Matìyò 8:3 - Meta’

³ Yeso nyaʼa sèm əbɔ bètɨ̀ əməd ghà ni, “Mə ghaʼ nɨ ghɨ əne. Ɨnyod, zeŋ!” Àmei əwu əwən, əpabɨ ze ə nyaʼa mì rɨ ɨgwɨ ə mbaŋə̀ ze.

Ikan feg

³ Yeso ya sèmì abo bètì aməd ywìtì ibo gha, “È! Mə kɔ̀ŋ. Àghò zen!” Kwàʼ ati, àwàrikə̀m ze ya mèg igun wə̀d we, wì bə zen.

Matìyò 8:3 교차 참조

Matìyò 12:13

Ənɨ wɨ̀ nyaʼa gham əne, wɨ̀ nyaʼa ghà əmbɨ mbaŋə̀ ze ni, “Sem e əbɔ.” Wɨ̀ nyaʼa sèm, əne əbɔ əməd ə nyaʼa wɨrɨ kà i ɨghabɨ əzɨ̂n.

Mk 1:41

Yeso nyaʼa nèŋ əməd kə̀nə̀, əne wɨ̀ nyaʼa sèm e əbɔ bètɨ̀ əməd ghà ɨ bɔ ni, “Mə ghaʼ nɨ ghɨ əne. Ɨnyod, zeŋ!”

Mk 4:39

Wɨ̀ nyaʼa nɔ̀ʼ, ghàm əbɔʼ əfim ze əne ghà əmbɨ mɨnib mbe nɨ nyaʼə nɔ̀ʼə̀ swiʼə ni, “Kəm rəziə! Tɨrə̀ bə̀ jùʼ e!” Ənɨ wɨ̀ nyaʼa ghà əne, əfim ze ə nyaʼa sobə, ɨsɨ bɔd rɨ gwèèd.

Mk 5:41

Ənɨ mbɨ nyaʼa nyɨ, wɨ̀ nyaʼa yim əbɔ ə wan əyi we ghà ɨ bɔ ni, “Talità kumi” əne yɨ ni, “Wan əyi kwa, mə ghà ɨ ne ni nɔʼ rətiə!”

Mk 7:34

Wɨ̀ nyaʼa neŋ ɨkaŋ, sɔ ɨchû, ghà ɨ bɔ ni, “Efatà,” əne yɨ ni “Fiʼə!”

Mk 9:25

Ənɨ Yeso nyaʼa zə ənɨ ɨnɔ̂n bə̂d nyaʼə nòrə̀ yeʼe fetɨə, wɨ̀ nyaʼa ghàm əbɔʼ əzwî rɨbɔ̀ŋ ze ni, “Àwɔ̀ əzwî ze nɨə ghɨ̀ ni tɨ wə̀d gham i bə̀ ghɨ̀ə̀ ni tɨ wɨ̀ zu i ənû, mə ghà ɨ ne ni à jwɨ̀ e rɨŋga wan mbaŋə̀ wɔ̂. Tɨrə̀ tɔ wɨrɨ nyɨ e ɨŋga məd.”

Lk 4:27

Bə̂d mɨ̀nɔnɔʼ nɨ nyaʼə wɔ̀n əpabɨ nyaʼa ɨŋga Izre ənɨ ə nyùmə̀ Èlaishà, àyɨə chəi əpabɨ ə nyaʼa mi rɨ ənɨ wɨ̀ mɔʼɔ, chè rɨ ənɨ ə Namàn nɨ nyaʼə wə̀d rɨ ə Sirià.”

Lk 5:13

Yeso nyaʼa sem əbɔ, betɨ əməd, ghà ni, “Mə ghaʼ nɨ ghɨ̀ əne. Ɨnyod, zeŋ!” Àmei əwu əwən, əpabɨ ze ə nyaʼa mì i.

Lk 7:14

Ənɨ wɨ̀ nyaʼa ghà əne, wɨ̀ nyaʼa wò bètɨ̀ ɨkon we nɨ mbɨ nyaʼa beʼ əvɨ ə wə̀d ze ɨgun. Bə̂d mbe nɨ nyaʼa bèʼ ɨkon we nyaʼa təm. Əne wɨ̀ nyaʼa ghà ni, “Əjɔŋ, mə ghà ɨ ne ni nɔʼ rətiə!”

Jn 11:43

Ənɨ wɨ̀ nyaʼa gha ənû zɔ̂, wɨ̀ nyaʼa kyeŋ rɨkǎ ghà ni, “Lazarɔ̀s, jwɨə yeʼe!”

Jn 15:24

À kɨ nɨ chəi mə̀ nyaʼa ghɨ ɨnû əkaʼ mɨ̀mə̌d nɨ chəi wə̀d cherə kweʼ ghɨ̀, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn mbɨ fə zə ɨnû mbe nɨ mə nyaʼa ghɨ̌, əne ɨ mbɨə bàn əmɨ bə̀ bànə̀ mɨ Mbǎʼ.

Jn 5:21

Ɨchî nɨ Mbǎʼ ə zwemnɨ ə bə̂d bə̀ nàʼ ɨ̀tènɨ̀ əmbɨ mɨ̀mə̌d yɨə bə ɨchî nɨ Wan ə nàʼ ɨ̀tènɨ̀ əmbɨ wə̀d we nɨ wɨ̀ ghaʼi.