndɨ ɨŋgam Ə̀nùŋɨ̀sɨg, ɨchî nɨ wɨ̀ nyaʼa gha ɨ bɔ ni, “Bɔŋ ɨnoŋgub sɨə tɔŋə, rə̀chɔ̀ŋ à bɨrɨ fə ton əmɨ ɨghəm tad.”

Lk 4:8

Yeso nyaʼa wììrɨ̀ ɨ bɔ ni, “Ə zɨ ɨŋga Ə̀ŋwàʼnɨ̀ ə Ŋwiə̀ ni, 'À berɨ wumnɨ Ə̀nùŋɨ̀sɨg e Ŋwiə̀, bə̀ fàʼ àmei ɨ bɔ.'”

Lk 9:55

Mbɨ nyaʼa ghà əne, Yeso beŋ ghàm əbɔʼ mɨ̀mə̌d.

1 Kɔrèn 5:5

mbə̀ saŋ mbaŋə̀ zɔ̂ ɨŋga tɨkyerɨ-ɨbɔ Satàn ni wɨ̀ chəkɨ nyamnyod məd, ɨmbə̀ʼ əzwî əməd ə jwɨ rəŋgəʼ əni ze nɨ Ə̀nùŋɨ̀sɨg Yeso bɨrɨ wɨrɨ yeʼe.

Fìlipì 3:19

Bə̂d mbɔ̂ bɨrɨ nwì ɨŋga ɨwid rɨ nìmə, əne ŋwìə̀ mɨ̀mə̌d yɨ ɨghɨ mbe nɨ nyamnyod tɨ mɨ̀mə̌d ə feenɨə. Ɨ mbɨə ghaʼə ɨmbə̀ʼ ɨnû mbe nɨ njɨ ɨtu mɨ̀mə̌d kəʼ nìd ɨmbə̀ʼ mbɨwən. Ɨ mbɨə kɔndɨə àmei ɨnû rɨŋga ɨsɨg.

1 Timotì 5:20

Bə̂d mɔʼɔ mɨ yeʼə ghɨ̀ ɨnû rɨbɔ̀ŋ nɨ chəi mbɨ ben nɨ beŋ tə fîŋ, ghàm əbɔʼ mɨ̀mə̌d ɨfě bə̂d Kristo mɨ̀jìm, ɨmbə̀ʼ ə̀bùʼ ə bə̂d bɔ nɨ wɨrɨ ghɨ ɨnû rɨbɔ̀ŋ.

Tayitùs 1:13

Ənû zɔ̂ nɨ wə̀d-ɨwe we nyaʼa ghǎ yɨ ənû rəsìʼ. Əne à berɨ gham əbɔʼ tɨkwɨrɨ bə̂d tɔ̂ kwàʼ rɨ̀kǎ, ɨmbə̀ʼ ɨbenɨ mɨ̀mə̌d wɨrɨ kàànɨ̀.

1 Pità 4:1

Kristo nyaʼa zə ŋgəʼ ənɨ mbɨ nyaʼa kombɨ əməd, əne mbə berɨ bɨ berɨ tɨkwɨ rɨkɔndɨ te nɨ wɨ̀ nyaʼa berɨ, ɨmbə̀ʼ ɨghəm nɨ chəi wə̀d mɔʼɔ we nɨ fə zə ŋgəʼ bɨrɨ wɨrɨ berɨ ənû nɨ ghɨ̀ mbɨ ɨnû rɨbɔ̀ŋ.

1 Jɔn 2:15

Tɨ mbə̀ ghaʼ ə ɨsɨg kɨ̀ be ghaʼ ɨghɨ mbe nɨ yeʼ ɨŋga ɨsɨg. Wə̀d mɔʼɔ mɨ ghaʼ ɨsɨg, əne chəi wɨ̀ ghaʼ ə Mbǎʼ,

Ɨnû 3:19

Mə wɨə ghàm əbɔʼ bə̂d mbe nɨ mə ghaʼi. Mə wɨə bə̀ chəə mbe nɨ mə ghaʼi. Əne, zə ni à zɨ ətu nɨ nòm, bə̀ zə ni à bèŋ e fîŋ.