Mk 2:2 - Meta’

² Bə̂d mɨ̀nɔnɔʼ nyaʼa wò fetɨ ɨŋga nəb ze nɨ wɨ̀ nyaʼə chubə, əne nəb ze nyaʼa swi nɨ chə nyaʼa wɨrɨ i əpan ɨŋga nəb kɨ̀ ɨfě nəb nɨ tɨ̀ bə̂d nyaʼa təmbɨ əŋgu. Yeso nyaʼa zə əne kɔ gha ɨŋgam Ŋwiə̀ əmbɨ mɨ̀mə̌d.

Ikan feg

² Bəd nɔʼ nɔʼ ya ghò fète ibo inga nəb. Nəb ze ya sweg ne chəyi ya ywìrè yi apan inga nəb kə̀ imbìghè nəb ne tì bəd ya təm angu. Yeso ya ko ni ghàm Ìngam Ŋwiye inɔb.

Mk 2:2 교차 참조

Matìyò 5:2

əne wɨ̀ nyaʼa kɔ chwi ɨnû əmbɨ mɨ̀mə̌d ghàə̀ ni:

Mk 1:14

Ənɨ mbɨ nyaʼa yim ə Jɔ̌n wò zɨ̀ ə ndəŋ, Yeso nyaʼa wò ə Galiliî pè kɔ gha ɨkə̂n chɔ̀m ɨmbə̀ʼ ənû ɨfɔ̀n ə Ŋwìə̀.

Mk 1:33

Bə̂d mɨ̀jìm rɨŋga əsɨ ze nyaʼa wò fetɨ ɨfě nəb ze.

Mk 1:37

Ənɨ mbɨ nyaʼa zə əməd, mbɨ nyaʼa ghà ɨ bɔ ni, “Wə̀d jìm wɨə kə̀b əwe.”

Mk 1:45

Àyɨə mbaŋə̀ ze nyaʼa jwɨ̀ kɔ yènə̀ saʼ ənû ze ɨsɨ jìm. Əze ə nyaʼa ghɨ̀ ni tɨ Yeso wɨrɨ nyɨ i ɨŋga əsɨ ə cherə əsaŋ əsaŋ. Wɨ̀ nyaʼa sɨ wò chubɨ yeʼ ɨban əsɨ ze. Bə̂d mbɨə nyaʼə nɔ̀ʼ rɨ ɨsɨ mbe jìm wò kɔɔrɨ ə məd əŋgu.

Mk 2:1

Ənɨ ɨni mɔʼɔ nyaʼa che, Yeso nyaʼa bə̀ndɨ̀ wo ə Kàpenàhom. Ɨkə̂n nyaʼa jàŋ ni wɨ̀ fə sɨ i ɨnuʼ.

Mk 2:13

Yeso nyaʼa wɨrɨ bə̀ndɨ̀ wò ɨban ə sà ze rɨ ə Galiliî. Ɨnɔ̂n bə̂d nyaʼa wò kad əməd, əne wɨ̀ nyaʼa chwi ɨnû əmbɨ mɨ̀mə̌d.

Mk 6:34

Ənɨ Yeso nyaʼa jwɨ rɨŋga əbaŋ ɨgyɨ̀ ze wò əsaŋ, wɨ̀ nyaʼa zə bə̂d kwàʼ ɨnɔ̂n kyeŋ. Ə̀kə̀n ə nyaʼa swi ɨŋga fîŋ məd ɨmbə̀ʼ bə̂d mbe, ɨmbə̀ʼ ɨghəm nɨ mbɨ nyaʼa ɨghabɨ ə njɨ̀g nɨ chəi ənə̂ŋgɨ̀-njɨ̀g əbɔʼ mɨ̀mə̌d. Wɨ̀ nyaʼa ghɨ̀ əne kɔ chwi ɨnû nɔnɔʼ əmbɨ mɨ̀mə̌d.

Lk 12:1

À nyaʼa ənɨ ə nyùmə̀ we, ɨnɔ̂n bə̂d chuʼ mbɨ ə chuʼ nyaʼa wò fetɨ. Mbɨ nyaʼa fetɨ əne, mbɨ mɔʼɔ sɨə tə̀ʼrɨ̀ə̀ mbɨ cherə. Yeso nyaʼa bè kɔ ghǎ əmbɨ mbi mə̀mə̀ə̀nɨ̀-ɨnû ni, “Mbə̀ we əwən ɨmbə̀ʼ ɨfuʼ mɨ̀Farisiî we nɨə ghɨ̀ ni ŋgə̀ŋ kɔʼ. Əne yɨ mə̀ gha ni mbə̀ we ɨmbə̀ʼ ɨbekɨ ɨnû mɨ̀mə̌d.

