Mk 15:21 - Meta’

²¹ Mɨ̀sɔgyɨ̀ mbe nyaʼa pè ɨnə̂njɨ̀ zə mbaŋə̀ mɔʼɔ nɨ nyaʼa rɨ ə Sìrin nɨ ɨkum məd nyaʼə Saimòn. wɨ̀ nyaʼə che i che. Wɨ̀ nyaʼa nɔ̀ʼ rɨ ə mbeŋ sɨə wò ə Jèrusalèm. Əne mbɨ nyaʼa nyèŋ əməd ni wɨ̀ nɨŋ əzed ə baʼnɨ ze rɨ əmbɨ ə Yeso bèʼ. Saimòn yɨə nyaʼə mbǎʼ Àlèzandà mbɨ Rufùs.

Ikan feg

²¹ Mə̀sogyì mbe ya pè inɔnjì bàd mbaŋà mɔ̀ʼɔ ne nɔ̀ʼi a Sayirèn ne ikum məd ya Sayimùn. Wì yaya chè yi che. Wì ya nɔ̀ʼ a mben se ghò a Jèrusalèm. Ane, mbi ya nyə̀ŋ aməd gha wì niŋ azed abaʼri ze abə Yeso bèʼì. Sayimùn we ya yaʼ mbaʼ ìwi Àlèzandà tì Rufùs.

Mk 15:21 교차 참조

Matìyò 27:32

Ənɨ Yeso mbɨ mɨ̀sɔgyɨ̀ mbe nyaʼə jwɨ̀ rɨŋga Jèrusalèm yènə̀ wòə̀, mbɨ nyaʼa pè ɨnə̂njɨ̀ bòmnɨ̀ mbaŋə̀ mɔʼɔ nɨ nyaʼa rɨ ə Sìrin nɨ ɨkum məd nyaʼə Saimòn. Mɨ̀sɔgyɨ̀ mbe nyaʼa nyèŋ əməd ni wɨ̀ nɨŋ əzed ə baʼnɨ ze rɨ əmbɨ Yeso bèʼ.

Matìyò 5:41

Wə̀d mɔʼɔ mɨ nyèŋ e ni à beʼ mbi ɨghɨ yèn ə kilometà fìbɨ̀, beʼ ɨghɨ mbe yèn mɨ̀kilometà mɨ̀be.

Mk 15:20

Ənɨ mbɨ nyaʼa fə baʼrɨ əməd, mbɨ nyaʼa chɨ ngywɨ̌ ɨfɔ̀n ze wɨrɨ zɨ rɨ məd ɨbòm ɨ bɔ. Mbɨ nyaʼa ghɨ̀ əne nɨŋ əməd ɨ wo kòmbɨ̀ əzed ə baʼnɨ.

Lk 14:27

Wə̀d mɔʼɔ we nɨ chəi wɨ̀ beʼ e əzed ə baʼnɨ beenɨ əbɔʼ num, rɨka kùʼi nɨ yeʼ mɨ ə̀mə̀ə̀nɨ̀-ɨnû.

Lk 23:26

Ənɨ mɨ̀sɔgyɨ̀ mbe nyaʼa nɨŋ əməd mbɨ yènə̀ wòə̀, mbɨ nyaʼa bòmnɨ̀ mbɨ Saimòn nɨ nyaʼa rɨ ə Sìrin. Ɨ wɨə nyaʼə bə̀ndɨ̀ rɨ ə mbeŋ. Əne mbɨ nyaʼa yim əməd, boŋ əzed ə baʼnɨ ze ɨgwɨ məd ni wɨ̀ beʼe beenɨ ənjìm ə Yeso.

Jn 19:17

Yeso nyaʼa bèʼ e əzed ə baʼnɨ ziə. Əne mbɨ nyaʼa jwɨ̀ wò əsɨ ze nɨ mbɨ nyaʼə tɔŋ ənɨ Tɨmbin Ɨwɔʼ-ətu. Ɨ mbɨə nyaʼə tɔŋ əsɨ ze ənɨ ɨŋgam Hibrù ni Golgotà.

Ɨ̀fàʼì 11:20

Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 13:1

Bə̂d ɨ̀kə̀n Ŋwiə̀ mbɨ məchwiə̀-ɨnû nyaʼa ɨŋga ɨfetɨ bə̂d Kristo we rɨ ə Antiɔ̀k. Mbɨ yɨə nyaʼə Banabàs, mbɨ Simiòn nɨ mbɨ nyaʼə bə̀ tɔŋ ənɨ Naijà, mbɨ Lusiùs nɨ nyaʼa rɨ ə Sìrin, mbɨ Maniàn nɨ nyaʼa kwi mbɨ Herɔ̀d nɨ nyaʼə gɔmnà, mbɨ Sɔ̂l.

Ɨ̀fàʼì 2:10

tɨ̀ yɨ rɨ ə Frigìà bə̀ fɔrɨ rɨ ə Pamfilià, rɨ ə Ijìpt bə̀ fɔrɨ rɨŋga ɨba ɨbeŋ mbe rɨ ə Libià ɨban ə Sìrin. Mba mɨmɔʼɔ yɨ rɨ ə Rom.

Ɨ̀fàʼì 6:9

Bə̂d mɔʼɔ nɨ nyaʼa rɨŋga nəb ə̀kàtɨ̀ mɨ̀Jû mbe nɨ nyaʼa jwɨ rɨ ənɨ ə̀bòʼò, ɨchî nɨ mbɨ nyaʼə tɔŋə nəb ə̀kàtɨ̀ ze, nyaʼa kɔ tàŋɨ mbɨ Stɨfɨ̀n. Bə̂d mbe yɨə nyaʼə mɨ̀Jû nɨ nyaʼa rɨ ə Sìrin, rɨ ə Àlèzandrià, rɨ ə Selisià bə̀ fɔrɨ rɨ ə Esià.

Rm 16:13

Mbə̀ chaʼrɨ ə Rufùs. Ə̀nùŋɨ̀sɨg fə chɔʼ əməd ənɨ wi. Mbə̀ bə chàʼrɨ̀ ɨŋgɔb məd nɨ bə yeʼ avɨ wum.