Matìyò 4:3 - Meta’

³ Əne Debɨ̀rə̀ we nyaʼa wò ghà ɨ bɔ ni, “Àwɔ̀ mɨ kàŋ yeʼ Wan Ŋwìə̀, ghà əti zɔ̂ ə beŋ ənɨ ə ŋgə̀ŋ.”

Ikan feg

³ Debrə̀ ya ghò ibo pè ghà ibo gha, “Àghò mə yaʼ Ŋwan Ŋwiye, ghàma abə iteg gho̰ we bəŋə ane ngə̀ŋ.”

Matìyò 4:3 교차 참조

Matìyò 14:33

Bə̂d mbe nɨ nyaʼa ɨŋga əbaŋ ɨgyɨ̀ ze nyaʼa wumnɨ əməd, ghàə̀ ni, “À yɨ rəsìʼ ni àwɔ̀ yɨə kàŋ ə Wan Ŋwiə̀.”

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Matìyò 26:63

Yeso nyaʼa kəm i rəziə. Əne ətu ɨgwɨ ə bə̂d mbàn Ŋwìə̀ we nyaʼa ghà ɨ bɔ ni, “Gha we rəsìʼ ənɨ ɨkum Ŋwiə̀ we nɨ yeʼ ɨkǎ ni àwɔ̀ yɨə Wə̀d we nɨ Ŋwìə̀ zɔʼɔ, nɨ yeʼ Wan Ŋwìə̀.”

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

Mk 1:1

Ɨkɔ rɨ ənɨ ɨkə̂n chɔ̀m ɨmbə̀ʼ ə Yeso Kristo we nɨ yeʼ Wan Ŋwìə̀.

Mk 3:11

Ənɨ bə̂d mbe nɨ ɨzwî rɨbɔ̀ŋ nyaʼa ɨŋga mɨ̀mə̌d nyaʼa zə əməd, mbɨ nyaʼa gù ə si ɨfě ɨ bɔ, kyeŋ rɨkǎ ghà ni, “Àwɔ̀ yɨə Wan Ŋwìə̀!”

Mk 5:7

kyeŋ ənɨ ə gɨ̂ nɨ kǎ ghà ni, “Yeso, Wan Ŋwìə̀ Ə̀chè-ɨsɨg, à berɨ ənû ə ye nɨ ghɨ̀ mbɨ num ə? Mə buʼ ɨbɔ ɨ ne ənɨ ɨkum Ŋwiə̀ ni tɨrə̀ chə e əmɨ!”

Lk 1:35

Aŋgɨrə̀ we nyaʼa wììrɨ̀ ɨ bɔ ni, “Əzwî ə Zeŋɨ bɨrɨ yeʼe ɨgwɨ ne, əne ɨka Ə̀chè-ɨsɨg bɨrɨ kubrɨ əwe. Mbɨ bɨrɨ tɔŋ wan zeŋɨ we nɨ à bɨrɨ gywɨ ni məd yɨə Wan Ŋwìə̀.

Lk 22:70

Mɨ̀mə̌d mɨjìm nyaʼa biirɨ ɨ bɔ ni, “Əne àwɔ̀ yɨə Wan Ŋwìə̀ ə?” Wɨ̀ nyaʼa wììrɨ̀ əmbɨ mɨ̀mə̌d ni, “Mbə fə ghà ni mə yɨ wɨwən.”

Lk 4:3

Debɨ̀rə̀ we nyaʼa ghà ɨ bɔ ni, “Àwɔ̀ mɨ kàŋ yeʼ Wan Ŋwìə̀, ghà əmbɨ ɨti wɔ̂ ni wɨ̀ beŋ ənɨ ə ŋgə̀ŋ.”

Lk 4:41

Ɨzwî rɨbɔ̀ŋ nyaʼa bə̀ jwɨ̀ rɨŋga bə̂d mɨ̀nɔnɔʼ. Mbɨ nyaʼə kyeŋə ghàə̀ ni, “Àwɔ̀ yɨə Wan Ŋwìə̀!” Àyɨə wɨ̀ nyaʼa ghàm əbɔʼ mɨ̀mə̌d. Chəi wɨ̀ nyaʼa ben ni mbɨ ghàmə̀, ɨmbə̀ʼ ɨghəm nɨ mbɨ nyaʼa kyerɨ ni məd yɨə Wə̀d we nɨ Ŋwiə̀ zɔʼɔ.

Lk 4:9

Debɨ̀rə̀ we nyaʼa nɨŋ əməd mbɨ wò ə Jèrusalèm. Wɨ̀ nyaʼa pè ghɨ̀ wɨ̀ kɔʼ təm ɨdom mbàn Ŋwìə̀, əne gha ɨ bɔ ni, “Àwɔ̀ mɨ kàŋ yeʼ Wan Ŋwìə̀, à təm əgha tòm ə si.

Jn 1:34

Mə fə zə, əne mə wɨə bə̀ ghà əmbɨ ə bə̂d ni məd yɨə Wan Ŋwìə̀.”

Jn 1:49

Natanaèl nyaʼa wììrɨ̀ ɨ bɔ ni, “Əchwiə̀-ɨnû, àwɔ̀ yɨə Wan Ŋwìə̀! Àwɔ̀ yɨ ɨfɔn mɨ̀Izre!”

