Mk 10:47 - Meta’

⁴⁷ Ənɨ wɨ̀ nyaʼa zu ni à yɨə Yeso rɨ ə Nazàret nyaʼə chèə̀, wɨ̀ nyaʼa kɔ kyeŋ ghà ni, “Yeso, Wan Dèvîd, diirɨ əmɨ!”

Ikan feg

⁴⁷ Anyumə̀ ne wì ya zug gha à ya Yeso a Nazarèd we chè, wì ya ko se kyḛ gha, “Yeso, Ŋwan ifɔn Dèvid, dìgre igun inum!”

Mk 10:47 교차 참조

Matìyò 1:1

Wɔ̂ yɨ ɨwaŋ tɨ̀ghə̀m rɨ mɨ̀mbǎʼ Yeso Kristo rəŋwe. Yeso Kristo yɨə wan tɨ ənɨ əghaŋ ə Dèvîd we nɨ nyaʼə wan tɨ ənɨ əghaŋ ə Abràham.

Matìyò 12:23

Bə̂d mɨ̀jìm nyaʼa zə əne yiirɨ ghà ni, “Tɨ̀ mbɨ nàʼ wɔ̂ yɨə Wan Dèvîd ə?”

Matìyò 15:22

Əyi mɔʼɔ nɨ nyaʼa rɨ ə Kanàan, nɨ nyaʼə chub əbà əbeŋ ze nyaʼa wò əsɨ məd pè kyeŋ rɨkǎ ghà ni, “Masà! Wan Dèvîd! Diirɨ əmɨ! Əzwî rɨbɔ̀ŋ ə fə nyɨ ɨŋga mɨ wan əyi. Ə zɨə kàŋə̀ chə əməd kwàʼ rɨŋgəʼ.”

Matìyò 2:23

Wɨ̀ nyaʼa pè chub əsɨ ze nɨ mbɨ nyaʼə tɔŋ ənɨ ə Nazàret, ɨmbə̀ʼ ənû ze nɨ bə̂d ɨ̀kə̀n Ŋwiə̀ nyaʼa gha, ə jwɨ ənɨ rəsìʼ ni, “Mbɨ bɨrɨ sɨə tɔŋ əməd ənɨ wə̀d rɨ ə Nazàret.”

Matìyò 20:30

Mbaŋə̀ rɨ̀be nɨ nyaʼa mɨfɨgɨ̀ nyaʼa chub ɨban ɨnə̂njɨ̀. Ənɨ mbɨ nyaʼa zu ni Yeso wɨə chèə̀, mbɨ nyaʼa kyeŋ kwàʼ rɨ̀kǎ ghà ni, “Wan Dèvîd, diirɨ əwa!”

Matìyò 21:11

Mɨnɔ̂n bə̂d mbe nyaʼa ghà ni, “Wɔ̂ yɨə Yeso we nɨ yeʼ wə̀d ɨ̀kə̀n Ŋwìə̀. Wɨ̀ yɨ rɨ ə Nazàret ə Galiliî.”

Matìyò 21:9

Mɨnɔ̂n bə̂d mbe nɨ nyaʼə wò ɨmbì mbɨ mbe nɨ nyaʼə beenɨ rɨ ənjìm, nyaʼə yènə̀ kyeŋə ghàə̀ ni, “Tɨ̀ yiirɨ ə Wan Dèvîd! Ŋwìə̀ zɨ əbɔrəbɔd ɨgun ə wə̀d we nɨə yeʼe ənɨ ɨkum Ə̀nùŋɨ̀sɨg. Tɨ̀ yiirɨ ə Ŋwìə̀ we nɨ yeʼ ɨkaŋ!”

Matìyò 26:71

Ənɨ wɨ̀ nyaʼa ghà əne, wɨ̀ nyaʼa jwɨ̀ wò ɨchû ɨkam. Wan əyi ə̀fàʼì cherə zə nyaʼa əməd, əne ghà əmbɨ ə bə̂d mbe nɨ nyaʼa təmbɨ ɨban ɨban ni, “Mbaŋə̀ zɔ̂ wɨə kə̀ʼ mbɨ Yeso we rɨ ə Nazàret.”

Matìyò 9:27

Ənɨ Yeso nyaʼə nɔ̀ʼə̀ rɨ əsɨ ze, mbaŋə̀ rɨ̀be nɨ nyaʼa fɨgə nyaʼə beenɨ əbɔʼ məd yènə̀ kyeŋə rɨ̀kǎ ghàə̀ ni, “Wan Dèvîd, diirɨ əwa!”

Mk 1:24

Wɨ̀ nyaʼa kɔ kyeŋ rɨ̀kǎ ghàə̀ ni, “Yeso rɨ ə Nazàret! À berɨ ənû ə ye nɨ ghɨ̀ mbɨ nà ə? À wa yeʼe ɨmbə̀ʼ nimnɨ əwa ə? Mə kyerɨ wə̀d we nɨ à yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Lk 4:16

Yeso nyaʼa wò ə Nazàret, nɨ yeʼ əsɨ ze nɨ wɨ̀ nyaʼa kwi əŋgu. À nyaʼa ɨgwɨ əni əkwɨ mɨ̀Jû, wɨ̀ nyaʼa wò ɨŋga nəb ə̀kàtɨ̀ ze rɨ əsɨ ze, ɨchî nɨ wɨ̀ nyaʼa mɨ̀ə̀ ghɨ̀ə̀. Wɨ̀ nyaʼa nɔ̀ʼ təm rətiə ɨ foŋ ɨŋgam Ŋwiə̀,

Jn 1:46

Natanaèl nyaʼa biirɨ ɨ bɔ ni, “Tɨ ənû ə chɔ̀m ə mɔʼɔ ə jwɨ̀ rɨ ə Nazàret ə?” Filip nyaʼa wììrɨ̀ ɨ bɔ ni, “Yeʼe, zə.”

Jn 19:19

Pailèt nyaʼa ŋwàʼnɨ̀ ə̀ŋwàʼnɨ̀ ə mɔʼɔ nɨ mbɨ nyaʼa kombɨ ətu əzed ə baʼnɨ ze. Wɨ̀ nyaʼa ŋwàʼnɨ̀ ni, “Yeso rɨ ə Nazàret, Ɨfɔ̂n mɨ̀Jû.”

Jn 7:41

Mbɨ cherə nyaʼa ghà ni, “Məd yɨə Wə̀d we nɨ Ŋwìə̀ zɔʼɔ!” Àyɨə mbɨ mɔʼɔ nyaʼa ghà ni, “Wə̀d we nɨ Ŋwìə̀ zɔʼɔ wa bɨrɨ yeʼe rɨ ə Galiliî ə?

Jn 7:52

Mbɨ nyaʼa wììrɨ̀ ɨ bɔ ni, “Àwɔ̀ wa kɨ rɨ ə Galiliî bə ə? Jeŋgɨ neŋ ɨŋga Ə̀ŋwàʼnɨ̀ ə Ŋwiə̀, əne à bɨrɨ zə ni chəi wə̀d ɨ̀kə̀n Ŋwìə̀ mɔʼɔ bɨrɨ jwɨ rɨ ə Galiliî.”

Ɨ̀fàʼì 6:14

Tɨ̀ nyaʼa zu ənɨ wɨ̀ nyaʼa gha ni Yeso we rɨ ə Nazàret bɨrɨ saʼ mbàn Ŋwìə̀, bə̀ kwepɨ mɨchî əbeŋ mbe nɨ Mose nyaʼa naʼ ɨ na.”

Ɨnû 22:16

“Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”