Mk 1:32 - Meta’

³² À nyaʼa ɨkwirɨ ɨkwirɨ we, ənɨ ə nyùmə̀ nyaʼə sɨə wo nyɨ ɨkòb, mbɨ nyaʼa nɨŋ bə̂d əwɔn mɨjìm bə̀ nɨŋ mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, wò əsɨ Yeso.

Ikan feg

³² À ya yaʼ ikwikwiri we ne aneg àzwètì mə̀Ju ya fə meghi, bəd inga asiŋi ze ya niŋ bəd aghɔn məjìm fɔrɔ bəd mbe ne izwighi tibɔ̀ŋ ya yaʼi inga inɔb, ghò abə Yeso.

Mk 1:32 교차 참조

Matìyò 4:24

Ɨchî nɨ wɨ̀ nyaʼə ghɨ̀ əne, mɨkâ məd nyaʼa jàŋ ɨŋga Sirià jìm. Əze ə nyaʼa ghɨ̀ ni bə̂d mbe rəŋgu nɨŋ bə̂d mbe nɨ nyaʼə wɔ̀nə̀ tɨkwɨrɨ əwɔn jìm wò əsɨ məd. Wɨ̀ nyaʼa vɨ̀ bə̂d əwɔn mbe mɨjìm. Bə̂d əwɔn mbɔ̂ yɨ mbe nɨ ɨsɨ ɨnyod nyaʼə seə, mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, mbe nɨ ə̀fìrɨ̀ ə nyaʼə gywɨ̀ə̀ fɔrɨ mbe nɨ nyaʼa buʼrə.

Matìyò 8:16

À nyaʼa ɨkwirɨ kwirɨ əni ze, bə̂d nyaʼa nɨŋ bə̂d mɨ̀nɔnɔʼ nɨ ɨzwî rɨbɔ̀ŋ nyaʼa ɨŋga mɨ̀mə̌d wò əsɨ Yeso. Wɨ̀ nyaʼa chɨ̀ ɨzwî rɨbɔ̀ŋ mbe àmei ənɨ ɨŋgam. Wɨ̀ nyaʼa bə̀ vɨ̀ bə̂d əwɔn mɨjìm mbe nɨ mbɨ nyaʼa yeʼe mbɨ mbɨwən.

Matìyò 8:17

Ənû zɔ̂ ə nyaʼa ghɨ̀ əne ɨmbə̀ʼ ənû ze nɨ wə̀d ɨ̀kə̀n Ŋwìə̀ Aizayà nyaʼa ghǎ, ə jwɨ̀ ənɨ rəsìʼ ni, “Wɨ̀ nyaʼa chɨ̀ mba ɨnɔʼɔ bə̀ vɨ̀ mba ɨwɔn jìm.”

Mk 1:21

Yeso mbɨ mbi mə̀mə̀ə̀nɨ̀-ɨnû nyaʼa wò nyɨ ə Kàpenàhom. À nyaʼa əni əkwɨ mɨ̀Jû ze nɨ nyaʼa beenɨ, wɨ̀ nyaʼa wo nyɨ kɔ chwi ɨnû ɨŋga nəb ə̀kàtɨ̀ ze nɨ nyaʼa əsɨ ze.

Mk 1:31

Yeso nyaʼa wò ɨban məd, pè yim əbɔ əməd nɔ̀, wɨ̀ nɔ̀ʼ chubɨ. Ɨfə we nyaʼa saŋ əməd, wɨ̀ nɔ̀ʼ nàʼ ɨghɨjɨg əmbɨ mɨ̀mə̌d.

Mk 3:2

Bə̂d mɔʼɔ mbɨ nyaʼə bə̀ əŋgu nɨ nyaʼə nèŋ ə Yeso ɨ zə ni wɨ̀ wa bɨrɨ vɨ mbaŋə̀ ze əni əkwɨ ə. Mbɨ nyaʼə nèŋ əne ɨmbə̀ʼ ɨ zɨ ɨsaʼi ɨgwɨ məd.

Lk 4:40

Ənɨ nyùmə̀ nyaʼa sɨə wo nyɨ ɨkòb, bə̂d mɨ̀jìm mbe nɨ nyaʼa berɨ bə̂d nɨ nyaʼə wɔ̀nə̀ tɨkwɨrɨ əwɔn jìm, nyaʼa nɨŋ bə̂d əwɔn mbe wò əsɨ məd. Wɨ̀ nyaʼa zab mbi ɨbɔ ɨgun mɨ̀mə̌d, vɨ mɨ̀mə̌d.

Lk 4:41

Ɨzwî rɨbɔ̀ŋ nyaʼa bə̀ jwɨ̀ rɨŋga bə̂d mɨ̀nɔnɔʼ. Mbɨ nyaʼə kyeŋə ghàə̀ ni, “Àwɔ̀ yɨə Wan Ŋwìə̀!” Àyɨə wɨ̀ nyaʼa ghàm əbɔʼ mɨ̀mə̌d. Chəi wɨ̀ nyaʼa ben ni mbɨ ghàmə̀, ɨmbə̀ʼ ɨghəm nɨ mbɨ nyaʼa kyerɨ ni məd yɨə Wə̀d we nɨ Ŋwiə̀ zɔʼɔ.