Mk 13:22 - Meta’

²² Bə̂d mbe nɨ Ŋwìə̀ zɔʼɔ mɨghab, mbɨ ə bə̂d ɨ̀kə̀n Ŋwiə̀ mɨghab bɨrɨ jwɨ̀, əne ghɨ̀ ɨnweenɨ-ɨnû bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ chɔʼɔ.

Ikan feg

²² Mə̀kristo ako ne biri gha mbɔb ya bəd ne Ŋwiye zɔ̀ʼi, tì bədkə̀n ne ghà inug ako biri dù, ane ghì ineni inug bə̀ ghì inug yeti, imbə̀ʼ fèbrì bəd. Ze mə̀ chwi, mbi fèbrì bəd mbe ne Ŋwiye chɔ̀ʼi.

Mk 13:22 교차 참조

Matìyò 24:24

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

Matìyò 7:15

“Mbə̀ we əwən mbɨ ə bə̂d ɨ̀kə̀n mɨghab. Ɨ mbɨə yeʼe əsɨ nən ɨŋga gôb rɨ njɨ̀g, àyɨə ɨŋga fîŋ tɨ mɨ̀mə̌d mbɨ yɨ ɨghabɨ ɨfɔn nɨ njì tɨə zaŋə.

Mk 13:21

“Wə̀d mɔʼɔ mɨ ghà ɨ nən ənɨ ə nyùmə̀ we ni, 'Mbə̀ zə, wɔ̂ yɨə Wə̀d we nɨ Ŋwìə̀ zɔʼɔ!' kɨ̀ ni, 'Mbə̀ zə, à yɨə məd wə!' tɨ mbə̀ ben ə.

Mk 13:23

Əne mbə̀ we ə. Mə fə ghà ɨnû jìm ɨ nən bɔŋ nyùmə̀ sɨə kùʼə̀.”

Mk 13:6

Bə̂d mɨ̀nɔnɔʼ bɨrɨ yeʼe nɨŋ mɨ ɨkum yènə̀ ghàə̀ ni, 'Mɔ̌ yɨə wə̀d we nɨ Ŋwìə̀ zɔʼɔ!' Mbɨ bɨrɨ gha əne fèbrɨ̀ bə̂d mɨ̀nɔnɔʼ.

Jn 4:48

Yeso nyaʼa gha ɨ bɔ ni, “Chəi wə̀d mɔʼɔ rəbɔʼ nən bɨrɨ nɔ benɨ, kɨrɨ ənɨ mbə̀ zə ɨnweenɨ-ɨnû fɔrɨ ɨnû yiirɨ.”

2 Timotì 2:19

Àyɨə əchɨ ə nəb ə ka ka ze nɨ Ŋwìə̀ fə zi ə kàŋ təm kàànɨ̀. Mbɨ ŋwàʼnɨ̀ ɨgun ni, “Ə̀nùŋɨ̀sɨg ə kyerɨ bə̂d mbe nɨ yeʼ mbɨ məd,” mbɨ ni, “Wə̀d jìm we nɨə ghà ni tə yɨə wə̀d Ə̀nùŋɨ̀sɨg berɨ waʼ ɨnû rɨbɔ̀ŋ.”

1 Jɔn 2:18

Mbɨ bɔn, nyùmə̀ we nɨ ɨsɨg ə wò nwìə̀ fə tiinɨ. Mbə nyaʼa fə zu ni wə̀d pə̀n Kristo wɨə yeʼe. Tɨ̀nîn bə̂d pə̀n Kristo nɔnɔʼ fə yeʼe. Əzɔ̂ ə fə ghɨ̀ tɨ̀ kyerɨ ni nyùmə̀ we nɨ ɨsɨg ə wò nwìə̀ fə tiinɨ.

1 Jɔn 2:19

Bə̂d pə̀n mbɔ̂ yɨ rəkaʼ na, àyɨə chə nyaʼa i mɨ̀mə̌d ɨŋga a ɨfɔtɨ. À kɨ nɨ mbɨ nyaʼa rɨŋga a ɨfɔtɨ, njɨ mbɨ nyaʼa chubɨ mbɨ na. Àyɨə mbɨ nyaʼa jwɨ̀ ɨmbə̀ʼ zɨə zeŋ ni chə nyaʼa i mɨ̀mə̌d ɨŋga a ɨfɔtɨ.

1 Jɔn 2:26

Mə wɨə ŋwàʼnɨ̀ ənû zɔ̂ ɨ nən ɨmbə̀ʼ bə̂d mbe nɨə kə̀b tambɨ əwən.

Ɨnû 13:8

Bə̂d mɨ̀jìm mbe nɨə chub ɨgwɨ ə si bɨrɨ wumnɨ nyam kyeŋ ze. Əne yɨ mbe nɨ chəi mbɨ nyaʼa ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa fə ŋwàʼnɨ̀ rɨkum te bɔŋ wɨ̀ nyaʼa sɨə tekɨ ɨsɨg. Ə̀ŋwàʼnɨ̀ ze yɨ əzɨ ə Wan njɨ̀g we nɨ mbɨ nyaʼa kyemɨ.

Ɨnû 17:8

Nyam kyeŋ ze nɨ à nyaʼa zə nyaʼa kweʼ yeʼ ɨkǎ, àyɨə rɨ̀nîn zɨ̀ fə kwɨ. Zɨ̀ bɨrɨ kɔʼ jwɨ̀ rɨŋga ɨbɨgɨ we nɨ chəi ɨnwǐ, sɨ wò əsɨ ze nɨ mbɨ bɨrɨ nimnɨ əməd. Bə̂d mbe rɨ ɨgwɨ ə si nɨ chəi mbɨ ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ bɔŋ ə Ŋwìə̀ nyaʼa sɨə tekɨ ɨsɨg, mbɨ nyaʼa fə ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, bɨrɨ yiirɨ. Mbɨ bɨrɨ yiirɨ ɨmbə̀ʼ ɨghəm nɨ nyam ze nyaʼa kweʼ yeʼ ɨkǎ, tɨ̀nîn zɨ̀ fə kwɨ i, àyɨə zɨ̀ bɨrɨ wɨrɨ jwɨ̀.