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 9:35

Ənɨ Yeso nyaʼa zu ni mbɨ fə fid mbaŋə̀ ze rɨŋga nəb ə̀kàtɨ̀, wɨ̀ nyaʼa wo kə̀b əməd zə, biirɨ ɨ bɔ ni, “À ben Wan Wə̀d ə?”

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

2 Kɔrèn 1:19

ɨmbə̀ʼ ɨghəm nɨ ka Yeso Kristo nɨ yeʼ Wan Ŋwìə̀ we nɨ mɔ̌, Sɨlvanùs mbɨ Timotì nyaʼə ghà ɨmbə̀ʼ əməd əkaʼ nən wɨə ghà i ni “Ee” bə̀ wɨrɨ beŋ ghà ni “Chə̂” àmei əwu əwən. Məd wɨə ghà àmei ni “Ee.”

Gàlesìyà 2:20

əne kaʼi mɔ̌ yeʼ ɨkǎ. Wə̀d we nɨ yeʼ ɨkǎ yɨə Kristo we nɨ yeʼ ɨŋga num. Ɨ̀tènɨ̀ we nɨ mə berɨ tɨ̀nîn yɨ ɨmbə̀ʼ ɨchî nɨ mə̀ nuŋ fîŋ ɨgun ə Wan Ŋwìə̀ we nɨ nyaʼa ghaʼ əmɨ əne nàʼ i ɨnyod ənɨ əghɨ ə̀fà ɨmbə̀ʼ əmɨ.

1 Tèsàlonikà 3:5

À yɨ əton nɨ ɨchî nɨ chəi ənɨ tɨ mə nyaʼa wɨrɨ nyìʼ wò ɨmbì, mə nyaʼa tom ə Timotì əsɨ nən ni wɨ̀ yeʼe zə ni mbə mbɨə kɨrɨ nuŋ fîŋ ɨgun ə Kristo ə. Mə nyaʼa ghɨ̀ əne ɨmbə̀ʼ ɨghəm nɨ mə̀ wɨə nyaʼə bɔə ni ɨghə̀m ənumbɨ bə̂d fə numbɨ əwən əne ghɨ̀ ə̀fàʼì ze nɨ tɨ̀ nyaʼa faʼ ə chè ətu ə̀kǒ.

Mə̀Hibrù 12:16

Mbə̀ zə ni tɨ wə̀d mɔʼɔ ni i məyi kɨ̀ mbaŋə̀ əbəŋ əbəŋ, bə̀ zə ni tɨ wə̀d mɔʼɔ chub i nɨ chəi wɨə bɔ ə Ŋwìə̀ ɨchî nɨ Esaò nyaʼa ghɨ̌. Wɨ̀ nyaʼa fen i ɨkyěŋ ɨghabɨ ə wan-fə̀d ənɨ əkaŋ əghɨjɨg.

Mə̀Hibrù 4:14

Tɨ̀ berɨ ətu ɨgwɨ ə bə̂d mbàn Ŋwìə̀ nɨ dabə. Məd yɨə Yeso Wan Ŋwìə̀ we nɨ nyaʼa wò ɨkaŋ. Əne tɨ̀ yim ənû ze nɨ tɨ̀ benɨ zɨə kaanə.

Mə̀Hibrù 7:3

Chəi mbɨ ŋwaʼnɨ ɨmbə̀ʼ mbǎʼ məd, ɨmbə̀ʼ ɨŋgɔb məd kɨ̀ ɨmbə̀ʼ ɨnəbɨ məd. Chəi mbɨ ŋwaʼnɨ ɨmbə̀ʼ ɨchî nɨ mbɨ nyaʼa gywɨ əməd kɨ̀ ɨmbə̀ʼ ɨchî nɨ wɨ̀ nyaʼa kwɨ, àyɨə ɨchî nɨ wɨ̀ nyaʼa ɨghabɨ ə Wan Ŋwìə̀, wɨ̀ yɨə wə̀d mbàn Ŋwìə̀ koŋ.

1 Jɔn 3:8

Wə̀d we nɨə ghɨ̀ ɨnû rɨbɔ̀ŋ yɨə wə̀d Debɨ̀rə̀. À yɨ əne ɨmbə̀ʼ ɨghəm nɨ Debɨ̀rə̀ nyaʼa kɔ ghɨ̌ ənû rɨbɔ̀ŋ tɨ ənɨ Ŋwìə̀ nyaʼa tekɨ ɨsɨg. Wan Ŋwìə̀ nyaʼa yeʼe ɨmbə̀ʼ nimnɨ ɨnû mbe nɨ Debɨ̀rə̀ nyaʼə ghɨ̀ə̀.

Ɨnû 2:10

Tɨrə̀ bɔ e ənû ze nɨ à bɨrɨ zə ŋgəʼ ɨmbə̀ʼ əzɨ əwən. Zə, Debɨ̀rə̀ bɨrɨ zɨ mbən mɨmɔʼɔ ə ndəŋ, ɨmbə̀ʼ zweʼrɨ əwən. Mbɨ bɨrɨ nwendɨ tə rɨkyerɨ-ɨwu ɨni wum. Mbə̀ nuŋ fîŋ ɨgun ə Kristo wò pè ənɨ mbɨ zwiirɨ əwən. Mə bɨrɨ neʼ əwən mbɨ ɨ̀tènɨ̀.