Mk 2:25 - Meta’

²⁵ Yeso nyaʼa wììrɨ̀ əmbɨ mɨ̀mə̌d ni, “Chəi mbə̀ kweʼ foŋ ənû ze nɨ ɨfɔ̂n Dèvîd nyaʼa ghɨ̌ ənɨ wɨ̀ nyaʼa kwaŋ ɨghɨ bə̀ fɔrɨ ənɨ njì rɨ nyaʼa zaŋ əməd bə̀ zaŋə bə̂d mbe nɨ nyaʼa mbɨ məd ə?

Ikan feg

²⁵ Yeso ya ywìtì inɔb gha, “Chəyi mbə̀ kweʼì fɔŋ anug ze ne ifɔn Dèvid tì bəd mbe ne ya yaʼi abɔ̀ʼ məd ya ghi anyumə̀ ne njèg yaya zàŋa awɔb ne chəyi mbi ya bə bèrì aghi ni jəg?

Mk 2:25 교차 참조

Matìyò 19:4

Wɨ̀ nyaʼa wììrɨ̀ ni, “Chəi mbə̀ kɨrɨ foŋ ni wə̀d we nɨ nyaʼa tekɨ bə̂d rɨ ənɨ ɨkɔ, nyaʼa tekɨ mɨ̀mə̌d mbaŋə̀ fɔrɨ əyi,

Matìyò 21:16

Əne mbɨ nyaʼa biirɨ ɨ bɔ ni, “Ɨmbə̀ʼ à wɨə zu ɨnû zɔ̂ nɨ bɔn kwa mbɔ̂ ə ghà ə?” Yeso nyaʼa wììrɨ̀ ni, “Ee mə wɨə zuə. Chəi mbə̀ kɨrɨ foŋ ɨŋga Ə̀ŋwàʼnɨ̀ ə Ŋwiə̀ ni, 'À fə dàndɨ̀ bɔn kwa bə̀ dàndɨ̀ bɔn bɔd ni mbɨ yiirɨ əwe ə'?”

Matìyò 21:42

Yeso nyaʼa ghà əmbɨ mɨ̀mə̌d ni, “Chəi mbə̀ kweʼ foŋ ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ ə? Zɨə ghà ni, 'Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb. Ənû zɔ̂ yɨ Ə̀nùŋɨ̀sɨg ghɨ̌, əne à yɨ ənû ə yiirɨ ɨ na nɨ zə.'?

Matìyò 22:31

À yeʼ ɨmbə̀ʼ ənû nɨ zwemə, chəi mbə̀ kɨrɨ foŋ ənû ze nɨ Ŋwiə̀ nyaʼa gha ɨ nən ə? Wɨ̀ nyaʼa ghà ni,

Matìyò 4:2

Wɨ̀ nyaʼa chub rɨ jɨg ɨzi ɨwum kwè mbɨ əzimɨ ɨwum kwè. Ənɨ ɨni mbe nyaʼa chě, njì rɨ nyaʼa zaŋ əməd.

Mk 12:20

Bɔŋgɔb mɔʼɔ sambe nyaʼa əŋgu, wɨ rɨtu nyaʼa nam i ɨwi, kwɨ nɨ chəi wɨ̀ berɨ bɔn.

Mk 12:26

À yeʼ ɨmbə̀ʼ ənû nɨ ɨvɨ bə̂d bɨrɨ zwemə, chəi mbə̀ kɨrɨ foŋ ɨŋga ə̀ŋwàʼnɨ̀ ze nɨ Mose nyaʼa ŋwaʼnɨ, ɨŋga əsɨ ze nɨə ghà ɨmbə̀ʼ ətud nɨ nyaʼə fɨə, ɨchî nɨ Ŋwìə̀ nyaʼa gha ɨ bɔ ni, 'Mɔ̌ yɨə Ŋwìə̀ Abràham, Ŋwìə̀ Aizìk, mbɨ Ŋwìə̀ Jakɔ̂b ə'?

Mk 2:24

Mɨ̀Farisiî nyaʼa biirɨ ɨ bɔ ni, “Zə, mbe mə̀mə̀ə̀nɨ̀-ɨnû kɨə ghɨ̀ ɨnû nɨ chəi ta rɨkə chwi ni mbɨ ghɨ əne əni əkwɨ ɨmbə̀ʼ ə yè ə?”

Mk 2:26

Ənɨ ə nyùmə̀ we nɨ Àbiatà nyaʼə ətu ɨgwɨ ə bə̂d mbàn Ŋwìə̀, wɨ̀ nyaʼa wò nyɨ ɨŋga nəb Ŋwìə̀, əne jɨg ŋgə̀ŋ ze nɨ mbɨ nyaʼa nuŋ ənɨ əghɨ ə̀fà ɨfě Ŋwìə̀, bə̀ nàʼ zɨ mɔʼɔ əmbɨ bə̂d mbe nɨ nyaʼa mbɨ məd, nɨ ta rɨkə chwi ni àmei bə̂d mbàn Ŋwìə̀ mbe tɨ̀ mbɨ nyaʼa jɨg ŋgə̀ŋ ze.”

Lk 10:26

Yeso nyaʼa biirɨ ɨ bɔ ni, “Zɨə kɨ ɨŋga tɨkə rɨ Mose ni yè ə? À foŋ zɨə ghà ni ye ə?”