Mk 14:35 - Meta’

³⁵ Wɨ̀ nyaʼa ghà əne, yèndɨ̀ wò ɨmbì rɨpiî, pè kub ɨfě ə si, kɔ kɔŋgɨ ə Ŋwìə̀ ghà ni, ɨchî mɨ chwiə, wɨ̀ ghɨ̀ ni nyùmə̀ ŋgəʼ we che rɨ ɨgwɨ ni.

Ikan feg

³⁵ Wì ya ghà ane, yèndì ghò imbìghè iki piʼì, pè nɔ̀kì aseg kùbri ife, ko se chàʼrà Ŋwiye gha, icheg mə̀ chwi, Ŋwiye ghìyə gha imbə̀ʼ nyùmə̀ ngəʼ ze si yeʼe yi igun inum.

Mk 14:35 교차 참조

Matìyò 26:39

Ənɨ wɨ̀ nyaʼa ghà əne, wɨ̀ nyaʼa yèndɨ̀ wò ɨmbì rɨpiî, pè kub ɨfě ə si, kɔ̀ŋgɨ̀ ə Ŋwiə̀ ghà ni, “Mɨ Mbǎʼ, ɨchî mɨ chwiə, à ghɨ̀ ŋgəʼ zɔ̂ chè rɨ ɨgwɨ num. Àyɨə ghɨ yeʼ ənû ze nɨ à kə̀bɨ, kaʼi əze nɨ mə̀ kəbɨ.”

Matìyò 26:45

Wɨ̀ nyaʼa bə̀ndɨ̀ wò əsɨ mə̀mə̀ə̀nɨ̀-ɨnû mbe pè ghà əmbɨ mɨ̀mə̌d ni, “Mbə̀ kɨə kɨrɨ gwenə bə̀ zwììrɨ̀ əwən ə? Mbə̀ zə ni nyùmə̀ fə kùʼi, əne mbɨ fə fèn Wan Wə̀d əmbɨ ə bə̂d nɨə ghɨ̀ ɨnû rɨbɔ̀ŋ.

Mk 14:41

Wɨ̀ nyaʼa bə̀ yì wò ənɨ ɨghəm nɨ pe tad, pè ghà əmbɨ mɨ̀mə̌d ni, “Mbə̀ kɨə kɨrɨ gwenə bə̀ zwììrɨ̀ əwən ə? Zɨə kuʼ əne. Nyùmə̀ fə kùʼ i. Mbɨ fə fèn Wan Wə̀d əmbɨ ə bə̂d nɨə ghɨ ɨnû rɨbɔ̀ŋ.

Lk 22:41

Ənɨ wɨ̀ nyaʼa ghà əne, wɨ̀ nyaʼa wò ɨmbì rɨpiî, ɨghabɨ ɨchî nɨ wə̀d maʼ ɨti, pè chìndɨ̀ ɨtu ɨnywɨ ə si, kɔ̀ŋgɨ̀ ə Ŋwiə̀ ghà ni,

Jn 12:23

Yeso nyaʼa wììrɨ̀ əmbɨ mɨ̀mə̌d ni, “Nyùmə̀ fə kùʼi nɨ Ŋwìə̀ bɨrɨ ghɨ ni mbɨ wumnɨ Wan Wə̀d.

Mə̀Hibrù 5:7

Ənɨ Yeso nyaʼa ɨgwɨ ə si, ɨ wɨə nyaʼə kɔ̀ŋgɨ̀ ə Ŋwìə̀ bə̀ nɔn ɨnû rɨ əmbɨ ə Ŋwìə̀ we nɨ tɨ̀ wɨ̀ nyaʼa fe əməd tɨ əmbɨ ɨvɨ. Ɨ wɨə nyaʼə kɔŋgɨ əne mbɨ əwob ə ka ka fɔrɨ mbɨ mɨsɨ əghə. Ŋwiə̀ nyaʼa zu ə̀kɔ̀ŋgɨ̀ əməd ɨmbə̀ʼ ɨghəm nɨ wɨ̀ nyaʼa swi i ɨnyod wumnɨ ə Ŋwiə̀.

Ɨnû 4:10

bə̂d kyeŋ mbe ɨwum be chɔ̀b rɨkwè gundɨ ə si ɨfě məd we nɨ chub ɨgun ətən ɨfɔ̀n, wumnɨ əməd we nɨ ten i koŋ. Mbɨ màʼrɨ̀ tə rɨdəm mɨfɔ̀n ə si ɨfě ətən ɨfɔ̀n ze, kwerɨ ɨkyî ghà ni,

Ɨnû 5:14

Ɨghɨ mbe ɨkwè nɨ yeʼ ɨkǎ nyaʼa wììrɨ̀ ni, “À yɨ əne!” Bə̂d kyeŋ mbe nyaʼa gundɨ ə si wumnɨ ə Ŋwiə̀ bə̀ wumnɨ Wan njɨ̀g.