Mk 11:14 - Meta’

¹⁴ Əne Yeso nyaʼa ghà əmbɨ əzed ə fîg ze ni, “Chəi wə̀d mɔʼɔ bɨrɨ nɔ wɨrɨ kud fɨtam nɨ à kɔ̌!” Ənɨ wɨ̀ nyaʼa ghà əne, mə̀mə̀ə̀nɨ̀-ɨnû ɨməd nyaʼa zu.

Ikan feg

¹⁴ Ane, Yeso ya ghà abə azed fig ze gha, “Chəyi wə̀d mɔ̀ʼɔ biri nɔ̀ʼ ywiri kud fitam ane ine!” Anyumə̀ ne wì ya ghàmi ane, mə̀mə̀nənùg məd ya zug.

Mk 11:14 교차 참조

Matìyò 21:19

Wɨ̀ nyaʼa zə əzed ə fîg ɨban ɨnə̂njɨ̀, əne wɨ̀ nyaʼa wo nèŋ àyɨə chəi wɨ̀ nyaʼa zə fɨtam ɨkaŋ. Wɨ̀ nyaʼa zə àmei rɨfuʼ wən. Əne wɨ̀ nyaʼa ghà əmbɨ əzed ze ni, “Chəi à bɨrɨ wɨrɨ nɔ kɔ fɨtam.” Àmei əwu əwən, əzed ze ə nyaʼa zom i.

Matìyò 21:33

“Mbə̀ zu ənû ə mɨgɨ ə cherə. Wə̀d mbeŋ mɔʼɔ nyaʼa kon i mbeŋ vaìn. Wɨ̀ nyaʼa kod ɨkam ghab, toŋ ɨbɨgɨ nɨ mbɨ bɨrɨ sɨə mìn mɨnoʼ ɨŋga, bə̀ bɔm nəb ɨkaŋ nɨ mbɨ bɨrɨ sɨə chub ɨŋga ɨmbə̀ʼ nəŋgɨ mbeŋ ze. Wɨ̀ nyaʼa ghɨ̀ əne, nàʼ mbeŋ ze əmbɨ ə bə̂d mɔʼɔ ni mbɨ yim fàʼ ɨŋga. Wɨ̀ nyaʼa nàʼ əne, nɔ̀ʼ wò ɨŋga əbeŋ ə cherə.

Matìyò 21:44

[Wə̀d we nɨ gu ɨgun ɨti wɔ̂ bɨrɨ sopə tɨkə rɨkə. Ɨti we mɨ bə̀ feŋ ɨgun ə wə̀d mɔʼɔ, wɨ bɨrɨ wɔʼ əməd.]

Matìyò 3:10

Ka àbei rɨ̀nîn, Ŋwìə̀ fə boŋ jam ɨban ɨghaŋ ɨzed. Əne wɨ̀ bɨrɨ wad ɨzed jìm mbe nɨ chəi mbɨ kɔ rɨtam chɔ̀m màʼ ɨŋga ɨwid.

Matìyò 7:19

Mbɨ bɨrɨ wad əzed ze nɨ chəi zɨə kɔ rɨtam chɔ̀m màʼ ɨŋga ɨwid.

Mk 11:13

Wɨ̀ nyaʼa təm zə əzed ə fîg əsa əgha nɨ nyaʼa mbɨ rɨfuʼ ɨkaŋ. Wɨ̀ nyaʼa zə əne tindɨ wò ɨban ɨ zə ni tə wa bɨrɨ zə əghɨ ə mɔʼɔ ɨkaŋ ə. Ənɨ wɨ̀ nyaʼa pe əton əzed ze, wɨ̀ nyaʼa zə àmei rɨfuʼ, ɨmbə̀ʼ ɨghəm nɨ ka nyùmə̀ we yɨə nyaʼa i nyùmə̀ nɨ mɨ̀fîg ə kɔə.

Mk 11:15

Ənɨ Yeso mbɨ mbi mə̀mə̀ə̀nɨ̀-ɨnû nyaʼa wò pè ə Jèrusalèm, wɨ̀ nyaʼa wò nyɨ ɨŋga mbàn Ŋwìə̀ pè kɔ kəndɨ bə̂d mbe nɨ nyaʼə fèndɨ̀ ɨghɨ bə̀ kəndɨ mbe nɨ nyaʼə zòndɨə. Wɨ̀ nyaʼa kub mɨ̀tebrə̀ bə̂d mbe nɨ nyaʼə kobrɨ ɨkab bə̀ kub ɨtən bə̂d mbe nɨ nyaʼə fèndɨ̀ mbɨ̀rə̀bəŋə.

Jn 15:6

Wə̀d mɔʼɔ we nɨ chəi wɨ̀ chub ənɨ ənû ə mɔʼ mbɨ num, mbɨ sob əməd waʼ ɨchî nɨ mbɨə waʼ fɨtəb zobɨ. Bə̂d bɨrɨ fetɨ rɨtəb zobɨ te màʼ ɨŋga ɨwid tɔ̀n.

2 Pità 2:20

Bə̂d mɨ fə kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ, əne nòrɨ̀ tɨ ənɨ ɨnû rɨbɔ̀ŋ mbe nɨ yeʼ ɨŋga ɨsɨg, àyɨə ɨnû rɨbɔ̀ŋ mbe wɨrɨ gywɨ̀ mɨ̀mə̌d baŋə, njɨ ŋgəʼ ze nɨ bɨrɨ nyɨ ɨgwɨ mɨ̀mə̌d bɨrɨ bə chè ze nɨ mbɨ nyaʼə be ɨŋga.

Ɨnû 22:11

Wə̀d we nɨə ghɨ̀ ɨnû rɨbɔ̀ŋ wo ɨmbì ghɨ̀ ɨnû rɨbɔ̀ŋ. We nɨə nyɔɔnɨə wo ɨmbì nyɔɔnɨ. We nɨə ghɨ̀ ɨnû nɨ kuʼnɨ wo ɨmbì ghɨ̀ ɨnû nɨ kuʼnɨ. We nɨ zeŋɨ wo ɨmbì ghɨ̀ ɨnû zeŋɨ zeŋɨ.”