Mk 5:22 - Meta’

²² Wə̀d kyeŋ mɔʼɔ rɨ əbɔʼ mbe nɨ nyaʼə chà nəb ə̀kàtɨ̀, nɨ ɨkum məd nyaʼa ə Jairùs, nyaʼa zə əməd wò gù ə si ɨban ɨwu məd,

Ikan feg

²² Wə̀d kyen mɔ̀ʼɔ abɔ̀ʼ bəd ne yaya sàʼa ichamì Ŋwiye ne ikum məd ya Jarùs ya bàd aməd ghò gùg aseg ibo iban ighog,

Mk 5:22 교차 참조

Matìyò 2:11

Mbɨ nyaʼa wò nyɨ ɨŋga nəb ze nɨ fɨtəmɨ fe kəʼ təm ɨgun, əne zə wan we nɨ nyaʼa mbɨ ɨŋgɔb məd Mèri. Mbɨ nyaʼa zə əne, chìndɨ̀ ɨtu ɨnywɨ ə si, wumnɨ əməd. Mbɨ nyaʼa bə̀ zà mbə ɨ̀bàmɨ̀, chɨ̀ ə gôl fɔrɨ ə frankɨnsèns mbɨ ə myrrh nèʼ wan we əŋgu.

Mk 5:33

Əyi we nyaʼa kyerɨ ənû ze nɨ nyaʼa ghɨ̌ ənɨ məd, əne wɨ̀ nyaʼa wò mbɨ ɨbɔɔ yènə̀ bindɨə, pè chìndɨ̀ ɨtu ɨnywɨ ɨfě Yeso, ghà rəsìʼ jìm ɨ bɔ.

Mk 5:38

Ənɨ mbɨ nyaʼa wo pè əkwɨ wə̀d kyeŋ we nɨ nyaʼə chà nəb ə̀kàtɨ̀, Yeso nyaʼa zə bə̂d bə̀ zu ɨchî nɨ bə̂d nyaʼə jùʼə̀, dìə̀ bə̀ tɔ̀ndɨ̀ əwob.

Lk 13:14

Mbaŋə̀ ze nɨ nyaʼə chà nəb ə̀kàtɨ̀ ze nyaʼa sə ɨtəm ɨmbə̀ʼ ɨghəm nɨ Yeso nyaʼa vɨ̌ wə̀d əni əkwɨ. Əne wɨ̀ nyaʼa ghà əmbɨ ə bə̂d mbe ni, “Ɨni mbɨ əŋgu rɨ̀fuə nɨ tɨ̀ mbə fàʼ. Mbə̀ yeʼe ɨgwɨ ɨni mbe mbɨ vɨ əwən, kaʼ i ɨgwɨ əni ɨkwɨ.”

Lk 5:8

Ənɨ Saimon Pità nyaʼa zə əne, wɨ̀ nyaʼa gù ə si ɨfě Yeso ghà ni, “Nɔʼ e rɨ ɨban num, kyɨ Ə̀nùŋɨ̀sɨg, ɨmbə̀ʼ ɨghəm nɨ mɔ̌ yɨə wə̀d nɨə ghɨ̀ ɨnû rɨbɔ̀ŋ.”

Lk 8:28

Ənɨ wɨ̀ nyaʼa zə ə Yeso, wɨ̀ nyaʼa kyeŋ kwàʼ rɨ̀kǎ, gù ɨfě ɨ bɔ, kyeŋ ənɨ ə gɨ̂ kǎ kǎ ghà ni, “Yeso, Wan Ŋwìə̀ Ə̀chè-ɨsɨg! À berɨ ənû ə ye nɨ ghɨ̀ mbɨ num ə? Mə buʼ ɨbɔ ɨ ne ni tɨrə̀ chə e əmɨ!”

Ɨ̀fàʼì 13:15

Ənɨ bə̂d mbe rəŋgu nyaʼa fə foŋ ɨŋgam Ŋwiə̀ rɨŋga ə̀ŋwàʼnɨ̀ ə tɨkə rɨ Mose, bə̀ foŋ rɨŋga ə̀ŋwàʼnɨ̀ ə bə̂d ɨ̀kə̀n Ŋwiə̀, bə̂d mbe nɨ nyaʼə chà nəb ə̀kàtɨ̀ ze nyaʼa cha ɨkə̂n əmbɨ Pɔ̂l mbɨ Banabàs ni, “Bɔŋgɔb, mbə mɨ berɨ ɨŋgam mɔʼɔ nɨ timbɨ əwa, mbə̀ gha ɨ na.”

Ɨ̀fàʼì 18:17

Mɨ̀Jû mbe mɨjìm nyaʼa gywɨ̀ ə Sòstenès, nɨ nyaʼə ətu ɨŋga nəb ə̀kàtɨ̀ ze, som əməd ɨfě nəb ɨsaʼi ze. Àyɨə chəi Galiò nyaʼa nɨŋ əze ənɨ ənû ə mɔʼɔ.

Ɨ̀fàʼì 18:8

Krispùs bə̂, nɨ nyaʼa ətu ɨŋga nəb ə̀kàtɨ̀ ze mbɨ ə bə̂d mɨ̀jìm mbe nɨ nyaʼa ɨŋga nəb məd, nyaʼa ben Ə̀nùŋɨ̀sɨg. Bə̂d mɨ̀nɔnɔʼ ə Kɔrèn nyaʼa zu ənû ze nɨ Pɔ̂l nyaʼə ghàə̀, əne mbɨ nyaʼa bə̀ ben Ə̀nùŋɨ̀sɨg. Ənɨ mbɨ nyaʼa benɨ, mbɨ nyaʼa nɨŋ mɨnib.

Ɨnû 22:8

Mɔ̌, Jɔ̌n, yɨə wə̀d we nɨ nyaʼa zu bə̀ zə ɨnû mbɔ̂. Ənɨ mə nyaʼa zu bə̀ zə, mə nyaʼa gundɨ ə si ɨban ɨwu aŋgɨrə̀ we nɨ nyaʼa chwi ɨnû mbɔ̂ ɨ num. Mə nyaʼa gundɨ ɨmbə̀ʼ wumnɨ əməd.