Mk 16:1 - Meta’

¹ Ənɨ əni əkwɨ ə mɨ̀Jû ə nyaʼa fə che i, Mèri Màgdàlen mbɨ Mèri ɨŋgɔb Jems fɔrɨ ə Sàlomè nyaʼa zon tɨtiirɨ, ɨmbə̀ʼ ɨ wo zɔʼ əvɨ ə Yeso əŋgu.

Ikan feg

¹ Ane aneg àzwètì mə̀Ju ya fə che, Mèri Màdàlen tì Mèri ngɔb Jem tì Sàlomè ya zon titeti ni ghò zɔʼ awu àze Yeso angu.

Mk 16:1 교차 참조

Mk 14:3

Yeso wɨə nyaʼa ə Betanì ɨŋga nəb Saimòn we nɨ nyaʼa kweʼ wɔ̀n əpabɨ. Ənɨ wɨ̀ nyaʼə jɨgə, əyi mɔʼɔ nyaʼa wò mbɨ mɨwud əka ɨnùn ɨŋga chəŋ àlàbastà. Mɨwud mbe nyaʼa berɨ ɨfɔ chɔ̀m. Mbɨ nyaʼa tekɨ mɨwud mbe àmei ənɨ ə naàd. Wɨ̀ nyaʼa pè sob ətu ə chəŋ ze, tuŋ mɨwud mbe ɨgun ətu ə Yeso.

Mk 14:8

Əyi wɔ̂ fə ghɨ ənû ze nɨ tɨ̀ wɨ̀ ghɨ̀. Wɨ̀ fə zɔʼ mɨ ɨnyod ɨmbə̀ʼ mə mɨ kwɨ, mbɨ sɨ tweŋɨ.

Mk 15:40

Məyi mɔʼɔ nyaʼa bə̀ əŋgu nɨ nyaʼə nèŋə̀ rɨ əsa əgha. Mbɨ mɔʼɔ rəbɔʼ mɨ̀mə̌d yɨə nyaʼə Mèri Màgdàlen, Mèri ɨŋgɔb Jems bɔd mbɨ Josès fɔrɨ ə Sàlomè.

Mk 15:42

À nyaʼa sɨ ɨkwirɨ ɨkwirɨ, ɨchî nɨ à nyaʼa əni nɨ mbɨ nyaʼə tekɨ ɨnyod, əne yɨ əni bɔŋ əni əkwɨ mɨ̀Jû,

Mk 15:47

Mèri Màgdàlen mbɨ Mèri ɨŋgɔb Jòsêf nyaʼa zə əsɨ ze nɨ mbɨ nyaʼa boŋ əvɨ ze əŋgu.

Mk 16:2

À nyaʼa ɨsɔsɔ əni ə Sɔndè, ənɨ ə nyùmə̀ nyaʼa fə toʼə, mbɨ nyaʼa wò ətu ɨ̀sì ze.

Mk 16:8

Məyi mbe mbɨə nyaʼə bindɨə bə̀ bìdə̀, əne mbɨ nyaʼa jwɨ̀ rɨŋga ɨ̀sì we nòrə̀. Chəi mbɨ nyaʼa ghà ənû ə mɔʼɔ əmbɨ ə wə̀d, ɨmbə̀ʼ ɨghəm nɨ mbɨ nyaʼə bɔə.

Lk 23:54

Əni ze yɨə nyaʼə əni nɨ mbɨ nyaʼə tekɨ ɨnyod ɨmbə̀ʼ jɨg Əchwɨ̂ ə Che-ɨgun, ɨmbə̀ʼ ɨghəm nɨ əni əkwɨ mɨ̀Jû ə nyaʼə sɨə wo kɔ.

Lk 23:56

Mbɨ nyaʼa zə əne, bə̀ndɨ̀ wò tekɨ tɨtiirɨ mbɨ mɨwud nɨ mbɨ bɨrɨ zɔʼ əvɨ əməd əŋgu. À nyaʼa sɨ əni əkwɨ, mbɨ nyaʼa zwììrɨ̀ ɨchî nɨ rɨ̀kə̌ nyaʼa chwiə.

Lk 24:1

À nyaʼa ɨgwɨ əni rɨtu ɨŋga kàb, kwàʼ ɨsɔsɔ ənɨ ɨtuʼ ə chɨgə, məyi mbe nyaʼa nɨŋ tɨtiirɨ te nɨ mbɨ nyaʼa tekɨ wò ətu ɨsì ze.

Jn 19:25

Bə̂d mɔʼɔ rəbɔʼ mbe nɨ nyaʼa təmbɨ ɨban əzed ə baʼnɨ ze nɨ mbɨ nyaʼa kòmbɨ̀ ə Yeso yɨ ɨŋgɔb məd, aŋgɔb ɨŋgɔb məd, Mèri ɨwi Klopàs mbɨ Mèri Màgdàlen.

Jn 19:31

Əni ze yɨə nyaʼə əni nɨ mɨ̀Jû nyaʼə tekɨ ɨnyod ɨmbə̀ʼ jɨg əni əkwɨ. Əne chəi bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa kəb ni ɨvɨ mbe tən ɨgun ɨzed baʼnɨ mbe əni əkwɨ, màànɨ̀ ɨmbə̀ʼ ɨchî nɨ əni əkwɨ ze yɨə nyaʼə əni əkwɨ ə kyeŋ əmbɨ mɨ̀mə̌d. Əne mbɨ nyaʼa wò biirɨ əmbɨ Pailèt ni wɨ̀ ben mbə̀ buʼrɨ ɨwu bə̂d mbe ɨmbə̀ʼ mbɨ zambɨ kwɨ, mbɨ swi ɨvɨ mɨ̀mə̌d.