Mk 10:24 - Meta’

²⁴ Mə̀mə̀ə̀nɨ̀-ɨnû mbe nyaʼa zu ɨŋgam we, yiirɨ kwàʼ rɨŋgəʼ. Àyɨə Yeso nyaʼa yì ghà əmbɨ mɨ̀mə̌d ni, “Bɔn, zɨə kàŋ seə nɨ nyɨ ɨŋga ənû ɨfɔ̀n ə Ŋwiə̀!

Ikan feg

²⁴ Mə̀mə̀nənùg mbe ya zug ìngam we, anug chè awɔb. Si ya gha, Yeso ya ywìrì ghà inɔb gha, “Ìmbum bɔn, ze taŋ ka ni nyi inga anug ìfɔ̀n Ŋwiye!

Mk 10:24 교차 참조

Matìyò 19:25

Ənɨ mə̀mə̀ə̀nɨ̀-ɨnû mbe nyaʼa zu ənû zɔ̂, mbɨ nyaʼa yiirɨ kwàʼ rɨŋgəʼ, əne gha ni, “Zɨə nɨə yeʼ əne, njɨ à kɨə we nɨ tɨ̀ wɨ̀ jwɨ̀ rəŋgəʼ ə?”

Mk 1:27

Bə̂d mɨ̀jìm mbe nɨ nyaʼa əŋgu nyaʼa yiirɨ, əne mbɨ nyaʼa sɨə biirɨə mbənə mbənə ni, “Əzɔ̂ ə kɨ ə ye ə? À kɨ ɨkwɨ ɨchî fi nɨ chwi ənû ə? Mbaŋə̀ zɔ̂ ə berɨ ɨka nɨ gham nɨ ka àbei əbɔʼ ɨzwî rɨbɔ̀ŋ, mbɨ zuunɨ əməd.”

Mk 10:23

Yeso nyaʼa nèŋ ɨsɨ kad, əne ghà əmbɨ mbi mə̀mə̀ə̀nɨ̀-ɨnû ni, “Zɨə bɨrɨ nɨ se əmbɨ ə bə̂d mbɔ̂n nɨ nyɨ ɨŋga ənû ɨfɔ̀n ə Ŋwiə̀!”

Lk 16:14

Ənɨ mɨ̀Farisiî nyaʼa zu ɨnû mbɔ̂ jìm, mbɨ nyaʼa chəʼ əməd ɨmbə̀ʼ ɨghəm nɨ mbɨ nyaʼa ghaʼ ɨkab əku.

Jn 13:33

Mbɨ bɔn, mə bɨrɨ kɨrɨ chubɨ mbɨ nən ənɨ ɨkə nyùmə̀. Ɨ nɔʼ rɨ əwɔ, mbə bɨrɨ kəb əmɨ rəkan. Ənû ze nɨ mə̀ nyaʼa gha əmbɨ ə bə̂d mbe nɨə tekɨ ɨnû ɨŋga əbeŋ mɨ̀Jû, mə yɨ əni ghà ɨ nən ni, 'Chəi ənɨ tɨ̀ mbə yeʼe əsɨ ze nɨ mɨə wò əŋgu.'

Jn 21:5

Wɨ̀ nyaʼa ghà əmbɨ mɨ̀mə̌d ni, “Mbɨ bɔn, mbə wa fə gywɨ̀ əgwi ə mɔʼɔ ə?” Mbɨ nyaʼa wììrɨ̀ ni, “Chə̂.”

Jn 6:60

Ənɨ mə̀mə̀ə̀nɨ̀-ɨnû Yeso nɔnɔʼ nyaʼa zu ənû zɔ̂, mbɨ nyaʼa ghà ni, “Ɨŋgam wɔ̂ ə kaŋ kà. À kɨə we nɨ tɨ̀ wɨ̀ ben ə?”

Gàlesìyà 4:19

Mbɨ bɔn nɨ mə̀ ghaʼi kwàʼ rɨŋgəʼ, mə wɨə yɨə zu rɨbuʼ ɨghabɨ əyi nɨə nombɨə. Mə bɨrɨ zu əne pè ənɨ mbə̀ yeʼ ɨghabɨ ə Kristo.

1 Timotì 6:17

À yeʼ ɨmbə̀ʼ bə̂d mbɔ̂n mbe nɨ yeʼ ɨŋga ɨsɨg wɔ̂, gha əmbɨ mɨ̀mə̌d ni tɨ mbɨ nɔ ə ɨnyod, kɨ̀ bè nùŋ tə rɨkɔndɨ ɨgun mbɔ̂n ze nɨə che i che. Mbɨ nuŋ rɨkɔndɨ yeʼ ɨgun ə Ŋwìə̀ we nɨə nàʼ ɨghɨ ɨ na ə̀bù-ə̀bù. Ɨ wɨə nàʼ ɨmbə̀ʼ tɨ chub ɨchî chɔ̀m.

1 Jɔn 2:1

Mbɨ bɔn nɨ mə̀ ghaʼi kwàʼ rɨŋgəʼ, mə wɨə ŋwàʼnɨ̀ ɨnû mbɔ̂ ɨ nən ɨmbə̀ʼ tɨ mbə̀ ghɨ ə ɨnû rɨbɔ̀ŋ. Àyɨə wə̀d mɔʼɔ mɨ ghɨ̀ ənû rɨbɔ̀ŋ, tɨ̀ berɨ wə̀d mɔʼɔ nɨə buʼ ɨbɔ əmbɨ Mbǎʼ ɨgwɨ mba ɨtu. Məd yɨə Yeso Kristo we nɨə ghɨ̀ ɨnû nɨ kuʼnɨ.

1 Jɔn 4:4

Mbɨ bɔn nɨ mə̀ ghaʼi kwàʼ rɨŋgəʼ, mbə yɨə bə̂d Ŋwiə̀ əne mbə fə baŋ bə̂d ɨ̀kə̀n mɨghab mbe. Mbə fə baŋ mɨ̀mə̌d ɨmbə̀ʼ ɨghəm nɨ Əzwî ze nɨ yeʼ ɨŋga nən ə chè əze nɨ yeʼ ɨŋga ɨsɨg.

1 Jɔn 5:21

Mbɨ bɔn nɨ mə̀ ghaʼi kwàʼ rɨŋgəʼ, tɨ mbə̀ berɨ ə ənû ə mɔʼɔ nɨ ghɨ̀ mbɨ mbɨ̀anèŋ.

Ɨnû 3:17

À wɨə ghàə̀ ni, 'Mə yɨə wə̀d mbɔ̂n, mə berɨ ɨghɨ nɔnɔʼ, chəi mə kwaŋ əghɨ ə mɔʼɔ.' Àyɨə chəi à kyerɨ ni tə yɨə wə̀d ŋgəʼ, ni tə yɨə wə̀d nɨ bə̂d ə neŋə kə̀nə̀, ni tə yɨə wə̀d ɨkwaŋ, ni tə yɨ ɨfɨgɨ fɔrɨ ni tə wɨ rɨ̀sɔ̀ʼ ɨkyerɨ.