Mk 12:37 - Meta’

³⁷ Dèvîd ziə wɨə tɔŋ əməd ənɨ Ə̀nùŋɨ̀sɨg. Zɨə sɨ wɨrɨ chè rɨ ye ni məd yɨə wan tɨ ənɨ əghaŋ əməd ə?” Ɨnɔ̂n bə̂d we nyaʼa ghaʼ nɨ zu ənû ze nɨ wɨ̀ nyaʼə ghàə̀.

Ikan feg

³⁷ Dèvid ziye ya kàrì Yeso ane Anɔŋisəg. Ze si ywìrì chè iye gha Anɔŋisəg ya ŋwan ane aghaŋ məd? Inɔ̰ bəd we ya kɔ̀ŋ ni zug inug mbe ne wì yaya ghà.

Mk 12:37 교차 참조

Matìyò 1:23

“Zə, əyi rɨkyerɨ mbaŋə̀ bɨrɨ bɔŋ ɨbum gywɨ wan mbaŋə̀, mbɨ chù əməd ni Imanuèl” əne yɨ ni, “Ŋwìə̀ wɨ mbɨ na.”

Matìyò 11:25

À nyaʼa ənɨ ə nyùmə̀ we, Yeso nyaʼa ghà ni, “Mɨ Mbǎʼ, Ə̀nùŋɨ̀sɨg ɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ-ɨnû, sɨ chwiə yeʼ əmbɨ ə bɔn bɔd.

Matìyò 11:5

Mɨfɨgɨ̀ mbɨə sɨə zə ɨsɨ, bə̂d nɨə tèʼ ɨwu mbɨə sɨə yèn ɨchî chɔ̀m, əpabɨ ə mì i rɨ ənɨ bə̂d mbe nɨ nyaʼə wɔ̀n əpabɨ, mbɨ̀rɨko mbɨə sɨə zu ɨnû, ɨvɨ bə̂d zwemə, ɨ mbɨə bə̀ ghà ɨkə̂n chɔ̀m əmbɨ bə̂d ɨkwaŋ.

Matìyò 21:45

Ənɨ bə̂d kyeŋ mbe rɨ ə mbàn Ŋwìə̀ mbɨ mɨ̀Farisiî nyaʼa zu ɨnû mɨgɨ məd mbe, mbɨ nyaʼa kyerɨ ni ɨ wɨə nyaʼə ghà ɨnû mbe ɨmbə̀ʼ əwən.

Matìyò 21:46

Əne ɨ mbɨ nyaʼa kəb gywɨ əməd, àyɨə ɨ mbɨ nyaʼa bɔ ɨnɔ̂n bə̂d we, ɨmbə̀ʼ ɨghəm nɨ mbɨ nyaʼa ben ni məd yɨə wə̀d ɨ̀kə̀n Ŋwìə̀.

Lk 19:48

àyɨə chəi mbɨ nyaʼa zə ɨnə̂njɨ̀ nɨ zwiirɨ əməd ɨmbə̀ʼ ɨghəm nɨ bə̂d mɨjìm mbɨə nyaʼə kə̀b zu ɨnû jìm mbe nɨ wɨ̀ nyaʼə ghàə̀.

Lk 21:38

À sɨ ɨsɔsɔ, bə̂d mɨ̀jìm mbɨə nyaʼə wò əsɨ məd ɨŋga mbàn Ŋwìə̀ ɨmbə̀ʼ zu ɨnû mbe nɨ wɨ̀ nyaʼə ghàə̀.

Jn 12:9

À nyaʼa ənɨ ə nyùmə̀ we, ɨnɔ̂n mɨ̀Jû we nɨ nyaʼa wo ənɨ əchwɨ̂ ze nyaʼa zu ni Yeso wɨ ə Betanì, əne mbɨ nyaʼa wò əŋgu. Chəi mbɨ nyaʼa wo əŋgu àmei nɨ zə ə Yeso. Mbɨ nyaʼa bə̀ wò ɨmbə̀ʼ zə ə Lazarɔ̀s we nɨ Yeso nyaʼa zwemnɨ.

Rm 9:5

Mbɨ yɨə bɔn tɨ ənɨ əghaŋ mɨ̀mbǎʼ ɨnəbɨ mɨ̀Izre. Wə̀d we nɨ Ŋwìə̀ zɔʼɔ ə jwɨ̀ rɨŋga ɨnəbɨ we. Məd yɨə Ŋwìə̀ we nɨə tùmbɨ̀ ɨghɨjìm. Tɨ̀ yiirɨ ə Ŋwiə̀ koŋ. À yɨ əne.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Ɨnû 22:16

“Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”