Mk 13:27 - Meta’

²⁷ Wɨ̀ bɨrɨ tom mbi mbɨ̀aŋgɨrə̀ ni mbɨ fetɨ bə̂d məd mbe nɨ wɨ̀ chɔʼɔ rɨ ənɨ rɨbu ɨsɨg te rɨ̀kwè. Mbɨ bɨrɨ kɔ fetɨ rɨ ənɨ ɨnwǐ si wò pè ɨnwǐ ɨkaŋ.

Ikan feg

²⁷ Wì biri tɔm ìmbi mbè angirə̀ gha mbe feti bəd məd mbe ne wì chɔʼi ane tibug isəg te tikwè. Mbi biri ko feti ane ìnwḭ iseg ghò pè ìnwḭ ikaŋ.”

Mk 13:27 교차 참조

Matìyò 12:42

Ɨgwɨ əni ze nɨ Ŋwìə̀ ə sob mɨsaʼi, ɨfɔ̂n əyi we rɨ ə Shebà bɨrɨ nɔ̀ʼ zɨ ɨsaʼi ɨgwɨ ɨghəm bə̂d wɔ̂ rɨ̀nîn, ɨmbə̀ʼ ɨghəm nɨ wɨ̀ nyaʼa yeʼe rɨ ɨnwǐ ɨsɨg ɨmbə̀ʼ zu ɨnû ɨwe rɨ əmbɨ Solomòn. Àyɨə mbə̀ zə ni wə̀d mɔʼɔ zɨ əgha nɨ dabə chè ə Solomòn.

Matìyò 13:41

Wan Wə̀d bɨrɨ cha mbi mbɨ̀aŋgɨrə̀, mbɨ wò fetɨ ɨghɨjìm mbe nɨə ghɨ̀ə̀ ni bə̂d ghɨ ɨnû rɨbɔ̀ŋ, bə̀ fetɨ bə̂d mɨ̀jìm mbe nɨə ghɨ̀ ɨnû rɨbɔ̀ŋ chɨ̀ rɨŋga ənû ɨfɔ̀n əməd,

Matìyò 13:49

À yɨ ɨchî nɨ zɨə bɨrɨ nɨ yeʼ we ənɨ ɨsɨg bɨrɨ nwìə̀. Mbɨ̀aŋgɨrə̀ bɨrɨ yeʼe pè chɨ̀ bə̂d mbe nɨə ghɨ̀ ɨnû rɨbɔ̀ŋ rəbɔʼ mbe nɨə ghɨ̀ ɨnû nɨ kuʼnɨ,

Matìyò 24:22

À mɨ yeʼ nɨ chəi Ŋwìə̀ nyaʼa fə be sobrɨ ɨnun ɨni mbe, njɨ chəi wə̀d mɔʼɔ bɨrɨ jwɨ rəŋgəʼ. Wɨ̀ bɨrɨ wom sobrɨ ɨnun ɨni mbe ɨmbə̀ʼ ɨghəm bə̂d mbe nɨ wɨ̀ nyaʼa fə chɔʼɔ.

Matìyò 24:24

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

Matìyò 24:31

Tàŋ mɨ ghàm rɨ̀kǎ, wɨ̀ tom mbi mbɨ̀aŋgɨrə̀ ɨba ɨsɨg mbe kwè ni mbɨ fetɨ mbi bə̂d mbe nɨ wɨ̀ chɔʼɔ, kɔ rɨ ənɨ ɨbu ɨsɨg fibɨ̀ wò pè ənɨ wɨ cherə.

Mk 13:20

À kɨ̀ nɨ chəi Ə̀nùŋɨ̀sɨg nyaʼa fə sobrɨ ɨnun ɨni mbe, njɨ chəi wə̀d mɔʼɔ bɨrɨ jwɨ̀ rəŋgəʼ. Wɨ̀ nyaʼa sobrɨ ɨmbə̀ʼ bə̂d məd mbe nɨ wɨ̀ nyaʼa fə chɔʼɔ.

Mk 13:22

Bə̂d mbe nɨ Ŋwìə̀ zɔʼɔ mɨghab, mbɨ ə bə̂d ɨ̀kə̀n Ŋwiə̀ mɨghab bɨrɨ jwɨ̀, əne ghɨ̀ ɨnweenɨ-ɨnû bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ chɔʼɔ.

