Mk 10:17 - Meta’

¹⁷ Ənɨ Yeso nyaʼə jwɨ̀ə̀ wò i ɨghanɨ, mbaŋə̀ mɔʼɔ nyaʼa nòrə̀ wò pè chìndɨ̀ ɨtu ɨnywɨ ɨfě ɨ bɔ, biirɨ ɨ bɔ ni, “Əchwiə̀-ɨnû chɔ̀m, mə̀ kɨə wo ghɨ ənû ə yè bɔŋ jɨg ɨ̀tènɨ̀ rɨ mì ə?”

Ikan feg

¹⁷ Anyumə̀ ne Yeso ya nɔ̀ʼi ni ghò igha̰, mbaŋà mɔ̀ʼɔ ya nòtò ghò pè gɔ̀m itog inwḭ ibo imbìghè, biri ibo gha, “Àchwitìnùg chɔm, mə kə anìŋ ghənə bɔŋ jəg ìtḛ̀ ighə̀m imɔʼ?”

Mk 10:17 교차 참조

Matìyò 17:14

Ənɨ mbɨ nyaʼa wɨrɨ bə̀ndɨ̀ wò əsɨ ɨnɔ̂n bə̂d we, wə̀d mɔʼɔ nyaʼa wò əsɨ Yeso pè chìndɨ̀ ɨtu ɨnywɨ ɨfě ɨ bɔ, ghà ni,

Matìyò 25:34

Əne ɨfɔ̂n we bɨrɨ gha əmbɨ ə bə̂d mbe nɨ yeʼ əbɔ ə jɨgɨ ni, 'Mbə̀ yeʼe, kyɨə mbə̀n mbe nɨ mɨ Mbǎʼ fə zɨ əbɔrəbɔd ɨgwɨ nən. Mbə̀ yeʼe jɨg ənû ɨfɔ̀n ze nɨ mɨ Mbǎʼ nyaʼa fə tekɨ nùŋ ɨ nən tɨ ənɨ wɨ̀ nyaʼa tekɨ ɨsɨg.

Matìyò 28:8

Məyi mbe nyaʼa kɨ zàmbɨ̀ nɔ̀ʼ rɨ ɨchû ɨ̀sì we. Mbɨ nyaʼə yènə̀ bɔə, àyɨə ɨghaʼi nyaʼa swi ɨŋga fîŋ tɨ mɨ̀mə̌d. Mbɨ nyaʼa nòrə̀ ɨmbə̀ʼ ɨ wò ghà ənû ze əmbɨ mə̀mə̀ə̀nɨ̀-ɨnû ɨməd.

Mk 1:40

Mbaŋə̀ mɔʼɔ nɨ nyaʼə wɔ̀nə̀ əpabɨ nyaʼa wò əsɨ Yeso, pè chìndɨ̀ ɨtu ɨnywɨ ə si buʼ ɨbɔ ɨ bɔ ghà ni, “À mɨ ghaʼ, à ghɨ̀ mɨ ɨnyod zeŋ.”

Mk 10:18

Yeso nyaʼa ghà ɨ bɔ ni, “À tɔŋ əmɨ ənɨ ə wə̀d chɔ̀m ɨmbə̀ʼ ə yè ə? Chəi wə̀d mɔʼɔ əŋgu nɨ bɔŋɨ chè rɨ ənɨ ə Ŋwìə̀ rə̀zìʼ wi.

Mk 12:14

Mbɨ nyaʼa wò pè ghà ɨ bɔ ni, “Əchwiə̀-ɨnû, tɨ̀ kyerɨ ni à wɨə ghà rəsìʼ, fɔrɨ ni chəi àwɔ̀ ə bɔə bə̂d, ɨmbə̀ʼ ɨghəm nɨ chəi àwɔ̀ ə ghɨ̀ ɨghə. Àyɨə à wɨə chwiə rəsìʼ ɨmbə̀ʼ ɨchî nɨ Ŋwìə̀ kəb ni bə̂d chubɨ. Tɨkə ə wa chwiə ni tɨ̀ maʼ mɨ̀tagsɨ̀ əmbɨ Kaisà, kɨ̀ chə ə?

Mk 9:25

Ənɨ Yeso nyaʼa zə ənɨ ɨnɔ̂n bə̂d nyaʼə nòrə̀ yeʼe fetɨə, wɨ̀ nyaʼa ghàm əbɔʼ əzwî rɨbɔ̀ŋ ze ni, “Àwɔ̀ əzwî ze nɨə ghɨ̀ ni tɨ wə̀d gham i bə̀ ghɨ̀ə̀ ni tɨ wɨ̀ zu i ənû, mə ghà ɨ ne ni à jwɨ̀ e rɨŋga wan mbaŋə̀ wɔ̂. Tɨrə̀ tɔ wɨrɨ nyɨ e ɨŋga məd.”

Lk 10:25

À nyaʼa əni ə mɔʼɔ, əchwiə̀ rɨ̀kə̌ mɔʼɔ nyaʼa wò əsɨ Yeso ɨmbə̀ʼ kwaʼnɨ əməd. Əne wɨ̀ nyaʼa biirɨ ɨ bɔ ni, “Əchwiə̀-ɨnû, mə kɨə wo ghɨ yè bɔŋ jɨg ɨ̀tènɨ̀ rɨ mì ə?”

