Matìyò 8:6 - Meta’

⁶ ghà ni, “Masà, mɨ wə̀d ə̀fàʼì wɨə wɔ̀n ɨgun əbàʼ ɨŋga nəb. Wɨ̀ fə buʼrə. Ɨ wɨə kàŋə̀ zəə ŋgəʼ.”

Ikan feg

⁶ Wì ya gha, “Anɔŋisəg, ìmə wə̀d àfàʼì ne buʼrə we inga nəb zə̰ ngəʼ.”

Matìyò 8:6 교차 참조

Matìyò 4:24

Ɨchî nɨ wɨ̀ nyaʼə ghɨ̀ əne, mɨkâ məd nyaʼa jàŋ ɨŋga Sirià jìm. Əze ə nyaʼa ghɨ̀ ni bə̂d mbe rəŋgu nɨŋ bə̂d mbe nɨ nyaʼə wɔ̀nə̀ tɨkwɨrɨ əwɔn jìm wò əsɨ məd. Wɨ̀ nyaʼa vɨ̀ bə̂d əwɔn mbe mɨjìm. Bə̂d əwɔn mbɔ̂ yɨ mbe nɨ ɨsɨ ɨnyod nyaʼə seə, mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, mbe nɨ ə̀fìrɨ̀ ə nyaʼə gywɨ̀ə̀ fɔrɨ mbe nɨ nyaʼa buʼrə.

Matìyò 8:7

Yeso nyaʼa ghà ɨ bɔ ni, “Mə bɨrɨ wo vɨ əməd.”

Matìyò 9:2

Ənɨ wɨ̀ nyaʼa pè əŋgu, bə̂d mɔʼɔ nyaʼa bèʼ mbaŋə̀ ɨgwɨ ɨkon wò əsɨ məd. Mbaŋə̀ ze nyaʼa fə buʼrə. Ənɨ Yeso nyaʼa zə ɨchî nɨ bə̂d mbe nyaʼa nuŋ fîŋ ɨgwɨ ni, wɨ̀ nyaʼa ghà əmbɨ mbaŋə̀ ze nɨ nyaʼa buʼrə ni, “Yim fîŋ kyɨə wan. Mə fə waʼ mbe ɨnû rɨbɔ̀ŋ.”

Ɨ̀fàʼì 10:7

Ənɨ aŋgɨrə̀ we nɨ nyaʼa gham ɨ bɔ nyaʼa fə wò i, wɨ̀ nyaʼa tɔŋ mbi bə̂d ə̀fàʼì mɨbe bə̀ tɔŋ ə sɔgyɨ̀ mɔʼ rəbɔʼ mɨ̀sɔgyɨ̀ mbe nɨ nyaʼə fàʼ əton məd. Sɔgyɨ̀ we nyaʼa bə̀ nùŋ fîŋ ɨgun ə Ŋwiə̀.

Ɨ̀fàʼì 8:7

Ɨzwî rɨbɔ̀ŋ nyaʼa jwɨ̀ rɨŋga bə̂d mɨ̀nɔnɔʼ. Mbɨ nyaʼə jwɨ̀ə̀ kyeŋə rɨ̀kǎ. Ɨbuʼrɨ bə̂d nɔnɔʼ mbɨ ə bə̂d nɨ nyaʼa tèʼ ɨwu nyaʼa bɔtɨ.

Ɨ̀fàʼì 9:33

Ənɨ wɨ̀ nyaʼa pè əŋgu, wɨ̀ nyaʼa zə mbaŋə̀ mɔʼɔ nɨ ɨkum məd nyaʼə Eniàs. Mbaŋə̀ ze nyaʼa buʼrə. Chəi wɨ̀ nyaʼa nɔʼ rɨ ɨgun əbàʼ ɨghəm ɨwu famɨ.

Kòlosè 3:11

Əne chəi wɨrɨ i ɨkwepɨ əkaʼ bə̂d nɨ kaʼi mɨ̀Jû mbɨ mɨ̀Jû, chəi wɨrɨ i ɨkwepɨ əkaʼ bə̂d mbe nɨ mbɨ ne mbɨ mbe nɨ chəi mbɨ ne mɨ̀mə̌d, chəi wɨrɨ i ɨkwepɨ əkaʼ bə̂d əgyeŋ nɨ kɨrɨ ɨŋga ɨzimɨ, chəi wɨrɨ i ɨkwepɨ əkaʼ ɨ̀bòʼò mbɨ ə bə̂d nɨ yeʼ ənɨ ə ɨghəm. Kristo yɨ ɨnû jìm. Məd wɨ ɨŋga bə̂d mɨjìm mbe nɨ yeʼ ənɨ ənû ə mɔʼ mbɨ məd.

Kòlosè 4:1

Mɨ̀mbǎʼ ə̀fàʼì, mbə̀ ghɨ mbɨ mbə ɨ̀bòʼò ɨchî nɨ kuʼnɨ bə bɔŋ. Mbə̀ kyerɨ ni mbə bə̀ berɨ Mbǎʼ ə̀fàʼì ɨkaŋ.

1 Timotì 6:2

Tɨ ɨ̀bòʼò mbe nɨ berɨ mɨ̀mbǎʼ ə̀fàʼì nɨ ben ə Kristo təənɨ ə mɨ̀mbǎʼ ə̀fàʼì mbe ɨmbə̀ʼ ɨghəm nɨ mɨ̀mə̌d mɨjìm yeʼ bə̂d Kristo. Àyɨə mbɨ berɨ faʼ əmbɨ mɨ̀mə̌d kwàʼ ɨchî chɔ̀m, chè ɨchî nɨ tɨ mbɨ faʼ əmbɨ mɨ̀mbǎʼ mbe nɨ chəi mbɨ ben ə Kristo. Mbɨ berɨ ghɨ əne ɨmbə̀ʼ ɨghəm nɨ bə̂d mbe nɨ bɨrɨ jɨg njìm tɨ ənɨ ə̀fàʼì ze yɨə bə̂d nɨ ben ə Kristo nɨ bə̀ yeʼ mbe nɨ mbɨ ghaʼi kwàʼ rɨŋgəʼ. À berɨ chwi ɨnû mbɔ̂ bə̀ zə ni bə̂d Kristo beenɨ əbɔʼ.

Filemɔ̀n 1:16

Chəi à bɨrɨ wɨrɨ nɨŋ əməd ɨghabɨ ə̀bòʼò. À bɨrɨ nɨŋ əməd ɨghabɨ wə̀d nɨ chè ə̀bòʼò. Məd yɨ aŋgɔb nɨ tɨ̀ ghaʼi kwàʼ rɨŋgəʼ. Mə ghaʼ əməd, àyɨə mə kyerɨ ni à ghaʼ əməd chè əmɨ. Ghaʼ əməd ɨghabɨ ə̀bòʼò fɔrɨ ɨghabɨ aŋgɔb ɨchî nɨ tɨ̀ yeʼ ənɨ ɨfɔtɨ mbɨ Ə̀nùŋɨ̀sɨg.