Mk 14:36 - Meta’

³⁶ Wɨ̀ nyaʼa ghɨ̀ əne ghà ni, “Əbà mɨ Mbǎʼ! Chəi ənû nɨ tɨ̀ zɨə chè əwe. Chɨ ŋgəʼ zɔ̂ rɨ ɨgwɨ num, àyɨə ghɨ̀ yeʼ ənû ze nɨ à kəbɨ, kaʼi əze nɨ mə̀ kəbɨ.”

Ikan feg

³⁶ Wì ya gha, “Aba, ìmə Mbaʼ! Chəyi anug mɔ̀ʼɔ ne tì ze ka chè awe. Chiye ngəʼ ìzo̰ igun inum. Si ya gha, imbə̀ʼ àghò ghiyə awe anug ne mə̀ kəbi, ghiyə yaʼ anug ne àghò kə̀bi.”

Mk 14:36 교차 참조

Matìyò 26:39

Ənɨ wɨ̀ nyaʼa ghà əne, wɨ̀ nyaʼa yèndɨ̀ wò ɨmbì rɨpiî, pè kub ɨfě ə si, kɔ̀ŋgɨ̀ ə Ŋwiə̀ ghà ni, “Mɨ Mbǎʼ, ɨchî mɨ chwiə, à ghɨ̀ ŋgəʼ zɔ̂ chè rɨ ɨgwɨ num. Àyɨə ghɨ yeʼ ənû ze nɨ à kə̀bɨ, kaʼi əze nɨ mə̀ kəbɨ.”

Matìyò 26:42

Ənɨ Yeso nyaʼa ghà əne, wɨ̀ nyaʼa yì wò kɔ̀ŋgɨ̀ ə Ŋwiə̀ ənɨ ɨghəm nɨ pe be ghà ni, “Mɨ Mbǎʼ, à mɨ yeʼ ni chəi ɨchî cherə nɨ tɨ̀ à ghɨ̀ ni ŋgəʼ zɔ̂ chè rɨ ɨgwɨ num, njɨ ghɨ ɨchî nɨ à kə̀bɨ.”

Matìyò 6:9

Mbə̀ kɔŋgɨ ə Ŋwiə̀ əni: 'A Mbǎʼ nɨ yeʼ ɨkaŋ, ghɨ ni bə̂d wumnɨ e ɨkum.

Mk 10:27

Yeso nyaʼa neŋ mɨ̀mə̌d əne ghà ni, “Ənû ə zɨə chè yeʼ bə̂d, kaʼi Ŋwiə̀, ɨmbə̀ʼ ɨghəm nɨ chəi ənû ə mɔʼɔ nɨ tɨ̀ zɨə chè ə Ŋwiə̀.”

Mk 10:39

Mbɨ nyaʼa wììrɨ̀ ɨ bɔ ni, “Tɨ̀ we tɨ̀ rɨ̀ ghɨ̀ əne.” Yeso nyaʼa sɨ ghà əmbɨ mɨ̀mə̌d ni, “Mbə bɨrɨ zə ŋgəʼ ze nɨ mɨə zəə, bə̀ nɨŋ mɨnib ɨchî nɨ mə bɨrɨ nɨŋ;

Mk 14:37

Wɨ̀ nyaʼa bə̀ndɨ̀ wò pè zə mə̀mə̀ə̀nɨ̀-ɨnû mbe ənɨ mbɨ nyaʼə gwenə. Əne wɨ̀ nyaʼa biirɨ əmbɨ Pità ni, “Saimòn, mbə̀ kɨə gwen əwən ə? Chəi ənɨ tɨ̀ mbə chub ɨkyèʼe ənɨ awà fìbɨ ə?

Jn 12:27

Yeso nyaʼa ghà ni, “Tɨ̀nîn mɨ fîŋ zɨə tɔb əmɨ. Mə kɨə wo gha ni yè ə? Tɨ̀ mə ghà ni, mɨ Mbǎʼ, tɨrə̀ ben e ni nyùmə̀ wɔ̂ yeʼe ɨgwɨ num ə? Chə̂, mə nyaʼa yeʼe ɨmbə̀ʼ nyùmə̀ wɔ̂.

Jn 18:11

Yeso nyaʼa ghà əmbɨ Pità ni, “Wɨrɨ zɨ̀ e ɨbi ə baʼ. Kaʼ à wa kɨ i əzum rɨmbin nɨ nɔ rɨŋga toʼ ze nɨ mɨ Mbǎʼ naʼ ɨ num ə?”

Jn 4:34

Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Jn 5:30

Chəi ənû ə mɔʼɔ nɨ tɨ̀ mə ghɨ̀ ənɨ mɨ ɨka. Mə wɨə saʼə bə̂d àmei ɨchî nɨ Ŋwìə̀ ghà ɨ num, əne mə wɨə saʼə mɨ̀mə̌d ɨchî nɨ kuʼnɨ, ɨmbə̀ʼ ɨghəm nɨ chəi mɨə ghɨ̀ ənû ze nɨ mə kəbɨ. Mə wɨə ghɨ̀ yeʼ əze nɨ wə̀d we nɨ tom əmɨ kəbɨ.”

Gàlesìyà 4:6

Ɨchî nɨ mbə̀ yeʼ bɔn, Ŋwìə̀ fə chà Əzwî ə Wan məd ɨŋga ta fîŋ. Əzwî ze ə zɨə kyeŋə ghàə̀ ni, “Mbǎʼ, mɨ Mbǎʼ!”

Fìlipì 2:8

Ɨchî nɨ wɨ̀ yɨə nyaʼə wə̀d mɨ̀sɔŋɨchù əne, wɨ̀ nyaʼa swi i ɨnyod, zuunɨ wò pè ənɨ wɨ̀ nyaʼa benɨ nɨ kwɨ. Wɨ̀ nyaʼa kwɨ əzed ə baʼnɨ.

2 Timotì 2:13

Tɨ̀ mɨ ton nuŋ a ɨbenɨ ɨgwɨ məd, wɨ̀ bɨrɨ kɨrɨ ghaʼ əwa, ɨmbə̀ʼ ɨghəm nɨ chəi ənɨ tɨ̀ wɨ̀ wɨrɨ ton ənû ze nɨ wɨ̀ nyaʼa fə be benɨ.

Tayitùs 1:2

Təsìʼ wɔ̂ bɨrɨ ghɨ ni tɨ̀ nuŋ rɨkɔndɨ wòm ɨ̀tènɨ̀ rɨ mì we nɨ Ŋwìə̀ kaʼi. Ŋwìə̀ we nɨ chəi wɨə ghà mɨghab nyaʼa kàʼ ɨ̀tènɨ̀ wɔ̂ bɔŋ wɨ̀ nyaʼa sɨə tekɨ ɨsɨg.

Mə̀Hibrù 6:18

Ɨnû nɨ chəi ənɨ tɨ mbɨ kwepɨ mbɨ ɨbe nɨ chəi Ŋwìə̀ bɨrɨ nɔ gha mɨghab ɨmbə̀ʼ mbɨwən. Əne mbà mbe nɨ fə norɨ wo nə̀mbɨ̀ əton məd mbe tɨ rɨ̀ yim fîŋ ɨmbə̀ʼ berɨ ənû ze nɨ tɨə nùŋ rɨkɔndɨ wòmə̀.