Jn 3:2

Mbaŋə̀ zɔ̂ nyaʼa wò əsɨ Yeso ɨzimɨ pè ghà ɨ bɔ ni, “Əchwiə̀-ɨnû, tɨ̀ ə kyerɨ ni àwɔ̀ yɨ əchwiə̀-ɨnû we nɨ Ŋwìə̀ tom. Chəi wə̀d mɔʼɔ əŋgu nɨ tɨ̀ wɨ̀ ghɨ̀ ɨnû yiirɨ mbɔ̂ nɨ àwɔ̀ ə ghɨ̀ə̀, kɨrɨ ənɨ Ŋwìə̀ wɨ mbɨ məd.”

Jn 5:39

Mbə mbɨə kàŋə̀ jeŋgɨə kwembɨ Ə̀ŋwàʼnɨ̀ ə Ŋwiə̀ ɨmbə̀ʼ ɨghəm nɨ mbə̀ kɔndɨ ni mbə bɨrɨ zə ɨchî nɨ jɨg ɨ̀tènɨ̀ rɨ mì ɨŋga ə̀ŋwàʼnɨ̀ ze. Mbə̀ kyerɨ ni ə̀ŋwàʼnɨ̀ ze əjìm ə zɨə ghà ɨmbə̀ʼ əmɨ,

Jn 6:40

Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

Ɨ̀fàʼì 16:30

Wɨ̀ nyaʼa ghɨ əne, nɨŋ mɨ̀mə̌d mbɨ jwɨ ɨsɨg pè biirɨ ni, “Mbɨ mɨ̀mbǎʼ, mə̀ kɨə wo ghɨ ye bɔŋ jwɨ̀ rəŋgəʼ ə?”

Ɨ̀fàʼì 2:37

Ənɨ bə̂d mbe nyaʼa zu ənû zɔ̂, zɨə nyaʼa zum fîŋ tɨ mɨ̀mə̌d, əne mbɨ nyaʼa biirɨ əmbɨ Pità mbɨ ə bə̂d tom mbə ni, “Bɔŋgɔb, tɨ̀ ghɨn ye ə?”

Ɨ̀fàʼì 20:32

“Tɨ̀nîn mə fə zɨ̀ əwən ɨŋga rɨkyerɨ-ɨbɔ Ŋwiə̀ bə̀ zɨ̀ ɨŋga ɨŋgam məd we nɨə ghɨ̀ə̀ ni wɨ̀ ghɨ̀ ɨ̀chɔ̀m ənɨ nən. Ɨkə̂n chɔ̀m we tɨ̀ wɨ ghɨ̀ mbə kwi kàànɨ̀ bə̀ ghɨ̀ mbə jɨg ɨghɨ mbe nɨ Ŋwiə̀ nuŋ əmbɨ ə bə̂d mɨ̀jìm mbe nɨ wɨ̀ zeŋnɨ.

Ɨ̀fàʼì 9:6

Àyɨə nɔʼ wò nyɨ ə Dàmaskɔ̀s. À mɨ pè əŋgu, wə̀d mɔʼɔ bɨrɨ gha ənû ze nɨ à berɨ ghɨ̀.”

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

Efesùs 1:18

Mə wɨə kɔ̀ŋgɨ̀ ə Ŋwiə̀ ni wɨ̀ fiʼ tə fîŋ mbə̀ zə ɨzeŋɨ zeŋɨ ɨmbə̀ʼ mbə̀ kyerɨ ənû mbe nɨ mbɨə nùŋ rɨkɔndɨ wòmə̀, nɨ yeʼ ɨnû mbe nɨ Ŋwìə̀ tɔŋ əwən ɨmbə̀ʼ mbɨwən. Ɨnû mbe yɨ ɨ̀chɔ̀m rɨ mì we nɨ Ŋwìə̀ kaʼ əmbɨ mbi bə̂d.

Tayitùs 3:7

Wɨ̀ nyaʼa nàʼ əne ɨmbə̀ʼ tɨ̀ we tɨ̀ rɨ chè ənjìm ɨ̀chɔ̀m we təm kùʼnɨ̀ ɨfě məd bə̀ jɨg ɨ̀tènɨ̀ rɨ mì we nɨ tɨ̀ nuŋ ɨkɔndɨ ɨ wòm.

Mə̀Hibrù 1:14

Ɨmbə̀ʼ mbɨ̀aŋgɨrə̀ mɨ̀jìm yɨ ɨzwî nɨə fàʼə̀, nɨ Ŋwìə̀ nyaʼa tom ni mbɨ weerɨ bə̂d mbe nɨ bɨrɨ jwɨ̀ rəŋgəʼ ə?

1 Pità 1:4

Zɨə fə bə̀ ghɨ̀ ni mbə̀ jɨg ɨghɨ mbe nɨ wɨ̀ nuŋ ɨkaŋ əmbɨ mbi bə̂d. Wɨ̀ fə nùŋ ɨghɨ mbe ɨkaŋ əsɨ nɨ chəi mbɨ bɨrɨ nɔ bɔb, chəi mbɨ bɨrɨ nɔ bə, chəi mbɨ bɨrɨ nɔ chɔʼrɨ.

1 Jɔn 2:25

Ənû ze nɨ Wan fə kaʼ ni tə bɨrɨ naʼ ɨ na yɨ ɨ̀tènɨ̀ rɨ mì.