Mk 13:28

“Mbə̀ kwembɨ ənû ə mɔʼɔ tɨ ənɨ əzed ə fîg. Tɨtəb rɨ bɔd mɨ jwɨ̀ sɨə chə̀ʼə̀, mbə̀ kyerɨ ni ɨchɨ fə tiinɨ.

Lk 16:22

Wə̀d ɨkwaŋ we nyaʼa kwɨ, əne mbɨ̀aŋgɨrə̀ nyaʼa beʼ əməd wò nùŋ ɨban ə Abràham. Wə̀d mbɔ̂n we nyaʼa bə kwɨ mbɨ tweŋɨ.

Lk 18:7

Əsob mɨ̀sàʼi rɨbɔ̀ŋ we mɨ yeʼə ghɨ̀ əne, njɨ ka Ŋwìə̀ wa bɨrɨ weerɨ i bə̂d ɨməd mbe nɨ wɨ̀ chɔʼɔ, ɨchî nɨ mbɨə zə̀ʼ ɨ bɔ əziə mbɨ ɨzimɨ ə? Wɨ̀ wa bɨrɨ tàndɨ̀ bɔŋ weerɨ mɨ̀mə̌d ə?

Jn 10:16

Mə berɨ njɨ̀g rɨ cherə nɨ chəi ɨŋga əkad ə njɨ̀g zɔ̂. Mə berɨ bɨ nɨŋ njɨ̀g te yeʼe mbɨ rɨwən. Tɨ bɨrɨ zu mɨ gɨ̂, əne njɨ̀g te rɨ̀jìm bɨrɨ fɔtɨ ɨŋga əkad ə mɔʼ. Əne ənə̂ŋgɨ̀-njɨ̀g mɔʼ bɨrɨ nəŋgɨ mɨ̀mə̌d.

Jn 11:52

Chəi wɨ̀ bɨrɨ kwɨ àmei ɨgwɨ ətu mɨ̀mə̌d, wɨ̀ berɨ bɨ kwɨ ɨmbə̀ʼ fɔtɨ bɔn Ŋwiə̀ mɨ̀jìm mbe nɨ jaŋ ɨŋga ɨsɨg.

Rm 8:33

À kɨə we nɨ bɨrɨ zɨ ɨsaʼi ɨgun ə bə̂d mbe nɨ Ŋwìə̀ chɔʼ ə? À yɨə Ŋwìə̀ benɨ ni mbɨ fə təm kùʼnɨ̀.

Kòlosè 3:12

Əne mbə̀n mbe nɨ Ŋwìə̀ fə chɔʼ ni mbə̀ yeʼ mbi bə̂d berɨ yeʼ bə̂d zeŋɨ nɨ wɨ̀ ghaʼi kwàʼ rɨŋgəʼ. Mbə berɨ diirɨ bə̂d cherə. Mbə berɨ berɨ ɨbɔŋ fîŋ. Mbə berɨ berɨ bɔtɨ ɨnyod. Mbə berɨ berɨ ɨbɔtɨ fîŋ bə̀ berɨ ɨyim fîŋ.

2 Tès 2:1

Mba bɔŋgɔb, ɨmbə̀ʼ ənû nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe fɔrɨ ɨmbə̀ʼ ɨchî nɨ tɨ̀ bɨrɨ fetɨ wo kumnɨ əməd, tɨ̀ wɨə buʼ ɨbɔ ɨ nən ni,

2 Timotì 2:10

Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.

1 Pità 1:2

Ŋwìə̀ Mbǎʼ nyaʼa chɔʼ əwən ni mbə̀ yeʼ mbi bə̂d ɨchî nɨ wɨ̀ nyaʼa fə nuŋɨ. Əzwî əməd ə fə ghɨ̀ mbə zeŋ, ɨmbə̀ʼ mbə̀ zuunɨ ə Yeso Kristo bə̀ ghɨ̀ ni ənəm əməd ze nɨ wɨ̀ nyaʼa chəmnɨ ə zeŋnɨ əwən. Ɨ̀chɔ̀m Ŋwiə̀ mbɨ əbɔrəbɔd əməd yeʼe ɨgwɨ nən ɨ ə̀bù ə̀bù.