Lk 5:17

À nyaʼa əni ə mɔʼɔ, ənɨ Yeso nyaʼə chwi ɨnû, mɨ̀Farisiî mɔʼɔ mbɨ məchwiə̀ rɨ̀kə̌ mɔʼɔ nyaʼa bə̀ chub əŋgu. Mbɨ nyaʼa yeʼe rɨŋga ɨsɨ jìm mbe rɨ ə Galiliî, yeʼe rɨ ə Jùdeyà bə̀ yeʼe rɨ ə Jèrusalèm. Ɨka Ə̀nùŋɨ̀sɨg nyaʼa ɨgwɨ məd nɨ vɨ bə̂d əwɔn.

Lk 8:1

Chəi əgha ə nyaʼa saarɨ, Yeso nyaʼa wò chè ɨŋga ɨsɨ nɔnɔʼ. Wɨ̀ nyaʼə yènə̀ ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwìə̀. Mə̀mə̀ə̀nɨ̀-ɨnû ɨməd mbe wum chɔ̀b rɨ̀be nyaʼa mbɨ məd,

Lk 8:11

“Əton ənɨ ənû ə mɨgɨ ze yɨ ni: ɨghɨ mbe nɨ mbɨ kon yɨ ɨŋgam Ŋwiə̀.

Ɨ̀fàʼì 11:19

Mə̀saʼ əbeŋ nyaʼa zwiirɨ ə Stɨfɨ̀n, əne kɔ nwendɨ tɨkyerɨ-ɨwu bə̂d mbe nɨ nyaʼa ben ə Kristo. Bə̂d mbe nɨ nyaʼa ben ə Kristo nyaʼa jàŋ wò ə Fonesià, wò ə Saiprùs bə̀ wò ə Antiɔ̀k. Ənɨ mbɨ nyaʼə wòə̀, ɨ mbɨə nyaʼə yènə̀ ghà ɨŋgam Ŋwiə̀ àmei əmbɨ mɨ̀Jû.

Ɨ̀fàʼì 14:25

Ənɨ mbɨ nyaʼa ghà ɨŋgam Ŋwiə̀ ə Pegà, mbɨ nyaʼa nɔ̀ʼ rəŋgu swiʼi wò ə Atalià.

Ɨ̀fàʼì 16:6

Pɔ̂l mbɨ Sailàs fɔrɨ ə Timotì nyaʼa wò chè ə Frigìà nɨ nyaʼa ɨŋga əbà əbeŋ ze rɨ ə Gàlesià. Chəi Əzwî ə Zeŋɨ ə nyaʼa ben ni mbɨ ghà ɨŋgam Ŋwiə̀ ə Esià.

Ɨ̀fàʼì 8:25

Ənɨ Pità mbɨ Jɔ̌n nyaʼa fə gha ɨnû mbe nɨ mbɨ nyaʼa kyerɨ, bə̀ ghà ɨŋgam Ŋwiə̀, mbɨ nyaʼa bə̀ndɨ̀ wò ə Jèrusalèm, yènə̀ ghà ɨkə̂n chɔ̀m ɨŋga ɨsɨ nɔnɔʼ ə Sàmàriyà.

Rm 10:8

Ə̀ŋwàʼnɨ̀ ə Ŋwiə̀ kɨə ghàə̀ ni yè ə? Ə zɨə ghàə̀ ni, “Ɨŋgam we wɨ ɨban ne, ɨ wɨ ɨŋga e ɨchû bə̀ fɔrɨ ɨŋga e fîŋ” (əne yɨ ɨŋgam ɨmbə̀ʼ ɨbenɨ we nɨ tɨə ghà ɨmbə̀ʼ wɨwən).

2 Timotì 4:2

gha ɨŋgam Ŋwiə̀. Kɨ̀ bə̂d ghaʼ nɨ zu kɨ̀ chəi mbɨ ghaʼ nɨ zu, gha e gha. Mbɨ mɨ ghɨ ənû rɨbɔ̀ŋ, à gha əmbɨ mɨ̀mə̌d. Gham əbɔʼ mbe nɨə ghɨ̀ ɨnû rɨbɔ̀ŋ. Mbɨ mɨ ghɨ̀ ɨnû nɨ kuʼnɨ, à tìmbɨ̀ mɨ̀mə̌d. À berɨ yim fîŋ ənɨ à ghɨ̀ ɨnû mbɔ̂.